விவசாயத்தில் ஈடுபாடு கொண்டுள்ள டாப் தமிழ் சினிமா நடிகர்கள்

கார்த்தி, தமிழ் சினிமாவின் முன்னணி நடிகர்களில் ஒருவர். "உழவன் அறக்கட்டளை" என்ற அமைப்பை தொடங்கி, விவசாயத்திற்கு ஆதரவாக பல முயற்சிகளை மேற்கொண்டு வருகிறார்.

சீமான், நாம் தமிழர் கட்சி தலைவர், தமிழ் சினிமாவில் நடிகர் மற்றும் இயக்குனராகவும் பணியாற்றியவர். இயற்கை விவசாயம் பற்றி விழிப்புணர்வு ஏற்படுத்தி, சமூகத்தில் அதன் முக்கியத்துவத்தை எடுத்துரைக்கிறார்.

கருணாஸ், தமிழ் சினிமா நடிகர் மற்றும் அரசியல் தலைவர். தனது சொந்த பண்ணை தோட்டத்தில் விவசாயம் செய்து வருகிறார். இதற்கான தனது அனுபவங்களை பல நேர்காணல்களில் பகிர்ந்து உள்ளார்.

சூரி, தமிழ் சினிமாவின் பிரபல நகைச்சுவை நடிகர், தற்போது நாயகனாகவும் நடித்துவருகிறார். இவர் ஜல்லிக்கட்டு விளையாட்டில் மிகுந்த ஆர்வம் காட்டுபவர். சொந்தமாக காளைகளை வளர்த்து, விவசாயம் செய்கிறார். பல கிராமத்து படங்களில் நடித்த சூரி தமிழ் சினிமாவில் பிரபலமானவர்.

கிஷோர், தென்னிந்திய திரைப்படங்களில் துணை கதாபாத்திரம் மற்றும் வில்லன் கதாபாத்திரங்களில் நடித்து பிரபலமானவர். கர்நாடகாவில் இயற்கை விவசாயம் செய்து வருகிறார். இதனால், பலர் இவரை பின்பற்றி இயற்கை விவசாயத்தில் ஆர்வம் காட்டுகின்றனர்.

பிரகாஷ் ராஜ், பிரபல கன்னட சினிமா நடிகர், தமிழ் சினிமாவில் வில்லன் மற்றும் துணை கதாபாத்திரங்களில் நடித்து புகழ் பெற்றவர். இவர் தற்போது கர்நாடகாவில் விவசாயம் செய்து வருகிறார் மற்றும் சமூக வலைதளங்களில் பல விஷயங்களை பகிர்ந்து வருகிறார்.

நெப்போலியன், தமிழ் சினிமாவில் பலராலும் விரும்பப்பட்ட நடிகர். தற்போது அமெரிக்காவில் வசித்து, பெரிய அளவில் நிலங்களை வாங்கி விவசாயம் செய்து வருகிறார்.