Kana Kaanum Kaalangal 3: புத்தம் புதிய வெப் சீரிஸ் தொடர்... டிஸ்னி ஹாட்ஸ்டார் ஓடிடியில்

2006ஆம் ஆண்டு ஸ்டார் விஜய் தொலைக்காட்சியில் ஒளிபரப்பாகி வந்த சீரியல் தொடர், கானா காணும் காலங்கள். இந்த சீரியல் 30 அக்டோபர் 2006 முதல் 28 ஏப்ரல் 2009 வரை ஒளிபரப்பப்பட்டது. பள்ளி வாழ்க்கையை மையப்படுத்திய கதைக்களத்தில் உருவாகியுள்ள இந்த சீரியல் பல ரசிகர்கள் மற்றும் பிரபலங்கள் மத்தியில் கொண்டாடப்பட்ட சீரியல் ஆகும். பள்ளி பருவத்தில் மாணவர்களின் எண்ணங்கள் மற்றும் அவர்களின் ஆசை, விருப்பம், கல்வி பற்றிய பயம் என பல விஷயங்களை பற்றி இந்த சீரியல் அழகாக பேசியிருக்கிறது.

கானா காணும் காலங்கள் (சீசன் 2) - ஸ்டார் விஜய் தொலைக்காட்சியில் ஒளிபரப்பாகி கொண்டாடப்பட்ட முதல் சீசன் வெற்றியை தொடர்ந்து, டிஸ்னி+ ஹாட்ஸ்டார் செயலியில் பிரத்யேகமாக ஒளிபரப்பாகியுள்ளது, கானா காணும் காலங்கள் - சீசன் 2. ஓடிடி தளத்தில் மட்டுமில்லாமல் இந்த சீரியல் ஸ்டார் சூப்பர் தொலைக்காட்சியில் ஒளிபரப்பாகி பலரின் கவனத்தை கவர்ந்துள்ளது. இரண்டு சீரிஸ் கதைக்களத்தில் பள்ளி மற்றும் கல்லூரி என இரு படலமாக இந்த கதை உருவாகி ஸ்ட்ரீம் ஆகியுள்ளது.

கானா காணும் காலங்கள் - சீசன் 1 & 2 தொடர்களின் வெற்றியை தொடர்ந்து மூன்றாவது சீசன் ஒளிபரப்ப திட்டமிட்டுள்ளனர், ஸ்டார் விஜய் தயாரிப்பு குழுவினர். தற்போது கானா காணும் காலங்கள் - சீசன் 3 தொடரின் அதிகாரபூர்வ அறிவிப்பு இணையத்தில் வெளியாகியுள்ளது. டிஸ்னி ஹாட்ஸ்டார் செயலியில் ஹாட்ஸ்டார் ஸ்பெஷல் கானா காணும் காலங்கள் - சீசன் 3 தொடர், இணையத்தில் பிரத்யேகமாக ஓடிடியில் மட்டும் ஸ்ட்ரீம் ஆக உள்ளது. இந்த தொடர் 2024 ஆகஸ்ட் 24 முதல் ஒளிபரப்பப்படும் என அதிகாரபூர்வ அறிவிப்புகள் வெளியாகியுள்ளது.

2024 ஆகஸ்ட் 30ல் முதல் டிஸ்னி பிளஸ் ஹாட்ஸ்டார் செயலியில் ஒளிபரப்பாகும் 'கானா காணும் காலங்கள் சீசன் 3' வெப் தொடர் பிரத்யேகமாக ஓடிடி தளத்தில் ஸ்ட்ரீம் செய்ய திட்டமிட்டுள்ளது. இந்த கானா காணும் காலங்கள் சீசன் 3 தொடரில் சக்தி (குக் வித் கோமாளி), நண்டு ஜெகன், விஜய் (யூ டியூப்), பிர்லா போஸ் போன்ற பல பிரபலங்கள் முக்கிய கதாபாத்திரத்தில் நடித்துள்ளனர்.