திரையரங்கில் புதுமையான பேய் படம்; திரையரங்குகளில் வெளியாகி சக்கப்போடு போடும் மர்மர்

சமீபத்தில் திரையரங்குகளில் வெளியான மர்மர் திரைப்படம் ரசிகர்களால் மிகுந்த வரவேற்பை பெற்றுள்ளது. இது ஒரு பவுண்ட் ஃபுட்டேஜ் ஆரர் திரைப்படம். இந்தப் படம் எந்த ஒரு பின்னணி இசையும் இல்லாமல் உருவாக்கப்பட்டுள்ளது.இந்த படத்தின் ஒலிப்பதிவுகள் அனைத்தும்  லைவ் சவுண்டிங் செய்யப்பட்டுள்ளது. இதுவே இந்த படத்தை காண்போருக்கு ஒரு மறக்க முடியாத அனுபவத்தை கொடுத்துள்ளது.இது போல புதிய முயற்சி படங்கள் தான் தமிழ் சினிமாவின் பரிணாம வளர்ச்சியை காட்டுகின்றது. 

சென்னை சார்ந்த அமானுஷயங்களை ஆய்வு செய்யும் யூடியூபர்கள் ஒரு குழு, ஏழு சப்த கன்னிகல் மற்றும் ஒரு பழிவாங்கும் ஆவியுடன் லைவ் புட்டேஜ் பிடிக்க ஒரு சபிக்கப்பட்ட காட்டுக்குள் பயணத்தைத் தொடங்குகிறது. அவர்கள் மர்மமான முறையில் மறைந்து போகும்போது, ​​காவல்துறையினர் அவர்களது சேதமடைந்த கேமராக்களை மட்டுமே காண்கிறார்கள், அவை நடந்த திகிலூட்டும் நிகழ்வுகளை வெளியிடும் வினோதமான காட்சிகளை படம் பிடித்துள்ளது. அவர்களுக்கு நடந்தது அனைத்தையும் அந்த கேமராவில் பதிவிட்டு உள்ளதை அடுத்து, அவர்கள் தப்பித்தார்களா இல்லை அங்கே சிக்கிக் கொண்டார்களா என்பதே இதன் கதை.  

கெவின் ஃபிரடெரிக்கால் மிக நுணுக்கமாக வடிவமைக்கப்பட்ட சவுண்ட் டிசைன், இதில் இவர்கள் கொடுத்திருக்கும் புதிய அனுபவம் பார்வையாளர்கள் அனைவரையும் அவர்களது சீட்டின் நுனியில் அமர் செய்தது, ஒவ்வொரு ஒளியிலும் நமக்கு பயங்கரமான பீதியை கிளப்பும் அளவிற்கு இந்த படத்தின் சவுண்ட் டிசைன் மற்றும் சவுண்ட் எபெக்ட் இருக்கின்றது. இந்த படம் 2025-ல் இதுவரை வெளிவந்த திகில் படங்களின் பட்டியலில் முதல் இடத்தில் உள்ளது. 

மார்ச் 7-ஆம் தேதி வெள்ளிக்கிழமை வெளிவந்த இந்த படம் வெறும் 30 தியேட்டர்களில் மட்டும் ரிலீஸ் ஆகி இருந்தது. இந்தப் படத்தை பார்த்த பார்வையாளர்கள் அளித்த அதிரிபுதிரியான விமர்சனங்களால் தற்போது இந்த படம் 220 திரையரங்குகளில் தமிழ்நாடு முழுவதும் வெற்றிகரமாக திரையிடப்பட்டு வருகின்றது. இந்த படம் வெறும் மூன்று நாட்களிலேயே 2.5 கோடி வசூலை எட்டியது. இந்த வருடம் கம்மி பட்ஜெட் அதிக வசூல் பட பட்டியலில் இந்த படமும் இடம் பிடிக்கும் என்பதில் சந்தேகமே இல்லை.