Good Bad Ugly OTT: அஜித்தின் 3 படங்களின் டிஜிட்டல் ஓடிடி கைப்பற்றிய நெட்பிளிக்ஸ்

அஜித் குமார் - தமிழ் சினிமாவில் பணியாற்றி வரும் முக்கிய நடிகர்களில் ஒருவர் ஆவார். இவருக்கென கோடிக்கணக்கான ரசிகர்களின் படைபலம் உள்ளது. இவர் ஒரு முன்னணி நடிகராகவும், கார் ரேசர், பைலட் என பல துறைகளில் பணியாற்றி வரும் பிரபலம். சமீபத்தில் இவர் நடித்துள்ள துணிவு படம் 300 கோடிகள் வசூலித்து சாதனை படைத்துள்ளது. 100 கோடிகளுக்கு மேல் சம்பளமாக வாங்கும் இவர், பெரிய அளவில் தமிழ் சினிமாவில் ஜொலித்து வருகிறார்.

நடிகர் அஜித் குமார் தற்போது நடித்து வரும் 'குட் பேட் அக்லி' திரைப்படத்தின் டிஜிட்டல் ஸ்ட்ரீமிங் ஓடிடி உரிமையை 'நெட்பிளிக்ஸ்' நிறுவனம் கைப்பற்றியுள்ளது. இப்படத்தினை 95 கோடிகளுக்கு அந்நிறுவனம் வாங்கியுள்ளது என தகவல்கள் சமூக வலைத்தளத்தில் பரவி வருகிறது. நடிகர் அஜித் குமாரின் எந்த படமும் படைக்காத சாதனையை 'குட் பேட் அக்லி' திரைப்படம் படைத்துள்ளது.

குட் பேட் அக்லி - இயக்குனர் ஆதிக் ரவிச்சந்திரன் இயக்கத்தில் அஜித் குமார் நடிக்கும் திரைப்படம். இப்படத்தில் நடிகர் அஜித் மூன்று வித்தியாசமான கதாபாத்திரத்தில் நடிக்கவுள்ளார் என தகவல்கள் வெளியாகி உள்ளது. மைத்திரி மூவி மேக்கர்ஸ் தயாரிப்பு நிறுவனம் தயாரித்துள்ள இப்படத்திற்கு இசையமைப்பாளர் தேவி ஸ்ரீ பிரசாத் இசையமைத்துள்ளார்

சமீபத்தில் அஜித் குமார் நடிப்பில் வெளியான துணிவு திரைப்படம் மற்றும் இவர் நடித்து வரும் விடாமுயற்சி மற்றும் குட் பேட் அக்லி திரைப்படங்களின் டிஜிட்டல் ஸ்ட்ரீமிங் உரிமையை 'நெட்பிளிக்ஸ்' நிறுவனம் கைப்பற்றியுள்ளது. விடாமுயற்சி மற்றும் குட் பேட் அக்லி படம் தயாரிப்பு பணிகள் நடந்து வரும் நிலையில், இப்படங்களின் ஃபர்ஸ்ட் லுக் போஸ்டர் வெளியாகியுள்ள நிலையில், இப்படங்களின் டிஜிட்டல் ஓடிடியை நெட்பிளிக்ஸ் பெற்றுள்ளது.

குட் பேட் அக்லி திரைப்படத்தினை 95 கோடிக்கு நெட்பிளிக்ஸ் நிறுவனம் வாங்குவதற்கான காரணம் இப்படத்திற்கு இருந்த எதிர்பார்ப்புகள் தான். இப்படத்தின் இயக்குனர் ஆதிக் ரவிச்சந்தர் இயக்கிய 'மார்க் ஆன்டனி' திரைப்படம் பெரிய அளவில் கொண்டாடப்பட்ட சூப்பர் ஹிட் படம் ஆகும். இப்படம் தியேட்டர் மட்டுமில்லாமல் ஓடிடி நிறுவனத்திலும் அதிக பார்வையாளரை பெற்று சாதனை படைத்துள்ளது.

ஆதிக் ரவிச்சந்திரன் இயக்கிய படத்திற்கு ஓடிடி வரவேற்பினை கண்ட நெட்பிளிக்ஸ் நிறுவனம், தற்போது அஜித் நடித்து வரும் குட் பேட் அக்லி திரைப்படம் மீது அதிக நம்பிக்கை கொண்டு அதிக தொகைக்கு வாங்கியுள்ளனர். சமீபத்தில் நெட்பிளிக்ஸ் நிறுவனத்தில் ஸ்ட்ரீமிங் ஆகி பலரின் கவனத்தை கவர்ந்த துணிவு படத்தின் வெற்றியும் ஒரு காரணம் ஆகும்.

நடிகர் அஜித் குமார் நடிப்பில் ஆரம்பமாகியுள்ள 'குட் பேட் அக்லி' திரைப்படத்தின் டைட்டில் வெளியானதை தொடர்ந்து இப்படத்தின் ஃபர்ஸ்ட் லுக் போஸ்டரை தற்போது வெளியிட்டுள்ளனர், படக்குழுவினர். மைத்திரி மூவி மேக்கர்ஸ் நிறுவனம் தயாரித்துள்ள இப்படத்தின் ஃபர்ஸ்ட் லுக் போஸ்டர் 2024 மே 19ல் எந்த ஒரு முன் அறிவிப்பும் இல்லாமல் வெளியிட்டனர். 

குட் பேட் அக்லி திரைப்படத்தின் போஸ்டர் வெளியாகி '41 மில்லியன் வியூஸ்' பெற்று சாதனை படைத்திருக்கிறது என இந்த படத்தின் தயாரிப்பு நிறுவனம் மைத்திரி மூவி மேக்கர்ஸ் அதிகாரபூர்வ அறிவிப்பை சமூக வலைத்தளத்தில் பகிர்ந்துள்ளது. இதனை கண்ட ரசிகர்கள் இந்த படத்தின் சாதனையை கொண்டாடி வருகின்றனர்.