எதிர்நீச்சல் இந்த வார அப்டேட்: தந்திரமாக அப்பத்தாவின் சொத்துக்களை கைப்பற்ற நினைக்கும் குணசேகரனின் கனவு பலிக்குமா?

சன் தொலைக்காட்சியில் வாரந்தோறும் இரவு 9:30 மணிக்கு ஒளிபரப்பாகும் சூப்பர் ஹிட் தமிழ் சீரியல். TRP போன்ற தொலைக்காட்சி ரேட்டிங் வகையில் இந்த எதிர்நீச்சல் சீரியல் முன்னணி இடம் பிடித்து வருகிறது. பெண்களின் முன்னேற்றத்தை பற்றி விறுவிறுப்பான திரைக்கதையில் உருவாகியுள்ள இந்த சீரியலின் இந்த வார ப்ரோமோ அப்டேட் மற்றும் இனி நடக்கவிருக்கும் கதைக்களத்தை பற்றி இங்கு பார்ப்போம்.

கடும் வாக்குவாதம் மற்றும் பிரச்சனைகளுக்கு பிறகு ஆதிரையின் காதலை குணசேகரன் ஒப்புக்கொள்கிறார். ஆதிரையின் காதலுக்காக களமிறங்கிய அப்பத்தாவின் சொற்களுக்கு இறங்கி வந்த குணசேகரன், பதிலுக்கு அப்பத்தாவின் 40 % ஷேர் சொத்துக்களை கேட்கிறார், இதற்கு அப்பத்தாவும் சரி என பதிலளித்துள்ளார்.

தன் காதலுக்காக தற்கொலைக்கு முயன்ற ஆதிரையை காப்பாற்றி வீட்டுக்கு அழைத்து வந்துள்ளனர், ஆதிரையின் அண்ணிகள். வீட்டுக்கு வந்துள்ள ஆதிரைக்கு ஆதரவாக பல குரல்கள் உதித்த நிலையில் இறுதியாக அப்பத்தா ஆதிரையின் காதலுக்காக பேச தொடங்கியுள்ளார். அப்பத்தாவிற்காக ஆதிரையின் காதலை ஏற்று கொண்டார், குணசேகரன்.

ஆதிரையை கரிகாலனுக்கு திருமணம் செய்து வைத்து கரிகாலனின் சொத்தை அபகரிக்க திட்டம் போட்ட குணசேகரனின் எண்ணம் தோல்வி அடைந்துள்ள நிலையில், ஆதிரையை எஸ் கே ஆர் கடைசி தம்பிக்கு திருமணம் செய்து வைத்து எஸ் கே ஆர் குடும்பத்தின் சொத்தை அபகரிக்க திட்டம் தீட்டுகிறார், குணசேகரன்.

ஆதிரையின் வாழ்க்கைக்காக தனது 40 சதவீத சொத்தை விட்டுக்கொடுக்க முயன்ற அப்பத்தாவின் எண்ணத்தை எதிர்த்து ரேணுகா மற்றும் நந்தினி தனது ஆதங்கத்தை வெளிப்படுத்துகின்றனர். இந்த நேரத்திலும் அப்பத்தாவிற்கு ஆதரவாக ஜனனி உள்ளார்.