12 நாளில் 540 கோடி வசூலில் கர்ஜிக்கும் 'லியோ', தயாரிப்பாளர் லலித் குமாரின் தூள் கிளப்பிய திட்டம்...

லியோ - இயக்குனர் லோகேஷ் கனகராஜ் இயக்கத்தில் விஜய் முன்னணி நடிப்பில் வெளியான திரைப்படம். இப்படத்தில் திரிஷா கிருஷ்ணன், அர்ஜுன், ஜனனி குணசீலன், சாண்டி, மிஸ்க்கின் என தமிழ் சினிமா முன்னணி நட்சத்திரங்கள் பலர் நடித்துள்ளனர். இப்படம் 2023 அக்டோபர் 19ல் உலகமெங்கும் வெளியாகி பிரமாண்ட சாதனை படைத்திருக்கிறது.

தமிழ் சினிமாவில் தற்போது முக்கிய தயாரிப்பாளர்களில் ஒருவராக வளர்த்துள்ளார் தயாரிப்பாளர் லலித் குமார். இவர் 7 ஸ்க்ரீன் ஸ்டுடியோஸ் நிறுவனத்தின் மூலம் பல திரைப்படங்களை தயாரித்தும், விநியோகம் செய்துள்ளார். விஜய் - விஜய் சேதுபதி நடிப்பில் லோகேஷ் இயக்கிய மாஸ்டர் படத்தினை இயக்கி பலரின் அறிமுகத்தை பெற்ற தயாரிப்பாளர் லலித் குமார், வாரிசு படத்தினை விநியோகம் செய்து பின் தற்போது லியோ படத்தினை தானே தயாரித்து உலகமுழுவதும் விநியோகம் செய்துள்ளார்.

தயாரிப்பாளர் தளபதி விஜய்யின் மாஸ்டர் படத்தினை தயாரித்து பலர் மத்தியில் கொண்டாடப்பட்டார். பின் வாரிசு படத்தின் விநியோக உரிமையை கைப்பற்றி தமிழகம் முழுவதும் விநியோகம் செய்துள்ளார். ஆனால் பொங்கல் பந்தயத்தில் வாரிசு படத்திற்கு போட்டியாக துணிவு திரைப்படம் களமிறங்க பல திரையரங்க உரிமையாளர்கள் துணிவு படத்தினை ஒளிபரப்ப ஆர்வம் காட்டியுள்ளனர், இதனால் வாரிசு படத்திற்கு சரியான திரையரங்கு எண்ணிக்கை கிடைக்கவில்லை.

இதனால் லியோ படம் ரிலீஸ் தருணத்தில் தயாரிப்பாளர் லலித் தனது பிசினஸ் பிளான் மூலம் பலரை வியப்படைய வைத்துள்ளார். வாரிசு திரைப்படம் திரையிடப்பட்ட திரையரங்குகளுக்கு மட்டும் முன்னுரிமை அளித்து ஞாயமான முறையில் லியோ படத்தினை விநியோகம் செய்துள்ளார், லலித். துணிவு படத்தினை விநியோகம் செய்த திரையரங்குகளுக்கு எக்ஸ்ட்ரா 10% வரி உயர்த்தி விநியோகம் செய்துள்ளார், இதனை கண்டித்த பல திரையரங்க உரிமையாளர்களை சாதுரியமாக அடக்கி தான் நினைத்தவாறு லியோ படத்தினை உலகளவில் பிரமாண்ட வெற்றி படமாக மாற்றியுள்ளார், தயாரிப்பாளர் லலித் குமார்.

2023 ஆம் ஆண்டின் வெற்றி படமாக பல படங்கள் இடம் பெற்றிருந்தாலும் சமீபத்தில் வெளியான ஜெயிலர் & லியோ படங்களுக்கு இடையே மோதல் உள்ளதாக கருதப்படுகிறது. ஜெயிலர் உலகளவில் 575 கோடிகளுக்கு மேல் வசூல் செய்து ரெகார்ட் மேக்கர் படமாக புகழ் பெற்றுள்ளது. ஆனால் லியோ படம் வெளியாகி முதல் 12 நாட்களில் 540 கோடி வசூல் செய்து பிரமாண்ட சாதனை படைத்திருக்கிறது.

12 நாட்களில் ஜெயிலர் 525+ கோடிகள் வசூல் செய்துள்ள நிலையில் தற்போது தளபதி விஜய்யின் லியோ 543+ கோடிகள் வசூல் செய்து சாதனை படைத்திருக்கிறது. இதன் மூலம் லியோ படத்தின் வசூல் ஜெயிலர் பட வசூலை விரைவில் முந்த அதிக வாய்ப்புள்ளது என தெரிகிறது. இதன் மூலம் 2023 ஆம் ஆண்டு அதிக வசூல் படைத்த தமிழ் படங்களில் லியோ படம் முதல் இடம் வகிக்கும் என ரசிகர்கள் மற்றும் திரை ஜாம்பவான்கள் மத்தியில் எதிர்பார்க்கப்படுகிறது.