தங்கலான் படத்திற்கு பின் பா.ரஞ்சித் இயக்கத்தில் சார்பட்டா 2, அப்போ ரஞ்சித் - கமல் கூட்டணி கைவிடப்படுகிறதா?

தமிழ் சினிமாவில் குறிப்பிடப்படும் முக்கிய இயக்குனர்களில் ஒருவர் ஆவார். இவர் அட்டகத்தி படத்தினை இயக்கி தமிழ் சினிமாவில் இயக்குனராக அவதரித்துள்ள பா.ரஞ்சித், மெட்ராஸ், கபாலி, காலா போன்ற படங்களை இயக்கி மக்கள் மத்தியில் பிரபலமாகியுள்ளார். தமிழ் திரையுலகில் இவர் இயக்கும் திரைப்படங்களுக்கு பெரிய அளவில் எதிர்பார்ப்புகள் உள்ளன. தற்போது இவர் நடிகர் விக்ரம் நடிப்பில் தங்கலான் படத்தினை இயக்கி வருகிறார்.

2021ஆம் ஆண்டு பா.ரஞ்சித் இயக்கத்தில் அமேசான் ஓடிடி தளத்தில் நேரடியாக ஸ்ட்ரீமிங் ஆன திரைப்படம் தான், சார்பட்டா பரம்பரை. இத்திரைப்படம் பெரிய அளவில் திரை ரசிகர்கள் மத்தியில் கொண்டாடப்பட்டு வெற்றி படமாக புகழ் பெற்றுள்ளது. இப்படத்தில் ஆர்யா, பசுபதி, கலையரசன் என பலர் நடித்துள்ளனர். இப்படம் ஓடிடியில் வெளியாகினாலும் பல விருதுகளை அள்ளி குவித்துள்ளது. இப்படத்தின் கதை வடசென்னை நகரங்களில் நடந்துள்ள உண்மை கதையம்சத்தை கொண்டுள்ளது.

2021ஆம் ஆண்டு வெளியாகி சூப்பர் ஹிட் படமாக இந்திய அளவில் கொண்டாடப்பட்ட சார்பட்டா பரம்பரை படத்தின் தொடர்ச்சியாக இப்படம் இரண்டாம் பாகமாக உருவாகவுள்ளது. இதனை பற்றிய அதிகாரப்பூர்வமான அறிவுப்பு 06 - மார்ச் 2023ல் இணையதளத்தில் படக்குழு சார்பில் வெளியானது. சார்பட்டா பரம்பரை இரண்டாம் பாகத்திலும் நடிகர் ஆர்யா முன்னணி கதாபாத்திரத்தில் நடிக்கிறார். ஆனால் இசையமைப்பாளர் பற்றிய அறிவுப்பு படத்தின் போஸ்டரில் இடம்பெறவில்லை, இதனால் இப்படத்தில் சந்தோஷ் நாராயணன் இசையமைக்க மாட்டார் என ரசிகர்கள் மத்தியில் சோகம்.

தற்போது நடிகர் விக்ரம் நடிப்பில் இயக்குனர் பா.ரஞ்சித் இயக்கத்தில் தங்கலான் படத்தின் படப்பிடிப்பு நடந்து வருகிறது. இப்படம் சுதந்திரத்திற்கு முன் நடக்கும் (Period Drama) கதையம்சம் கொண்ட படமாகும். இப்படத்தில் மாளவிகா மோகனன், பார்வதி, பசுபதி என பல முன்னணி பிரபலங்கள் நடிக்கின்றனர். இப்படத்தின் படப்பிடிப்பு விரைவில் நிறைவு பெரும் என எதிர்பார்க்கப்படுகிறது. இப்படத்தின் ரிலீஸுக்கு பின் சர்பட்ட 02 படத்தின் படப்பிடிப்பு தொடங்கவுள்ளது.

உலகநாயகன் கமல்ஹாசன் நடிப்பில் பா.ரஞ்சித் இயக்கத்தில் ஒரு திரைப்படம் உருவாக திட்டமிட்டுள்ளது. இத்திரைப்படம் ஒரு (Period -Drama) கதையம்சத்தில் உருவாகயிருந்தது. தற்போது விக்ரம் நடிக்கும் தங்கலான் படத்திற்கு பின் கமல் ஹாசனின் திரைப்படம் தான் உருவாகும் என ரசிகர்கள் மத்தியில் எதிர்பார்ப்புகள் எழுந்தன. ஆனால் தற்போது சார்பட்டா 02 படத்தின் அறிவுப்பு வெளியாகியுள்ளது. இதனால் கமல்ஹாசன் - பா.ரஞ்சித் கூட்டணி கைவிடப்படுகிறதா என ரசிகர்கள் மத்தியில் குழப்பங்கள் எழுந்துள்ளன.

தற்போது கமல் ஹாசன் இந்தியன் 02 படத்தில் நடித்து வருகிறார். இப்படத்திற்கு பின் கமல் - மணிரத்னம் திரைப்படம் உருவாகவுள்ளது. அதற்கு பின் லோகேஷ் இயக்கத்தில் விக்ரம் 03 திரைப்படம். இந்த படங்களை முடித்த பின்னர் தான் பா.ரஞ்சித் இயக்கத்தில் கமல் நடிக்க வாய்ப்பு உள்ளது என திரைவட்டாரங்கள் கூறுகின்றனர். கமல்ஹாசன் - பா.ரஞ்சித் கூட்டணி கைவிடப்பட்டது என அதிகாரப்பூர்வ தகவல் வெளியாகவில்லை.