கருடன் vs ஹிட் லிஸ்ட்: புது முகமா, புதுய நாயகனா? இந்த வார வின்னர் யார்..

கருடன் -  இயக்குனர் ஆர் எஸ் துரை செந்தில் குமார் இயக்கத்தில் சூரி, சசிகுமார், உன்னி முகுந்தன் என பல தமிழ் சினிமா நட்சத்திரங்கள் நடித்திருக்கும் அதிரடி திரில்லர் திரைப்படம். இப்படத்தினை தயாரிப்பாளர் கே குமார் மாற்றம் இயக்குனர் வெற்றிமாறன் இணைந்து கிராஸ் ரூட் பிலிம் கம்பெனி மற்றும் லார்க் ஸ்டுடியோஸ் தயாரிப்பு நிறுவனம் மூலம் தயாரிக்க, இசையமைப்பாளர் யுவன் ஷங்கர் ராஜா இசையமைத்துள்ளார்.

தமிழ் திரைப்பட ரசிகர்கள் குடும்பங்களோடு ரசிக்கும் வகையில் அதிரடி - திரில்லர் திரைப்படமாக உருவாகியுள்ள 'கருடன்' திரைப்படத்திற்கு ஒளிப்பதிவாளர் ஆர்தர் எ வில்சன் ஒளிப்பதிவு செய்ய, படத்தொகுப்பாளர் பிரதீப் ஈ ராகவ் எடிட்டிங் செய்துள்ளார். இப்படத்தில் சமுத்திரக்கனி, ரோஷ்ணி ஹரிப்ரியன், ரேவதி சர்மா, மைம் கோபி, மொட்டை ராஜேந்திரன் என பல தமிழ் திரைப்பட நட்சத்திரங்கள் முக்கிய கதாபாத்திரத்தில் நடித்துள்ளனர்.

ஹிட் லிஸ்ட் - இயக்குனர் சூர்யா கதிர் கக்கள்ளர் மற்றும் இயக்குனர் கார்த்திகேயன் கே இணைந்து இயக்கியிருக்கும் அதிரடி - திரில்லர் திரைப்படம். இப்படத்தில் தமிழ் சினிமாவில் புகழ் பெற்ற இயக்குனரான விக்ரமன் அவர்களின் மகன் விஜய் கனிஷ்கா நாயகனாக அறிமுகமாகியுள்ளார். மேலும் இப்படத்தில் சரத் குமார், கவுதம் மேனன், ஸ்ம்ருதி வெங்கட், ஐஸ்வர்யா தத்தா, பாலா சரவணன், சித்தாரா என தமிழ் திரைப்பட நட்சத்திரங்கள் பலர் முக்கிய காப்பாத்திரத்தில் நடித்துள்ளனர்.

இயக்குனர் கே எஸ் ரவிகுமார் ஹிட் லிஸ்ட் படத்தினை தயாரிப்பாளராக தனது ஆர் கே செல்லுலோய்ட்ஸ் தயாரிப்பு நிறுவனத்தின் மூலம் தயாரிக்க, இசையமைப்பாளர் சத்யா சி இசையமைத்துள்ளார்.

தி அக்காலி - இயக்குனர் முகமது ஆசிப் ஹமீத் இயக்கத்தில் நாசர், வினோத் கிஷான், அர்ஜை, ஸ்வயம் சித்தா என பல தமிழ் திரைப்பட பிரபலங்கள் நடித்திருக்கும் திரில்லர் - திகில் திரைப்படம். இப்படத்தினை தயாரிப்பாளர் பி யூகேஸ்வரன் 'PSB புரொடக்சன்' நிறுவனத்தின் மூலம் தயாரிக்க, இசையமைப்பாளர் அனிஷ் மோகன் மற்றும் சரத் இணைந்து இசையமைத்துள்ளனர்.

கிரைம் - திகில் படமாக படமாக உருவாகியுள்ள 'தி அக்காலி' திரைப்படத்திற்கு ஒளிப்பதிவாளர் கிரி முற்பி ஒளிப்பதிவு செய்ய, படத்தொகுப்பாளர் இனியவன் பாண்டியன் எடிட்டிங் செய்துள்ளார்.

தேனி மாவட்டம் கோம்பை என்னும் கிராமத்தில் உயிர் நண்பர்களாக வளர்கின்றனர், ஆதி (சசிகுமார்) & கர்ணா (உன்னி முகுந்தன்). இவர்கள் இணைந்து செங்கல் சூளை தொழில் செய்து வருகின்றனர். கோம்பையில் உள்ள ஒரு அம்மன் கோவில் நிலத்தை அபகரிக்க நினைக்கும் அரசியல்வாதி ஆர் வி உதயகுமார் (சின்ன கவுண்டர் பட இயக்குனர்), மைம் கோபி மற்றும் போலீஸ் அதிகாரி சமுத்திரக்கனி உதவியுடன் தனது திட்டத்தை நகர்த்துகிறார்.

கோவில் பற்றிய அணைந்து பத்திர சான்றிதழ் முழுவதையும் வடிவுக்கரசி குடும்பம் பராமரித்து வருகிறது. இப்படத்தின் நாயகன் சூரி 'சொக்கன்' என்ற கதாபாத்திரத்தில் நடித்துள்ளார்.

