Jawan Box Office Collection: உலகளவில் ஜவான் பட முதல் நாள் வசூல் எத்தனை கோடி தெரியுமா?

ஜவான் இயக்குனர் அட்லீ குமார் இயக்கத்தில் ஷாருக் கான், நயன்தாரா, விஜய் சேதுபதி, பிரியாமணி என பல முக்கிய பிரபலங்கள் முன்னணி கதாபாத்திரத்தில் நடித்திருக்கும் திரில்லர் & அதிரடி திரைப்படம். இப்படத்தினை தயாரிப்பாளர் கௌரி கான் 'ரெட் சில்லிஸ்' தயாரிப்பு நிறுவனத்தின் மூலம் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார்.

அதிரடி மற்றும் திரில்லர் திரைக்கதையில் இந்திய ரசிகர்கள் அனைவரும் ரசிக்கும் வண்ணத்தில் உருவாகியுள்ள இப்படத்திற்கு ஒளிப்பதிவாளர் ஜி கே விஷ்ணு ஒளிப்பதிவு செய்ய, படத்தொகுப்பாளர் ரூபன் எடிட்டிங் செய்துள்ளார்.

அரசாங்க அதிகாரிகளின் ஊழல் செயலில் பாதிக்கப்படும் அரசு ராணுவ வீரர்களுக்காக போராடும் நாயகன் (ஷாருக் கான்) மீது தவறான குற்றங்களை பதிவிட்டு அழிக்கின்றனர். இந்த குற்றங்களை எதிர்த்து பழிவாங்க அவரின் மகன் நாயகன் (ஷாருக் கான்) அரசு அதிகாரத்தை எதிர்த்து போராடுவதே இப்படத்தின் கதை.

ஜவான் திரைப்படம் விமர்சன ரீதியாக பெரிய அளவில் பேசப்படுகிறது. இந்திய ரசிகர்களால் கொண்டாடப்படும் ஜவான் படம் சராசரியாக (4/5) ரேட்டிங் பெற்று புகழ் பெற்றுள்ளது. இப்படத்தின் விமர்சனம் மற்றும் வசூல் ரீதியாக இந்திய சினிமாவில் பலரின் கவனத்தை கவர்ந்து இந்த ஆண்டின் முக்கிய பிளாக் பஸ்டர் படங்கள் பட்டியலில் இணைந்துள்ளது.

மொத்தத்தில் ஜவான் - பிளாக்பஸ்டர் ஜாக்பாட்!

ஜவான் படத்தின் கதைக்களம் சமூக ரீதியாக பல பிரச்னைகளை பற்றி பேசி மக்களின் கவனத்தை ஈர்த்துள்ளது. இப்படத்தின் பல காட்சிகள் அதிரடி மற்றும் எமோஷனல் என மக்களை மத்தியில் பேசப்பட்டு வருகிறது. இந்திய சூப்பர் ஸ்டார் நடிகரான ஷாருக் கான் நடிப்பில் இந்த ஆண்டு வெளியாகி வசூலில் மிரட்டிய பதான் படத்தினை தொடர்ந்து இப்படத்திற்கு மிக பெரிய ஓபனிங் இந்தியா அளவில் கிடைத்துள்ளது. முதல் நாளில் இப்படத்திற்கு இந்தியா ரசிகர்கள் மத்தியில் கிடைத்துள்ள அமோக வரவேற்பு இப்படத்தின் வெற்றியை உறுதி செய்துள்ளது.

முதன் முறையாக தமிழ் சினிமா நட்சத்திரங்கள் பலர் பாலிவுட் சினிமாவில் நடித்து அசத்தியுள்ளனர். ஒவ்வொரு காட்சியிலும் இப்படம் ஹிந்தி படமா? தமிழ் படமா? என்ற சந்தேகம் எழுகிறது. இப்படத்தில் தமிழ் பட நட்சத்திரங்களான அட்லீ குமார், நயன்தாரா, யோகி பாபு, விஜய் சேதுபதி, அனிருத் ரவிச்சந்தர், சாய் தீணா என பல பிரபலங்கள் பணியாற்றி உள்ளனர்.

ஜவான் படம் ரிலீஸான முதல் நாளில் மட்டும் ₹ 129.6 கோடிகளை உலகளவில் வசூல் செய்துள்ளது. உலகளவில் இப்படத்திற்கு கிடைத்துள்ள பிரமாண்ட ஓபனிங் மற்றும் விமர்சனம் இப்படத்தினை மக்கள் மத்தியில் கொண்டாட வைக்கிறது. ரிலீஸான முதல் நாளில் மட்டும் பாக்ஸ் ஆபிஸ் கலெக்ஷன் பட்டியலில் ஜவான் படம் ₹ 129.6 கோடி வசூலித்து சாதனை படைத்திருக்கிறது.