ரஜினி 2, விஜய் 1 - 500 கோடி வசூல் சாதனை படைத்த தமிழ் திரைப்படங்கள்

2.O - இயக்குனர் ஷங்கர் ஷண்முகம் இயக்க்த்தில் ரஜினிகாந்த் நடித்துள்ள அறிவியல் புனைவு கதை கொண்ட சூப்பர் ஹிட் தமிழ் திரைப்படம். இப்படம் உலகளவில் 800 கோடிகள் வசூல் செய்திருக்கிறது. தென்னிந்திய சினிமாவில் முதன் முதலில் 500 கோடி வசூல் சாதனை படைத்த திரைப்படமாகும், 2.O. 

பொன்னியின் செல்வன் 01 - இயக்குனர் மணிரத்னம் இயக்கத்தில் விக்ரம், கார்த்தி, ஜெயம் ரவி என பல முன்னணி நட்சத்திரங்கள் நடித்திருக்கும் வரலாற்று கதைக்களம் கொண்ட தமிழ் திரைப்படம். பொன்னியின் செல்வன் திரைப்படம் இரண்டு பாகமாக தமிழ் சினிமாவில் வெளியாகியுள்ளது. முதல் பாகம் மட்டும் 500 கோடிகள் வசூல் படைத்து மிக பெரிய வெற்றி படமாக கொண்டாடப்பட்டுள்ளது.

ஜெயிலர் - இயக்குனர் நெல்சன் திலீப்குமார் இயக்கத்தில் ரஜினிகாந்த், மிர்னா, ரம்யா கிருஷ்ணன் என பல முன்னணி பிரபலங்கள் இணைந்து நடித்திருக்கும் அதிரடி - திரில்லர் திரைப்படம். இப்படம் 2023 ஆம் ஆண்டு வெளியாகி இமாலய வசூல் சாதனை படைத்திருக்கிறது. உலகளவில் 575 கோடிகளுக்கு மேல் வசூல் செய்துள்ள ஜெயிலர் திரைப்படம், ரஜினி திரைப்பயணத்தை மீண்டும் உயர்த்தியுள்ளது.

லியோ - இயக்குனர் லோகேஷ் கனகராஜ் இயக்கத்தில் தளபதி விஜய், திரிஷா கிருஷ்ணன், அர்ஜுன், கவுதம் மேனன் என பலர் நடித்திருக்கும் அதிரடி திரில்லர் திரைப்படம். இப்படத்தினை தயாரிப்பாளர் லலித் தயாரிக்க, அனிருத் ரவிச்சந்தர் இசையமைத்துள்ளார். லியோ திரைப்படம் இயக்குனர் லோகேஷ்-ன் LCU படவரிசையில் இடம் பிடித்துள்ள வெற்றி படமாகும். லியோ திரைப்படம் வெளியாகி முதல் 12 நாட்களில் இப்படம் 540 கோடிகளுக்கு மேல் வசூல் செய்துள்ளது என இப்படத்தின் தயாரிப்பாளர் அதிகாரப்பூர்வ அறிவிப்பை போஸ்டர் உடன் வெளியிட்டுள்ளார்.