Kaaduvetty OTT: பல மாதம் கிடப்பில் இருந்த சர்ச்சை படம் 'காடுவெட்டி' ஓடிடியில் வெளியானது...

Author Sakthi Harinath | Published: Wednesday, July 17, 2024, 01:24 PM [IST]

Kaaduvetty OTT: பல மாதம் கிடப்பில் இருந்த சர்ச்சை படம் 'காடுவெட்டி' ஓடிடியில் வெளியானது... - முழு விவரங்கள் இதோ. இந்த பட்டியலில் 2024 ஆம் ஆண்டு வெளியாகி தமிழ் சினிமாவில் சர்ச்சை கிளப்பிய ஆர் கே சுரேஷ் நடித்துள்ள 'காடுவெட்டி' திரைப்படத்தின் ஓடிடி வெளியீடு பற்றிய முழு தகவல்கள் இங்கு உள்ளது. இந்த படம் வெளியாகி பல மாதங்களுக்கு பிறகு தற்போது தான் அமேசான் ஓடிடி தளத்தில் ஸ்ட்ரீமிங் ஆகியுள்ளது. முழு தகவல்கள் இதோ.

உள்ளடக்கப்பட்டியல்

காடுவெட்டி - காடுவெட்டி

காடுவெட்டி - இயக்குனர் சோலை ஆறுமுகம் இயக்கத்தில் ஆர் கே சுரேஷ், சுப்பிரமணிய சிவா, ஆடுகளம் முருகதாஸ், JSK கோபி என பல தமிழ் பிரபலங்கள் நடித்திருக்கும் அதிரடி - குடும்ப திரைப்படம். இப்படத்தினை தயாரிப்பாளர் சுபாஷ் சந்திரா போஸ், சோலை ஆறுமுகம் (இப்பட இயக்குனர்) இணைந்து தயாரிக்க, இசையமைப்பாளர் சாதிக் (வணக்கம் தமிழா) மற்றும் ஸ்ரீகாந்த் தேவா இணைந்து இசையமைத்துள்ளனர்.

அதிரடி திரைப்படமாக உருவாகியுள்ள 'காடுவெட்டி' திரைப்படத்திற்கு ஒளிப்பதிவாளர் புகழேந்தி ஒளிப்பதிவு செய்ய, படத்தொகுப்பாளர் ஜான் ஆப்ரஹாம் எடிட்டிங் செய்துள்ளார்.

காடுவெட்டி திரைப்படம் 2024 மார்ச் 15ல் உலகமெங்கும் வெளியாகியுள்ள நிலையில் இப்படத்திற்கு தமிழக திரைப்பட தணிக்கை குழு 'யூ/ஏ' சான்றிதழ் அளித்துள்ளது.

மேலும் படிக்க

காடுவெட்டி - காடுவெட்டி - கதை

குறிப்பிட்ட சமூகத்தினரை குறிவைத்து ஒற்றுமையை குழைத்து அவர்களின் வீட்டுப் பெண்களை நாடக காதல் வலையில் சிக்க வைத்து சூறையாடும் சில சமூகத்தினரின் வெறிச்செயலை எதிரித்து நிற்கும் நாயகனின் கதை.

மேலும் படிக்க

விமர்சனம் - விமர்சனம்

காடுவெட்டி திரைப்படத்திற்கு தமிழகத்தில் மோசமான விமர்சனம் கொடுக்கப்பட்டு ஒரு சர்ச்சை படமாக பல இடங்களில் பேசப்பட்டது. சமூகத்தில் நடக்கும் முக்கிய சம்பவங்களை அப்படியே வெளிப்படையாக பேசி பலருக்கு எரிச்சல் ஏற்படுத்தி விமர்சிக்கப்பட்டது, காடுவெட்டி. மோசமான விமர்சனம் கிடைத்தாலும் சில தமிழக தென் மாவட்ட இடங்களில் இப்படம் பிரபலமானது.

சர்ச்சை - சர்ச்சை

திரௌபதி படத்தினை போன்று 'காடுவெட்டி' படத்திற்கும் தமிழகத்தில் பல எதிர்ப்புகள் கிளம்பியுள்ளது. சில சமூகத்தினரை நேரடியாக தாக்கிய காரணமாக இப்படம் பல பிரச்சனைகளை சந்தித்து சில நாட்கள் தான் திரையரங்கில் திரையிடப்பட்டது. ஜாதிகள் ஒழிக்கப்படவேண்டும் என பல புரட்சி செய்து வரும் நிலையில், சில ஜாதி பட இயக்குனர்கள் எடுக்கும் ஜாதி திரைப்படங்களுக்கு எதிர்வினையாக காடுவெட்டி திரைப்படம் போல சில படங்கள் அவ்வப்போது வெளியாகிவருகிறது.

அமேசான் பிரைம் ஓடிடி - அமேசான் பிரைம் ஓடிடி

காடுவெட்டி திரைப்படம் 2024 மார்ச் மாதம் 15ல் திரையரங்கில் வெளியாகி பலரின் கவனத்தை கவர்ந்து பேசப்பட்ட நிலையில், பின்னர் இப்படத்தின் ஓடிடி வெளியீட்டு பற்றிய அறிவிப்புகள் இல்லாமல் இருந்து, தற்போது 3 மாதம் கழித்து இப்படம் ஓடிடியில் வெளியாகியுள்ளது என தகவல்கள் வெளியாகியுள்ளது. சர்ச்சை படமாக காடுவெட்டி படத்திற்கு எதிராக எழுந்த புகார் காரணமாக சில வசனங்கள் மற்றும் காட்சிகளை நிராகரித்து இப்படம் தற்போது 'அமேசான் பிரைம்' ஓடிடி தளத்தில் ஸ்ட்ரீமிங் ஆகியுள்ளது.