ஆஹா ஓடிடியில் ஸ்ட்ரீமிங் ஆகிறது 'நண்பன் ஒருவன் வந்த பிறகு' - காண ரெடியா!

நண்பன் ஒருவன் வந்த பிறகு - இயக்குனர் ஆனந்த் ராம் தானே இயக்கி, நாயகனாக நடித்திருக்கும் திரைப்படம். இப்படத்தில் பவானி ஸ்ரீ, மிர்ச்சி விஜய், இர்பான், இளங்கோ குமரவேல், குலப்புள்ளி லீலா என பல நட்சத்திரங்கள் முக்கிய கதாபாத்திரத்தில் நடித்துள்ளனர்.

குடும்ப படமாக உருவாகியுள்ள இப்படத்திற்கு ஒளிப்பதிவாளர் தமிழ் செல்வன் ஒளிப்பதிவு செய்ய, படத்தொகுப்பாளர் ஃபென்னி ஆலிவர் எடிட்டிங் செய்துள்ளார். இப்படத்திற்கு இசையமைப்பாளர் காஷிஃப் இசையமைத்துள்ளார்.

தயாரிப்பாளர் ஐஸ்வர்யா எம் மற்றும் சுதா ஆர் இணைந்து மசாலா பாப்கார்ன் மற்றும் வொயிட் ஃபெதர் தயாரிப்பு நிறுவனங்கள் மூலம் தயாரிக்க, பிரபல தயாரிப்பு நிறுவனமான சக்தி பிலிம் பேக்டரி நிறுவனம் இப்படத்தினை விநியோகம் செய்துள்ளது.

ஆனந்த் ராம் தனது சிறுவயதில் ஆனந்த் காலனி என்ற இடத்திற்கு குடும்பத்துடன் குடி வருகிறார். அப்பொழுது இருந்து அந்த ஏரியாவில் நண்பர்கள் அமைத்து ஒன்றாக பழகி வருகிறார். வளர்ந்த பின் இந்த நண்பர் கூட்டம் பிரியாமல் ஒருவருக்கு ஒருவர் உதவியாக வாழ்க்கையில் முன்னேற பாடுபடுகிறது, இந்த திரைப்படம் வாழ்க்கையில் நண்பர்கள் உதவியில் ஜெயித்த நாயகன் பற்றிய கதை ஆகும்.

ஹிப்ஹாப் ஆதி இயக்கிய 'மீசைய முறுக்கு' படத்தில் நாயகனின் தம்பி கதாபாத்திரத்தில் நடித்து திரைப்பயணத்தை தொடங்கிய ஆனந்த் ராம், தற்போது நண்பன் ஒருவன் வந்த பிறகு படத்தினை இயக்கி இயக்குனராக அறிமுகமாகியுள்ளார். 90 காலகட்ட நண்பர்கள் மற்றும் வாழ்வில் வெற்றி அடைய போராடும் இளைஞர் பாத்திரத்தில் நடித்து பலரின் கவனத்தை இப்படத்தின் மூலம் கவர்ந்துள்ளார்  இவர். நண்பன் ஒருவன் வந்த பிறகு படம் விமர்சனம் மற்றும் வசூல் என ரசிகர்கள் மத்தியில் கொண்டாடப்படவில்லை. திரைஉலகில் சராசரியாக இப்படம் 2/5 ரேட்டிங் பெற்றுள்ளது.

நண்பன் ஒருவன் வந்த பிறகு திரைப்படம் 2024 ஆம் ஆண்டு ஆகஸ்ட் 2ல் வெளியான இப்படம், தற்போது ஆஹா தமிழ் ஓடிடி தளத்தில் ஸ்ட்ரீமிங் ஆக உள்ளது. இப்படத்தின் ஓடிடி உரிமையை கைப்பற்றிய ஆஹா வீடியோ, நண்பன் ஒருவன் வந்த பிறகு படத்தினை 2024 செப்டம்பர் 13ல் வெளியிட திட்டமிட்டு அதிகாரபூர்வ அறிவிப்பை வெளியிட்டுள்ளது.