கர்ணன் (உன்னி முகுந்தன்) சிறுவயதில் ஒரு ஆபத்தில் இருந்து சூரி காப்பாற்ற, அந்த நொடி முதல் சூரி கர்ணனின் நண்பனாகவும், பாதுகாவலனாக மாறுகிறார். மிகுந்த விஸ்வாசத்துடன் இருக்கும் சூரி, கர்ணன்யை பல திசைகளில் இருந்து பாதுகாத்து வருகிறார்.

காலபோக்கில் சூரி - சசி குமார் - உன்னி முகுந்தன் மூவரும் நண்பர்களாக மாறுகின்றனர். இவர்களை தாண்டி கோவில் நிலத்தை அபகரிக்க முடியாமல் இருக்கும் அரசியல்வாதி, சூழ்ச்சி செய்து உன்னி முகுந்தன் - சசி குமார் இடையே இருக்கும் நட்பை உடைக்க திட்டமிட்டு, நண்பர்களை எதிரிகளாக மாற்றுகின்றார்.

தனது மனைவி தூண்டுததால் நண்பன் துரோகியாக மாறுகிறார், உன்னி முகுந்தன். இவர் செய்யும் தவறுகளுக்கு சூரி என்ன செய்கிறார் என்பதே இப்படத்தின் கதை.

தவறென அறிந்தும் உன்னி முகுந்தன் பக்கம் நின்றாரா? சூரி. இல்லை உன்னி முகுந்தனை எதிர்த்து நிற்கிறாரா? என்பதே இப்படத்தின் சுவாரஸ்ய திரைக்கதை

நாயகன் விஜய் கனிஷ்கா ஐ.டி துறையில் வேலை பார்த்து வருகிறார். ஒரு எளிமையான நடுத்தர குடும்பத்தை சேர்ந்த இவரது வீட்டில் அம்மா (சித்தாரா) மற்றும் தங்கை (அபி நக்ஷத்திர) உடன் மகிழ்ச்சியான வாழ்வை வாழ்ந்து வருகிறார். இவரும் ஐஸ்வர்யா தத்தாவும் காதலித்து வருகின்றனர். நாயகன் விஜய் கனிஷ்கா வள்ளலார் கொள்கையை அடிப்படையாக கொண்டு எந்த உயிருக்கும் தீங்கு நினைக்காமல் வாழ்ந்து வருகிறார்.

தீடிரென ஒரு முகமூடி மனிதன் நாயகனின் அம்மா, தங்கை இருவரையம் கடத்தி செல்கிறார். பின் நாயகனை தொடர்பு கொண்டு ஒரு விளையாட்டை தொடங்குகிறார். முதலில் அவரது வீட்டில் இருக்கும் சேவலை கொலை செய்ய வேண்டும் என சொல்லி முகமூடி மனிதன் நாயகனின் அம்மா & தங்கையை பணய கைதியாக வைத்து மிரட்டுகிறார். எந்த உயிருக்கும் தீங்கு நினைக்காமல் சைவம் உணவு உண்ணும் நாயகன், வேறு வழியின்று சேவலை கொலை செய்து விடுகிறார்.

பின் இரண்டாவது சுற்று என்று சொல்லி, ஒரு பெரிய படைபலம் கொண்ட ரவுடியை கொலை செய்ய வேண்டும் என சொல்கிறார், முகமூடி மனிதன். ரவுடி கதாபாத்திரத்தில் ராமசந்திரன் ராஜு நடித்துள்ளார். அவரை நெருங்கிய நாயகன் விஜய் கனிஷ்கா, ரவுடியை கொலை செய்து விடுகிறார்.

போலீஸ் அதிகாரியாக சரத் குமார் அறிமுகமாகிறார். இந்த கொலைகளை செய்யும் நாயகனை பின் தொடர்கிறார், சரத் குமார். முகமூடி மனிதன் மூன்றாவது சுற்றாக கவுதம் மேனன் (மருத்துவர்)-யை கொலை செய்ய சொல்ல, இறுதியில் என்ன ஆனது? 

சரத் குமார் மற்றும் விஜய் கனிஷ்கா இருவரும் இணைந்து அந்த முகமூடி மனிதனை கண்டு பிடித்தனரா? எதற்காக நாயகனை குறிவைத்து இந்த கொலைகளை செய்ய சொல்கிறார், முகமூடி மனிதன்... என்பதே இப்படத்தின் சுவாரஸ்ய திரைக்கதை

இந்த வாரம் 2024 மே 31ல் தமிழ் சினிமாவில் ஹிட் லிஸ்ட், கருடன், தி அக்காலி ஆகிய படங்கள் வெளியாகி மக்களின் கவனத்தை கவர்ந்துள்ளது. தொடர்ந்து மோசமான படங்கள் மற்றும் பெரிய நடிகர்களின் படங்கள் இல்லாமல் தவித்து வந்துள்ள தமிழ் சினிமா, இந்த வாரம் மக்களின் கவனத்தை ஈர்த்துள்ளது.

இந்த வாரம் வெளியான ஹிட் லிஸ்ட், கருடன், தி அக்காலி என்னும் மூன்று படங்களில் சிறந்த படமாக கருடன் படம் மக்களின் ஆதரவை பெற்று, இந்த வார வின்னர் படமாக புகழ் பெற்றுள்ளது. சிறந்த திரைக்கதை மற்றும் சுவாரஸ்யம் நிறைந்த காட்சிகள் என பல கருத்துகள் உடைய படமாக இப்படம் உருவாகி உள்ளது. இப்படத்திற்கு இயக்குனர் வெற்றிமாறன் கதை எழுதியுள்ளார்.