Baakiyalakshmi: இது எங்க குடும்ப பிரச்சனை... இனியாவுக்கு அப்பா இல்லை... கோபிக்கு நெத்தி அடி!

பாக்கியலட்சுமி - ஸ்டார் விஜய் தொலைக்காட்சியில் ஒளிபரப்பாகி வரும் பிரபல சீரியல் 'பாக்கியலட்சுமி' தொடர் தற்போது பரபரப்பான தருணத்தை அடைந்துள்ளது. வாரம்தோறும் புதிய பிரச்சனைகளை தொடங்கி அதனை சமாளிக்கும் விதமாக கதைக்களம் மாற்றி வருகின்றனர். இந்த வார ப்ரோமோ வீடியோவில் பல பிரச்சனைகளை தொடங்கியுள்ளனர்.

பாக்கியலட்சுமி தொடரில் கோபி கதாபாத்திரம் மக்கள் மத்தியில் பெரிய அளவில் பேசப்பட்ட கதாபாத்திரம் ஆகும். வில்லனாக சித்தரிக்கப்பட்ட இவர் பல இடங்களில் நல்லவராக நடித்து அசத்தியுள்ளார். சீரியல்களில் இவரது நடிப்பு மற்றும் கதாபாத்திரம் பெரிய அளவில் ரசிக்கப்பட்டு வருகிறது. சீரியலை கடந்து சமூக வலைத்தளம் போன்ற இடங்களில் இவரை பற்றி பல பிரபலங்கள் பேசுகின்றனர்.

பாக்கியாவின் கடைசி மகள் இனியா பல நேரங்களில் ஆர்வக்கோளாறு தனமாக இருந்துகொண்டு தவறுகள் செய்து வருகிறார். இதனால் பல முறை பாக்கியா பலர் மத்தியில் அவமானப்படுத்தப்படுகிறார். இந்த வாரம் கல்லூரி நண்பர்களுடன் இணைந்து பப் இடங்களுக்கு இரவில் சென்று புதிய பிரச்னையில் சிக்கியுள்ளார். அங்கிருந்து ராதிகா அவரை காப்பாற்றி உள்ள நிலையில், பிள்ளையை ஒழுங்கா வளக்கணும் என்று பாக்கியாவிற்கு அறிவுரை சொல்லி செல்கிறார்.

இந்த பிரச்சனையை அறிந்த கோபி, வழக்கம் போல பாக்கியாவின் மீது தான் தவறு என்று கத்த தொடங்கியுள்ள நிலையில், இது எங்க குடும்ப பிரச்சனை, நீங்கள் தலையிட வேண்டாம் என சொல்லி கோபியை வெளியேற்றுகிறார், பாக்கியா.

இனியா நண்பர்களுடன் இணைந்து இந்த பிரச்சனையில் சிக்கிய காரணத்தால் அவரை பெற்றோருடன் கல்லூரிக்கு வரவேண்டும் என கல்லூரி நிர்வாகம் முடிவெடுக்கிறது. இதனை தொடர்ந்து பாக்கியா மற்றும் ஈஸ்வரி கல்லூரிக்கு சென்ற நிலையில், இனியாவின் தந்தை பற்றிய கேள்விக்கு, இனியாவுக்கு அப்பா இல்லை என ஈஸ்வரி பதில் அளித்துள்ளார். இதனை அறிந்த கோபி ஆவேசம் அடைந்து பாக்கியா இல்லத்திற்கு வந்து சரமாரி கேள்வியுடன் சண்டை போடுகிறார்.