Pandian Stores 2: ராஜி - மீனாவிடம் மன்னிப்பு கேட்ட பாண்டியன்... பத்தவைக்கும் தங்கமயில்

பாண்டியன் ஸ்டோர்ஸ் 2 - ஸ்டார் விஜய் தொலைக்காட்சியில் ஒளிபரப்பாகி வரும் பிரபல சீரியல்களில் ஒன்றான பாண்டியன் ஸ்ட்ரோஸ் 2 சீரியல் தற்போது மிக பரபரப்பான தருணத்தை அடைந்துள்ளது. இந்த ஸ்டார் விஜய் தொலைக்காட்சியில் ஒளிபரப்பாகி ஹிட் அடித்த பாண்டியன் ஸ்டோர்ஸ் சீரியலின் வெற்றியை தொடர்ந்து வேறு ஒரு கதைக்களத்தில் பாண்டியன் ஸ்டோர்ஸ் 2 சீரியல் தற்போது ஒளிபரப்பாகிறது.

பாண்டியன் தனது சபதத்தை நிறைவேற்ற தனது மூத்த மகன் சரவணனுக்கு தங்கமயில் என்ற பெண்ணை திருமணம் செய்து வைத்துள்ளார். பாண்டியன் வீட்டிற்கு மருமகளாக என்ட்ரி கொடுத்த தங்கமயில் பல பொய் மற்றும் பித்தலாட்டம் செய்து திருமணம் செய்துள்ளார். படிக்காத இவர் படித்த பெண் என்றும் கவரிங் நகைகளை தங்க நகை என்றும் பொய் சொல்லி மருமகளாக வந்துள்ள தங்கமயில், ஆர்வக்கோளாறு போல பல விஷயங்கள் செய்து கோமதி - மீனா - ராஜி ஆகியோரை பிரச்சனையில் சிக்க வைத்து வருகிறார்.

ராஜி டியூஷன் எடுப்பதாக சில மாணவர்களை திரட்டி டியூஷன் எடுக்கும் நேரத்தில் அதனை தங்கமயில் பாண்டியன் இடம் பத்தவைத்து அந்த டியூஷன் விவகாரத்தை மூடும் படி செய்தார், இதனை கண்ட கதிர், உங்களுக்கு சம்மந்தம் இல்லாத விஷயத்தில் தலையிட வேண்டாம் என சொல்லி, தங்கமயிலை எச்சரித்துள்ளார்.

ராஜியின் டியூஷன் விவகாரம் பற்றி அறிந்த பாண்டியன், அதற்கு முக்கிய காரணம் மீனா என்ற உண்மையை தங்கமயில் பாண்டியன் இடம் சொல்ல, இதனால் பாண்டியன் மிகுந்த கோவத்தில் பலர் முன்னிலையில் ராஜி மற்றும் மீனாவை திட்டி தீர்த்துள்ளார். மீனா வந்த பிறகு தான் பலர் தங்கள் இஷ்டத்திற்கு எல்லாம் செய்கின்றனர் என மீனாவையும், ராஜியையும் சேர்த்து சரமாரியாக திட்டிவிடுகிறார்.

பாண்டியன் ஸ்டோர்ஸ் கடையில் மீனா மற்றும் ராஜிக்காக செந்தில், பாண்டியனிடம் நீங்கள் செய்தது சரியில்லை என பேச தொடங்குகிறார். இதனை கேட்ட பாண்டியன் எல்லாம் என்னக்கு தெரியும் என்று சொல்லி அவரை சமாளித்துவிட்டு, ராஜி மற்றும் மீனாவிற்கு பலகாரம் வாங்கி வந்து அவர்களை சமாதானம் படுத்துகிறார். நான் உங்களின் அப்பா ஸ்தானத்தில் இருக்கின்றேன், எனக்கு உங்களை திட்டுவதற்கு உரிமை உண்டு, உங்கள் அப்பாவை போல என்னை மன்னித்து விடுங்கள் என இவர்களை சம்மத படுத்துகிறார், பாண்டியன்.