வெறித்தனமான கதைக்களத்தில் பிச்சைக்காரன் 2

2016-ஆம் ஆண்டு இயக்குனர் சசி இயக்கத்தில் நடிகர் விஜய் ஆண்டனி முன்னணி நடிப்பில் முற்றிலும் மாறுபட்ட கதைக்களத்தில் வெளியாகி தமிழ் & தெலுங்கு என இரு மொழிகளில் பெரிய அளவில் ஹிட் அடித்துள்ள படம்தான், பிச்சைக்காரன். இப்படத்தின் வெற்றியை தொடர்ந்து நடிகர் விஜய் ஆண்டனி-க்கு தெலுங்கு திரையுலகில் ஒரு ஒபெனிக் கிடைத்துள்ளது. தெலுங்கு சினிமாவில் தனக்கென ஒரு அடையாளத்தினை பெற்று பிரபலமாகியுள்ளார், விஜய் ஆண்டனி.

பிச்சைக்காரன் திரைப்படம் 2016ஆம் ஆண்டு தமிழ் சினிமாவில் வெளியாகி ப்ளாக்பஸ்டர் படமாக புகழ் பெற்றுள்ளது. இப்படம் திரையரங்கில் மட்டுமில்லாமல் தமிழகத்தில் 'TRP' மூலம் தொலைக்காட்சியிலும் ஹிட் அடித்துள்ளது. இப்படத்தின் இமாலய வெற்றிக்கு பிறகு 7 வருடத்திற்கு பின் 'பிச்சைக்காரன் 2' என இப்படம் உருவாகி வெளியாகிறது. இப்படத்தில் விஜய் ஆண்டனி தானே நாயகனாக நடித்து இயக்குனராகவும் பணியாற்றியுள்ளார்.

முதல் பாகத்தில் வறுமையை பற்றி துளிகூட அறியாத மகன், தனது தாயை காப்பாற்ற பிச்சைக்காரனாக மாறினார். தற்போது இரண்டாம் பாகத்தில் 'பணம் உலகை காலி பண்ணிடும்' என்ற வசனத்திற்கு பொதுவாக திரைக்கதை வடிவமைத்துள்ளார். இப்படத்தில் மூளை அறுவை சிகிச்சை போன்ற பல அறிவியல் விஷயங்கள் உள்ளன. அதன் அடிப்படையில் இப்படத்திற்கு திரைக்கதை எழுதி இயக்குகிறார், விஜய் ஆண்டனி.  

2023, பிப் 10ல் பிச்சைக்காரன் 2 திரைப்படத்தின் ஸ்னீக் பீக் டிரைலர் இணையத்தில் வெளியாகி பலரின் கவனத்தை கவர்ந்துள்ளது. இந்த டிரைலரில் ஒரு தனியார் நிறுவனத்தின் உரிமையாளர் தூக்கிட்டு தற்கொலை செய்து கொள்கிறார். அவரது சடலத்திற்கு முன் ஒரு சிறுவன் அழுது கொண்டு உள்ளார். மறுபுறம் வேறுறொரு இடத்தில் வில்லனாக தேவ் கில் உள்ளார். அவர் ஒரு தொலைக்காட்சியை காண்கிறார். அந்த தொலைக்காட்சியில் ஒரு விவாதம் நடைபெறுகிறது. மனித மூளை அறுவை சிகிச்சை பற்றிய விவாதம். அங்கு சில அறிவியல் நுணுக்கங்கள் மற்றும் அதனால் ஏற்படும் நன்மை / தீமைகள் என பலவற்றை விவாதிக்கின்றனர்.

இசையமைப்பாளர், நடிகர் & இயக்குனருமான விஜய் ஆண்டனி, பிச்சைக்காரன் 2 படத்தின் இறுதிக்கட்ட படப்பிடிப்பின் போது ஒரு விபத்தில் சிக்கினார். ஒரு பாடலுக்கு மலேசியாவில் படப்பிடிப்பை நடத்திய படக்குழு, விஜய் ஆண்டனி ஒரு போட் ஓட்டும் காட்சியை படமாக்கியது. அச்சமயம் அந்த போட் கட்டுப்பாட்டை இழந்து விபத்துக்குள்ளாகியது. முகத்தில் பல அடிகளோடு விஜய் ஆண்டனியை மருத்துவமனையில் அனுமதித்தனர், படக்குழுவினர். இந்த விபத்தில் இருந்து அதிர்ஷ்டவசமாக விஜய் ஆண்டனி உயிர் தப்பியுள்ளார்.