இரவின் நிழல் முதல் கொட்டுக்காளி வரை: தமிழ் சினிமாவில் சிறந்த புதுமைகளை அறிமுகப்படுத்திய 5 திரைப்படங்கள்

இரவின் நிழல், நடிகர் பார்த்திபன் தானே இயக்கி, நாயகனாக நடித்திருக்கும் திரைப்படம். இப்படத்தினை தயாரிப்பாளர் ஷங்கர் எ தாஸ் தயாரிக்க, இசையமைப்பாளர் ஏ ஆர் ரஹ்மான் இசையமைத்துள்ளார். இந்த படம், உலகின் முதல் நேரியிலற்ற ஒற்றைப்பிடிப்புத் திரைப்படமாகவும், முதல் ஆசிய ஒற்றைப்பிடிப்புத் திரைப்படமாகவும் ஆசியச் சாதனைப் புத்தகம் மற்றும் இந்தியச் சாதனைப் புத்தகத்தில் பதிவு செய்யப்பட்டு பெருமிதம் அடைந்தது.

மெர்க்குரி இயக்குனர் கார்த்திக் சுப்புராஜ் இயக்கத்தில், பிரபுதேவா, சனந் ரெட்டி, ரம்யா நம்பீசன் மற்றும் பலர் நடித்த ஒரு சைலன்ட் த்ரில்லர் திரைப்படம். ஒரு அற்புதமான பரிசோதனை திரைப்படமாகும், இதில் எந்த ஒரு வசனங்களும் இல்லை, கதை முழுவதும் காட்சி மற்றும் உணர்வுகளின் மூலம் சொல்லப்படுகிறது. 

சுயம்வரம் இயக்குனர் கே எஸ் ரவிக்குமார், சுந்தர் சி, ஆர் சுந்தர்ராஜன், வாசு மற்றும் பல இயக்குனர்களின் இயக்கத்தில் சத்யராஜ், பிரபு, கார்த்திக், ரம்பா, அர்ஜுன், குஷ்பூ மற்றும் பல நடிகர்கள் நடித்திருக்கும் காதல் மற்றும் குடும்பத்திரைப்படம். இப்படம் 24 மணி நேரத்தில் முழு படமாக எடுக்கப்பட்ட ஒரு புரட்சிகரமான திரைப்படம் ஆகும்.  இப்படம் விரைவில் தயாரிப்பதன் மூலம் படைப்பாளர்களின் கற்பனையும் திறமையும் காட்டுகிறது, மிகக் குறைந்த நேரத்தில் ஒரு முழு திரைப்படத்தை உருவாக்கியுள்ளார்கள்.

ஒத்த செருப்பு சைஸ் 7 தமிழ் திரையுலகில் எழுத்தாளராகவும், தனது அழுத்தமான வசனங்களால் ரசிகர்களை கவர்ந்த நடிகர் பார்த்திபன் தானே இயக்குனராகவும், நடிகராகவும், தயாரிப்பாளராகவும் பணியாற்றியுள்ள திரைப்படம். முழு திரைப்படத்தில் ஒரே நடிகரை மட்டுமே கொண்டுள்ள திரைப்படம் ஆகும். இந்த படமானது ஒரே பாத்திரத்தில் துல்லியமான நடிப்பை வெளிப்படுத்துகிறது, குறைந்த பாத்திரங்களுடன் கதையைச் சொல்லும் ஆற்றலை காட்டுகிறது.

கொட்டுக்காளி இயக்குனர் வினோத் ராஜ் பி.எஸ் இயக்கத்தில் சூரி  அன்னா பென் முன்னணி கதாபாத்திரத்தில் நடித்திருக்கும் திரைப்படம். ஒவ்வொரு காட்சியிலும் சத்தத்தை மறுசீரமைப்பின்றி நேரடி ஒலி பயன்படுத்திய ஒரு புதுமையான திரைப்படமாகும். இந்த படத்தின் இயல்பான ஒலி வடிவமைப்பு அதன் உண்மைதன்மையை மேலும் அதிகரிக்கிறது, பொதுவாக திரைப்படங்களில் பயன்படுத்தப்படும் பிந்தைய ஒலிக்குரிய பணியிலிருந்து விலகியுள்ளது.