கோட், விடாமுயற்சி & வேட்டையன்: பண்டிகை நாட்களுக்கு துண்டு போடும் டாப் நடிகர்கள்

தி கிரேட்டஸ்ட் ஆஃப் ஆல் டைம் (கோட்) - இயக்குனர் வெங்கட் பிரபு இயக்கத்தில் விஜய் நாயகனாக நடித்து வரும் திரைப்படம். சமீபத்தில் இப்படத்தின் முதல் சிங்கிள் பாடல் வெளியாகி ரசிகர்கள் மத்தியில் பெரிய அளவில் வரவேற்பை பெற்றுள்ளது. இப்படத்தினை 2024 செப்டம்பர் 5ல் வெளியிட திட்டமிட்டுள்ளனர், படக்குழுவினர். 2024 ஆம் ஆண்டு விநாயகர் சதுர்த்தி பண்டிகை முன்னிட்டு இப்படம் திரையரங்கில் வெளியாகிறது.

வேட்டையன் - இயக்குனர் டி ஜே ஞானவேல் இயக்கத்தில் 'சூப்பர் ஸ்டார்' ரஜினிகாந்த் நாயகனாக நடிக்கும்  திரைப்படம். இப்படத்தினை லைக்கா தயாரிப்பு நிறுவனம் தயாரித்து வெளியிடுகிறது. இப்படத்தினை 2024 அக்டோபர் மாதம் வெளியிட திட்டமிட்டுள்ளனர், படக்குழுவினர். இப்படம் இந்த ஆண்டின் ஆயுத பூஜா விடுமுறை நாளில் திரையரங்கில் வெளியாகிறது.

விடாமுயற்சி - இயக்குனர் மகிழ் திருமேனி இயக்கத்தில் அஜித் குமார் நாயகனாக நடித்து வரும் அதிரடி திரைப்படம். இப்படத்தினை லைக்கா நிறுவனம் தயாரித்து உலகம் முழுவதும் வெளியிடுகிறது. இப்படத்தின் படப்பிடிப்பு பணிகள் தற்போது நடந்து வரும் நிலையில், விடா முயற்சி திரைப்படத்தினை 2024 தீபாவளி பண்டிகைக்கு வெளியிட முடிவு செய்துள்ளார், படக்குழுவினர்.

கங்குவா - இயக்குனர் சிறுத்தை சிவா இயக்கத்தில் சூர்யா நாயகனாக நடித்து வரும் அதிரடி திரைப்படம். இப்படத்தினை தயாரிப்பாளர் கே ஈ ஞானவேல் ராஜா தயாரிக்க, இசையமைப்பாளர் தேவி ஸ்ரீ பிரசாத் இசையமைத்துள்ளார். பிரமாண்ட தயாரிப்பில் உருவாகி வரும் கங்குவா திரைப்படம் இந்த ஆண்டு 2024 இறுதியில் வெளியிட திட்டமிட்டுள்ளனர், படக்குழுவினர். இப்படம் ஒரு பண்டிகை நாளில் வெளியாக உள்ளது. இதனை பற்றிய அதிகாரபூர்வ அறிவிப்பு விரைவில் படக்குழு சார்பில் வெளியிடப்படும்.

அமரன் - இயக்குனர் ராஜ்குமார் பெரியசாமி இயக்கத்தில் சிவகார்திகேயன் மற்றும் சாய் பல்லவி முன்னணி கதாபாத்திரத்தில் நடித்திருக்கும் திரைப்படம். இப்படம் பெரிய அளவில் ரசிகர்கள் மத்தியில் எதிர்பார்க்கப்படுகிறது. இன்னும் சில தினங்களில் படப்பிடிப்பு முற்றிலுமாக முடிந்து அமரன் திரைப்படம் இந்த ஆண்டு வெளியீட்டிற்கு தயாராகி வருகிறது. இப்படம் 2024 பண்டிகை தினத்தில் வெளியிட திட்டமிட்டுள்ளனர் படக்குழுவினர். பெரும்பாலும் இப்படம் கிறிஸ்துமஸ் பண்டிகைக்கு வெளியாக அதிக வாய்ப்புள்ளது.