வாரிசு படக்குழு வெளியிட்ட 300 கோடி வசூல் போஸ்டர் நிஜமில்லையா? இதுதான் காரணமா

நடிகர் விஜய் நடிப்பில் தெலுங்கு பட முன்னணி இயக்குனர் மற்றும் தயாரிப்பாளரான, இயக்குனர் வம்சி & தயாரிப்பாளர் தில் ராஜூ கூட்டணியில் உருவான குடும்ப திரைப்படம். இப்படத்திற்கு இசையமைப்பாளர் தமன் இசையமைத்துள்ளார். இப்படமானது நடிகர் விஜய்-யின் திரைவாழ்வில் இவர் நடிக்கும் 66வது படமாகும். இப்படத்தில் நடிகர் விஜயுடன் இணைந்து ராஷ்மிகா, சரத் குமார், பிரபு, சாம், யோகிபாபு என பலர் நடித்துள்ளனர். ஒரு திரை நட்சத்திர பட்டாளமே இப்படத்தில் நடிக்க ஒரு பிரமாண்ட படமாக உருவாகியுள்ளது, வாரிசு திரைப்படம்.

2023 பொங்கல் பண்டிகை முன்னிட்டு விஜய்யின் வாரிசு திரைப்படம் தமிழ் சினிமாவில் வெளியானது. போக்கிரி, காவலன், ஜில்லா போன்ற பல வெற்றி படங்களுக்கு பின் தற்போது விஜய்யின் வாரிசு படம் பொங்கல் ரிலீஸ் படமாக தமிழில் வெளியாகியுள்ளது. இப்படத்தின் டிரைலர் & பாடல்கள் வெளியாகி தமிழ் திரை ரசிகர்கள் மத்தியில் பெரிய அளவில் எதிர்பார்ப்பை கிளப்பியது.

வாரிசு திரைப்படம் 2023 பொங்கல் பண்டிகை முன்னிட்டு ஜனவரி 11ல் வெளியானது. அதே நாளில் தமிழ் சினிமாவில் முன்னணி முக்கிய நடிகர்களில் ஒருவரான நடிகர் அஜித் குமாரரின் 'துணிவு' படம் ரிலீஸ் ஆனது. இந்த இரண்டு முன்னணி திரை ஜாம்பவான் படங்கள் ஒரே நாளில் வெளியானதால் முதல் நாள் வசூல் சற்று தடுமாற்றத்தை அடைந்தது. வாரிசு படம் ரிலீஸ் முதல் நாளில் சுமார் 39.65 கோடிகள் வசூல் செய்திருக்கிறது. துணிவு & வாரிசு ஒரே நாளில் வெளியாகாமல் இருந்திருந்தால் இப்படத்தின் முதல் நாள் வசூல் பெரிய அளவில் வசூல் செய்திருக்கும்.

வாரிசு படம் ரிலீஸான முதல் வாரத்திலையே இப்படம் 100 கோடிகள் வசூல் செய்துள்ளது, 200 கோடிகள் வசூல் செய்துள்ளது என இப்படத்தின் தயாரிப்பாளர் தில் ராஜூ மற்றும் வாரிசு படத்தினை விநியோகம் செய்த தயாரிப்பாளர் லலித் சார்பில் அதிகாரப்பூர்வமான போஸ்டர்கள் வெளியிடப்பட்டது. இதனை கண்டித்து கோலிவுட் வட்டாரங்களில் பல குரல்கள் உதித்தது.

தமிழ் - தெலுங்கு என இரு மொழி நேரடி படமாக வெளியான வாரிசு திரைப்படம் முதல் இரண்டு வாரத்தில் தற்போது 300 கோடிகள் வசூல் செய்திருக்கிறது, என படக்குழு சார்பில் அதிகாரப்பூர்வ அறிவிப்பு மற்றும் போஸ்டர்கள் வெளியாகி ரசிகர்கள் மத்தியில் ட்ரெண்டிங் ஆகி உள்ளது. ஆனால் சில திரைப்பட பாக்ஸ் ஆபிஸ் நிபுணர்கள் மறுக்கின்றனர், இதற்கு காரணம் விஜய்யின் அடுத்த படமான 'லியோ' படத்தின் ப்ரோமோஷன் என்கின்றனர்.

'தளபதி' விஜய்யின் மாஸ்டர் படத்தினை தயாரித்த 7 ஸ்கிரீன் ஸ்டுடியோ நிறுவனத்தின் உரிமையாளர் லலித்குமார் தான் வாரிசு படத்தினை தமிழகத்தில் விநியோகம் செய்துள்ளார். இவரே நடிகர் விஜய் - இயக்குனர் லோகேஷ் கனகராஜ் கூட்டணியில் உருவாகும் 'லியோ' படத்தையும் தயாரிக்கிறார். தமிழ் சினிமாவில் ரசிகர்கள் மத்தியில் பெரிய அளவில் எதிர்பார்ப்பை ஏற்படுத்தியுள்ள திரைப்படம், லியோ. இப்படத்தின் படக்குழு & இப்படத்தில் நடிக்கும் நட்சத்திரங்கள் பலர் முன்னணி பிரபலங்கள் ஆவார். பெரிய பட்ஜெட் பொருட்செலவில் உருவாகும் லியோ படத்திற்காக தான், தயாரிப்பாளர் லலித் வாரிசு வசூல் பற்றி பொய்யான தகவல்களை பரப்புகிறார், என்கின்றனர் சிலர்.

தமிழ்நாடு திரையரங்க உரிமையாளர்கள் சங்க தலைவர் 'திருப்பூர் சுப்பிரமணியம்' வாரிசு படத்தின் வசூல் பற்றி தயாரிப்பாளர் வெளியிடுவது பொய்யான தகவல் என்றுள்ளார். விஜய்யின் அடுத்த படமாக 'லியோ' படத்தினை தயாரிக்கும் லலித், லியோ படத்தினை பெரிய தொகைக்கு வியாபாரம் செய்யதான் இந்த பொய்யான தகவலை வெளியிடுகிறார், என்றார் திருப்பூர் சுப்பிரமணியம். 

ஒரு நடிகர்களின் கடந்த படங்களின் வசூலை அடிப்படையாக கொண்டுதான் நடிகர்களின் புதிய படங்களின் வியாபாரம் இருக்கும். வாரிசு படம் விமர்சனம் ரீதியாக தோல்வியை சந்தித்த படம், இப்படத்தினை சுமார் 200 கோடிகளுக்கு மேல் வியாபாரம் செய்துள்ளனர், வாரிசு தயாரிப்பாளர் தில் ராஜு. வாரிசு படத்தின் வியாபார தொகையை விட அதிகமாக வசூல் செய்தால் தான், விஜய்யின் அடுத்த படமான லியோ படத்தினை பெரிய விலைக்கு வியாபாரம் செய்ய முடியும், என்பதற்காக தான் தயாரிப்பாளர் லலித் வாரிசு வசூல் பற்றி தொடர்ந்து பொய்யான தகவலை பரப்புகிறார்.