Raayan OTT: 150 கோடி வசூலுக்கு பிறகு அமேசான் ஓடிடியில் வெளியானது ராயன்...

ராயன் - தமிழ் சினிமாவில் பல கோடி ரசிகர்கள் மத்தியில் பிரபலமான நடிகர் தனுஷ் தானே இயக்குனராகவும், கதாநாயகனாக பணியாற்றியுள்ள அதிரடி - திரில்லர் திரைப்படம். இப்படத்தினை தமிழ் சினிமாவின் பிரபல தயாரிப்பு நிறுவனமான 'சன் பிக்சர்ஸ்' நிறுவனம் சார்பில் தயாரிப்பாளர் கலாநிதி மாறன் தயாரிக்க, இசையமைப்பாளர் ஏ ஆர் ரஹ்மான் இசையமைத்துள்ளார்.

அதிரடி - திரில்லர் படமாக உருவாகியுள்ள 'ராயன்' திரைப்படத்திற்கு ஒளிப்பதிவாளர் ஓம் பிரகாஷ் ஒளிப்பதிவு செய்ய, படத்தொகுப்பாளர் பிரசன்னா ஜி கே எடிட்டிங் செய்துள்ளார். இப்படத்தில் கதாநாயகனாக நடிகர் தனுஷ் நடிக்க, இவருடன் இணைந்து பிரகாஷ் ராஜ், காளிதாஸ், சுந்தீப் கிஷான், அபர்ணா பாலமுரளி, வரலக்ஷ்மி சரத்குமார், எஸ் ஜே சூர்யா, செல்வராகவன் என பலர் முக்கிய கதாபாத்திரத்தில் நடித்துள்ளனர்.

100 கோடி பொருட்செலவில் உருவாகியுள்ள 'ராயன்' திரைப்படம் 2024 ஜூலை 26ல் உலகமெங்கும் திரையரங்கில் வெளியாகியுள்ள நிலையில் இப்படத்திற்கு தமிழக திரைப்பட தணிக்கை குழு 'ஏ' சான்றிதழ் அளித்துள்ளது. சன் பிக்சர்ஸ் நிறுவனம் தானே தயாரித்து இப்படத்தினை உதயநிதி ஸ்டாலினின் 'ரெட் ஜெயண்ட் மூவிஸ்' நிறுவனம் மூலம் தமிழகம் முழுவதும் விநியோகம் செய்துள்ளார்.

சிறு வயதில் பெற்றோரை இழந்த தனுஷ் (ராயன்) தனது இரண்டு தம்பிகள் (காளிதாஸ் ஜெயராம் & சுதீப் கிஷான்) மற்றும் தங்கை துஷார விஜயன் ஆகியோரை வளர்த்து ஒன்றாக வாழ்ந்து வருகிறார். சென்னையில் வாழும் தனுஷின் குடும்பம் ஒரு பிரச்சனையில் சிக்கி சின்னாபின்னம் ஆகிறது. தன் குடும்பத்தை அழித்த எதிரிகளை தேடி தனுஷ் பழிவாங்கும் படலாம் தான், ராயன்.

ராயன் திரைப்படம் விமர்சனம் ரீதியில் பெரிய அளவில் பேசப்படவில்லை. அதிரடி காட்சிகள் நிறைந்த படமாக ராயன் உருவாகி இளைஞர்கள் மத்தியில் பேசப்பட்டது, ஆனால் விமர்சனம் ரீதியில் ராயன் படம் கொண்டாடப்படவில்லை. தமிழ் சினிமாவில் ராயன் படம் சராசரியாக (3/5) ரேட்டிங் பெற்றுள்ளது.

அதிரடி காட்சிகள் மற்றும் பெரும்பாலான காட்சிகள் இருட்டில் மட்டுமே எடுக்கப்பட்டுள்ளது. இதுவே இப்படத்தின் மோசமான விமர்சனத்திற்கு காரணம் ஆகும்.

ராயன் திரைப்படம் விமர்சனம் ரீதியில் மோசமான ரேட்டிங் & விமர்சனங்கள் பெற்றிருந்தாலும் இப்படம் வசூல் ரீதியில் சாதனை படைத்திருக்கிறது. ராயன் படம் உலகளவில் மொத்தம் 150 கோடிகளை தாண்டி வசூலித்து இந்த ஆண்டின் வெற்றி படங்களின் வரிசையில் இணைந்துள்ளது. சன் பிக்சர்ஸ் தயாரிப்பில் உருவாகியுள்ள ராயன், திருச்சிற்றம்பலம் படத்திற்கு பின் பிளாக்பஸ்டர் பட வரிசையில் இணைந்துள்ளது. ராயன் - நடிகர் தனுஷ் திரைவாழ்வில் இவர் நடிக்கும் '50'வது திரைப்படமாகும்.

தனுஷ், துஷரா விஜயன், சுதீப், செல்வராகவன் என பல பிரபலங்கள் நடித்திருக்கும் 'ராயன்' திரைப்படம் திரையரங்கில் வெளியாகி வசூல் மழை பொழிந்து பெரிய அளவில் பிரபலமானது. தற்போது இப்படம் அமேசான் பிரைம் வீடியோ ஓடிடி தளத்தில் ஸ்ட்ரீமிங் ஆகி உள்ளது. 150 கோடிகள் வசூல் படைத்துள்ள 2024 ஆம் ஆண்டின் பிளாக்பஸ்டர் திரைப்படம் 'ராயன்' தற்போது ஓடிடி தளத்தில் வெளியாகி மீண்டும் சமூக வலைத்தளத்தில் ட்ரெண்டிங் ஆகி உள்ளது.