சிவகார்த்திகேயனின் 11 ஆண்டுகால சினிமா வாழ்க்கை! முழு விவரங்கள் இதோ

தமிழ் சினிமாவில் ஒரு தனியார் தொலைக்காட்சியில் நடந்த 'கலக்கப்போவது யாரு?' நிகழ்ச்சியில் ஒரு போட்டியாளராக பங்கேற்று தன் திரைப்பயணத்தை தொடங்கியுள்ளார், சிவகார்த்திகேயன். பின் தொலைக்காட்சியில் தொகுப்பாளராக பணியாற்றி பலர் மத்தியில் பிரபலமான இவர், 2012ஆம் ஆண்டு மெரினா படத்தில் ஒரு சிறிய கதாபாத்திரத்தில் நடித்து வெள்ளித்திரையில் அறிமுகமான சிவகார்த்திகேயன், தற்போது ஒரு முன்னணி முக்கிய நடிகராக பணியாற்றி பெரிய அளவில் கொண்டாடப்பட்டு வருகிறார்.

சிவகார்த்திகேயன் முதலில் 'கலக்கப்போவது யாரு?' நிகழ்ச்சியில் ஒரு போட்டியாளராக பங்கேற்று வெற்றி வாகை சூடி பிரபலமானவர். பின்னர் விஜய் தொலைக்காட்சியில் ஒளிபரப்பான ஜோடி நம்பர் 01, சூப்பர் சிங்கர் என பல தனியார் ரியாலிட்டி நிகழ்ச்சியில் ஒரு தொகுப்பாளராக பணியாற்றி மக்கள் மத்தியில் பிரபலமாக அறியப்பட்டார். ரியாலிட்டி நிகழ்ச்சி மட்டுமில்லாமல் பிரபல விருது விழாக்களில் தொகுப்பாளராக பணியாற்றியுள்ளார். 

சிவகார்த்திகேயன் இயக்குனர் பாண்டிராஜ் இயக்கத்தில் வெளியான 'மெரினா' படத்தில் ஒரு சிறிய கதாபாத்திரத்தில் நடித்து தன் திரைப்பயணத்தை தொடங்கியுள்ளார். பின் நடிகர் தனுஷ் நடிப்பில் தனுஷின் மனைவி ஐஸ்வர்யா ரஜினிகாந்த் இயக்கத்தில் உருவான '3' படத்தில் ஒரு நகைச்சுவை நடிகராக நடித்த மக்களின் கவனத்தை கவர்ந்தார். அடுத்தடுத்து பெரிய பட்ஜெட் படங்களில் நடிக்க தொடங்கிய இவர் தென்னிந்திய சினிமாவில் பல ரசிகர்கள் மற்றும் திரைத்துறையினர் மத்தியில் அதிகம் பேசப்பட்டு புகழ் பெற்றுள்ளார்.

வெள்ளித்திரையில் நகைச்சுவை - காதல் படங்களில் தொடர்ந்து நடித்து தனக்கான ஒரு அடையாளத்தினை பெற்றார், சிவா. மனம் கொத்தி பறவை, எதிர்நீச்சல், வருத்தப்படாத வாலிபர் சங்கம் என பல வெற்றி படங்களில் தொடர்ந்து நடித்து ஒரு முக்கிய நடிகராக பிரபலமான சிவகார்த்திகேயன், பின் பல போராட்டங்களுக்கு பின் ஒரு அங்கீகாரத்தினை பெற்று புகழ் அடைந்துள்ளார்.

சிவகார்த்திகேயன் 'எஸ்.கே புரொடக்ஷன்ஸ்' என்னும் தயாரிப்பு நிறுவனத்தை தொடங்கி வாழ், நெஞ்சமுண்டு நேர்மையுண்டு, கனா, டான், டாக்டர் என பல வெற்றி படங்களை தயாரித்து, ஒரு தயாரிப்பாளராகவும் தமிழ் திரையுலகில் தன்னை நிலைநிறுத்தியுள்ளார். இவரது தயாரிப்பும் இவரே நடித்த டான், டாக்டர் படங்கள் சுமார் 100 கோடிகள் வரை வசூல் செய்து பெரிய அளவில் வெற்றி பெற்றுள்ளது.

நடிகர் சிவகார்த்திகேயன் தமிழ் சினிமாவில் 2012 பிப் மாதல் மெரினா படத்தில் நடித்து தனது வெள்ளித்திரை பயணத்தை தொடங்கியுள்ளார். தற்போது மாவீரன் படத்தில் நயனகனாக நடித்து வரும் சிவகார்த்திகேயன், 2023 பிப் மாதத்துடன் வெள்ளித்திரையில் தனது 11 ஆண்டுகளை நிறைவு செய்துள்ளார். இதற்காக இவரின் ரசிகர்கள் மற்றும் மாவீரன் படக்குழுவினர் '11 Years of Sivakarthikeyan' என்னும் ஹெஸ்டேக்யை ட்ரெண்டிங் செய்து வருகின்றனர். இவரின் இந்த சாதனையை முன்னிட்டு மாவீரன் படக்குழு கேக் வெட்டி கொண்டாடியுள்ளது.