சலார் 2 முதல் கல்கி 2... பிரபாஸ் நடிப்பில் அடுத்த 5 பிரமாண்ட படங்கள் லிஸ்ட்

சலார் 2 - இயக்குனர் பிரஷாந்த் நீல் இயக்கத்தில் பிரபாஸ், பிரித்வி ராஜ் முன்னணி கதாபாத்திரத்தில் நடிக்கும் திரைப்படம். இப்படத்தின் முதல் பாகல் 2023 ஆம் ஆண்டு வெளியாகி பெரிய அளவில் மக்கள் மத்தியில் வரவேற்பினை பெற்றுள்ளது. இப்படத்தின் முதல் பாகம் 1000 கோடிவசூலை நெருங்கி சாதனை படைத்திருக்கிறது. இப்படத்தின் தயாரிப்பு பணிகள் தொடங்கியுள்ள நிலையில், சலார் 2 திரைப்படம் 2025ல் வெளியாகும் என படக்குழு சார்பில் தகவல்கள் வெளியாகியுள்ளது.

கல்கி 2 - இந்த ஆண்டு ஜூன் மாதம் 27ல் வெளியாகி பெரிய அளவில் வசூல் சாதனை படைத்து வரும் அதிரடி திரைப்படம். பிரமாண்ட பொருட்செலவில் உருவாகியுள்ள இப்படம் ஒரே வாரத்தில் 777 கோடிகளுக்கு மேல் வசூலித்துள்ளது.  இப்படத்தில் பிரபாஸ் நாயகனாக நடிக்க தீபிகா படுகோன், கமல் ஹாசன், அமிதாப் பச்சன் என பலர் நடித்துள்ளனர். இப்படத்தின் இரண்டாம் பாகம் 2025ல் தொடங்கும் என எதிர்பார்க்கப்படுகிறது.

கண்ணப்பா - இயக்குனர் முகேஷ் குமார் சிங் இயக்கத்தில் க்ரித்தி சனோன், பிரபாஸ், விஷ்ணு மஞ்சு, மோகன் பாபு என பல பிரபலங்கள் நடித்துள்ள திரைப்படம். இப்படம் பெரிய பொருட்செலவில் உருவாகி வெளியீட்டிற்கு தயாராக உள்ளது. இப்படம் 2025ல் வெளியாக உள்ளது. இப்படத்தில் நடிகர் பிரபாஸ் ஒரு முக்கிய கதாபாத்திரத்தில் நடித்துள்ளார், பெரும்பாகும் இவர் ஈசன் கதாபாத்திரத்தில் நடித்துள்ளார் என தகவல்கள் வெளியாகி உள்ளது.

ஸ்பிரிட் - இயக்குனர் சந்தீப் ரெட்டி வங்கா இயக்கத்தில் பிரபாஸ் நாயகனாக நடிக்கும் திரைப்படம். இப்படத்தின் இயக்குனர் அர்ஜுன் ரெட்டி, அனிமல் என பல வெற்றி படங்கள் இயக்கி இளைஞர்கள் மத்தியில் கொண்டாடப்படுகிறார். பிரபாஸ் நடிப்பில் பெரிய பொருட்செலவில் இப்படம் உருவாக திட்டமிட்டு, விரைவில் படத்தின் படப்பிடிப்பு பணிகளை தொடங்க உள்ளது.

தி ராஜா சாப் - இயக்குனர் மாருதி இயக்கத்தில் பிரபாஸ் நாயகனாக நடிக்கும் காதல் - அதிரடி திரைப்படம். இப்படத்தில் பிரபாஸ் உடன் இணைந்து மாளவிகா மோகனன், நிதி அகர்வால், சஞ்சய் தட், யோகி பாபு என பல முக்கிய பிரபலங்கள் நடித்துள்ளனர். இசையமைப்பாளர் தமன் இப்படத்திற்கு இசையமைக்கிறார்.