Indian 2 OTT: நெட்ப்ளிக்ஸ் ஓடிடியில் 'இந்தியன் 2' சாதனை படைக்குமா.. மீண்டும் ட்ரோல் ஆகுமா..

இந்தியன் 2 - 1996ஆம் ஆண்டு வெளிவந்த இந்தியன்  திரைப்படத்தின் இரண்டாம் பாகமாக இயக்குனர் ஷங்கர் ஷண்முகம் இயக்கத்தில் கமல் ஹாசன் முன்னணி கதாபாத்திரத்தில் நடித்திருக்கும் அதிரடி - கிரைம் திரில்லர் திரைப்படம். இப்படத்தினை தமிழ் சினிமாவின் முன்னணி தயாரிப்பாளர் சுபாஷ்கரன் தனது லைக்கா புரொடக்சன்ஸ் தயாரிப்பு நிறுவனத்தின் மூலம் தயாரிக்க, இசையமைப்பாளர் அனிருத் ரவிச்சந்தர் இப்படத்திற்கு இசையமைத்துள்ளார்.

அதிரடி திரில்லர் திரைக்கதையில் உருவாகியுள்ள 'இந்தியன் 2' திரைப்படத்திற்கு ஒளிப்பதிவாளர் ரவி வர்மன் ஒளிப்பதிவு செய்ய, படத்தொகுப்பாளர் ஸ்ரீகர் பிரசாத் எடிட்டிங் செய்துள்ளார். இப்படத்தில் கமல் ஹாசன் நாயகனாக நடிக்க சித்தார்த், ரகுல் ப்ரீத் சிங், எஸ் ஜே சூர்யா, பாபி சிம்ஹா, பிரியா பவானி ஷங்கர், சமுத்திரக்கனி, காளிதாஸ் ஜெயராம், நெடுமுனி வேணு, விவேக், மனோ பாலா என தமிழ் சினிமா முன்னணி நட்சத்திரங்கள் பலர் நடித்துள்ளனர். 

லைக்கா புரொடக்சன்ஸ் நிறுவனத்தின் தயாரிப்பில் உருவாகியுள்ள இந்தியன் 2 திரைப்படத்தினை தமிழகம் முழுவதும் தமிழ் சினிமாவின் தயாரிப்பாளர், நடிகர் மற்றும் தமிழக அரசியல்வாதியான திரு. உதயநிதி ஸ்டாலினின் 'ரெட் ஜெயண்ட் மூவிஸ்' நிறுவனம் விநியோகம் செய்துள்ளது. இப்படத்தின் ஓவர்சீஸ் உரிமையை பெற்று இப்படத்தினை தயாரிப்பு நிறுவனம் தானே உலகம் முழுவதும் விநோயோகம் செய்துள்ளது.

தமிழகத்தில் படித்து வேலை இல்லாமல் இருக்கக்கூடிய பல கோடி இளைஞர்கள் மத்தியில் ஒருவராக இருக்கும் சித்தார்த், இந்த அரசாங்கத்தை எதிர்த்து போராட முடிவு எடுக்கிறார். இதற்காக ஒரு சமூக ஆர்வம் கொண்ட சிலரை சேர்த்து ஒரு குழு அமைத்து போராடி வருகிறார். தொடர்ந்து சமூக வலைத்தளத்தில் பல பதிவுகள் மூலம் பலரின் அறிமுகத்திற்கு வரும் சித்தார்த் குடும்பம் மற்றும் சமூகம் என பல பிரச்சனைகளை சந்தித்து வருகிறார்.

ஒரு கட்டத்தில் ஊழலில் இருந்து தப்ப முடியாமல் இருக்கும் சித்தார்த், இந்தியன் என்னும் சேனாதிபதி (கமல் ஹாசன்) பற்றிய விவரங்களை அறிகிறார். பின் இந்த ஊழலை தடுக்க மீண்டும் இந்தியன் வர வேண்டும் என பல முயற்சிகள் எடுத்து சேனாதிபதியை மீண்டும் இந்தியா வரவழைத்து பல ஊழல்வாதிகள் மற்றும் அரசாங்கத்தை ஏமாற்றும் துரோகிகளை தண்டிப்பதே இப்படத்தின் கதைக்கரு.

இந்தியன் 2 திரைப்படம் 2024 ஜூலை 12ல் உலகமெங்கும் பிரமாண்ட எதிர்பார்ப்பில் வெளியானது, ஷங்கர் இயக்கத்தில் கமல் ஹாசன் நடித்துள்ள இப்படம் விமர்சனம் ரீதியாக மோசமான விமர்சனங்கள் பெற்றுள்ள நிலையில், தொடர்ந்து வசூல் ரீதியாகவும் மிகப்பெரிய சரிவை கண்டுள்ளது. இப்படத்தில் சராசரியாக (3/5) ரேட்டிங் அளிக்கப்பட்டுள்ளது.

இந்தியன் திரைப்படத்தின் தொடர் கதையாக உருவாகியுள்ள இப்படம், இந்தியன் 2 மட்டுமில்லாமல் இந்தியன் 3 என இரண்டு பாகங்களாக உருவாகியுளள்து. இந்தியன் 3 திரைப்படம் விரைவில் வெளியாகும் என எதிர்பார்க்கப்படும் நிலையில், தற்போது இந்தியன் 2 திரைப்படத்தின் மோசமான விமர்சனம் இந்தியன் 3 படத்தின் விளம்பரம் மற்றும் விநியோகம் போன்ற செயல்களை பாதிக்கும் என தெரிகிறது.

2024 ஜூலை 12ல் வெளியான இந்தியன் 2 திரைப்படம் ஒரு மாதத்திற்குள் ஆகஸ்ட் 9ல் நெட்ப்ளிக்ஸ் ஓடிடி தளத்தில் ஸ்ட்ரீமிங் ஆகியுள்ளது. இப்படத்திற்கு கிடைத்துள்ள மோசமான விமர்சனம் மற்றும் வசூல் ரீதியாகவும் இப்படம் தோல்வி அடைந்துள்ள நிலையில், இப்படம் சீக்கிரமாக ஓடிடியில் வெளியாகியுள்ளது.

இப்படத்தினை 200 கோடிகளுக்கு வாங்கிய நெட்ப்ளிக்ஸ் நிறுவனம், சில காரணங்கள் சொல்லி இந்தியன் 2 படத்தினை 60 கோடிகளுக்கு குறைத்துள்ளளது. தற்போது ஓடிடி தளத்தில் வெளியாகியுள்ள இந்தியன் 2 திரைப்படம், திரையரங்கில் வெளியாகி ட்ரோல் ஆனது போல இப்பொழுதும் ட்ரோல் செய்யப்படுமா என பொறுத்திருந்து தான் பார்க்க வேண்டும்.