நான் ரெகார்ட் பிரேக்கர் இல்ல.. ரெகார்ட் மேக்கர்.. ஜெயிலர் பட முதல் நாள் வசூல் எத்தனை கோடி தெரியுமா?

ஜெயிலர் - இயக்குனர் நெல்சன் திலீப்குமார் இயக்கத்தில் சூப்பர்ஸ்டார் ரஜினிகாந்த் முன்னணி கதாபாத்திரத்தில் நடித்திருக்கும் அதிரடி & திரில்லர் திரைப்படம். இப்படத்தினை தமிழ் திரையுலக பிரபல முன்னணி தயாரிப்பு நிறுவனமான 'சன் பிக்சர்ஸ்' தயாரிப்பு நிறுவன சார்பில் தயாரிப்பாளர் கலாநிதி மாறன் தயாரிக்க, இசையமைப்பாளர் அனிருத் ரவிச்சந்தர் ஜெயிலர் படத்திற்கு இசையமைத்துள்ளார்.

அதிரடி ஆக்ஷன் மற்றும் திரில்லர் திரைக்கதையில் உருவாகியுள்ள ஜெயிலர் திரைப்படத்தில் ஒளிப்பதிவாளர் விஜய் கார்த்திக் கண்ணன் ஒளிப்பதிவு செய்ய, படத்தொகுப்பாளர் நிர்மல் ஆர் எடிட்டிங் செய்துள்ளார். இத்திரைப்படத்தில் ரம்யா கிருஷ்ணன், ஷிவ ராஜ்குமார், மோகன்லால், யோகி பாபு, மிர்னா என பல முக்கிய பிரபலங்கள் முன்னணி கதாபாத்திரத்தில் நடித்து கலக்கியுள்ளனர்.

ஓய்வு பெற்ற போலீஸ் அதிகாரி தனது குடும்பத்தோடு அமைதியாக வாழ்ந்து வருகிறார், இந்நிலையில் போலீஸ் அதிகாரியான தனது மகனை சிலர் கடத்தியுள்ளனர் என்று அறியும் நாயகன் ரஜினி, எலி போல தனது ஓய்வு காலத்தில் வாழும் நாயகன் மீண்டும் புலியாக மாறி தனது குடும்பத்தை காப்பாற்றுவதே இந்த படத்தின் கதை.

முதல் முதலாக தமிழகத்தில் எந்த திரைப்படமும் படைக்காத சாதனையை ஜெயிலர் திரைப்படம் படைத்துள்ளது. தமிழ் நாடு முழுவதும் 1000 திரையரங்கிற்கு மேல் ஜெயிலர் திரைப்படம் திரையிடப்பட்டுள்ளது. மேலும் இப்படம் திரையிடப்பட்ட அணைத்து திரையரங்குகளிலும் முதல் நாள் முழுவதும் ஹவுஸ் புள் காட்சிகள் தான் இருந்து வருகிறது. இதன் மூலம் தமிழகத்தில் இதுவரை இல்லாத அளவில் பெரிய அளவில் இப்படம் தமிழக தியேட்டர்களில் வெளியாகி வசூல் சாதனை படைத்திருக்கிறது.

ஜெயிலர் திரைப்படத்தின் விமர்சனம் ரசிகர்கள் மத்தியில் கொண்டாடப்பட்டு வருகிறது, ஒரு பிளாக்பஸ்டர் படமாக இப்படம் தமிழ் மற்றும் தென்னிந்திய சினிமாவில் கொண்டாடப்படுகிறது. சிறியவர், பெரியவர் முதல் இளைஞர்கள் வரை இப்படம் அணைத்து தரப்பினரை கவர்ந்து வெற்றி படமாக வாகை சூடியுள்ளது. சராசரியாக இப்படத்திற்கு ரசிகர்கள் 5க்கு 3.5 முதல் 4.5 வரை ரேட்டிங் அளித்துள்ளனர். விமர்சனம் ரீதியாக ஜெயிலர் திரைப்படம் தென்னிந்திய அளவில் வெற்றி படமாக கருதப்படுகிறது.

ஜெயிலர் திரைப்படத்தின் முதல் நாள் வசூல் மட்டும் உலகளவில் மொத்தம் 95.78 கோடி வசூல் செய்துள்ளது. இதன் மூலம் ரிலீஸ் முதல் நாளில் அதிக வசூல் செய்துள்ள திரைப்படங்களின் பட்டியலில் ஜெயிலர் திரைப்படம் முதல் இடத்தை பிடித்துள்ளது. இப்படத்தினை தொடர்ந்து ரஜினி நடித்துள்ள 2.0 திரைப்படம் இடம் பெற்றுள்ளது. ரிலீஸ் முதல் நாளில் அதிக வசூல் செய்துள்ள தமிழ் படங்களின் சாதனைகள் அனைத்தையும் முறியடித்து ஜெயிலர் திரைப்படம் இமாலய சாதனை படைத்துள்ளது.

தமிழ் சினிமாவில் பிளாக்பஸ்டர் படமாக தற்போது கொண்டாடப்படும் ஜெயிலர், தமிழகத்தில் மட்டும் 29.46 கோடி வசூல் செய்துள்ளது. தமிழகத்தில் முதல் நாள் அதிகாலை காட்சிகள் ரத்து செய்துள்ள நிலையில், ஜெயிலர் திரைப்படம் 29.46 கோடிகள் வசூல் செய்து சாதனை படைத்துள்ளது.

தமிழ் நாடு - ₹ 29.46 cr

ஆந்திர பிரதேஷ் & தெலுங்கானா - ₹ 12.04 cr

கர்நாடக - ₹ 11.92 cr

கேரளா - ₹ 5.38 cr

வடமாநிலங்கள் - ₹ 4.23 cr

ஓவர்சீஸ் - ₹ 32.75 cr 

முதல் நாளில் முடிவில் சூப்பர்ஸ்டார் நடித்துள்ள ஜெயிலர் திரைப்படம், மொத்தம் 95.78 கோடி வசூல் செய்திருக்கிறது.