Rathnam OTT - ஓடிடியில் களமிறங்கிய விஷாலின் ரத்னம் படத்தின் நிலை...

ரத்னம் - இயக்குனர் ஹரி இயக்கத்தில் விஷால் கிருஷ்ணன் நாயகனாக நடித்திருக்கும் அதிரடி - திரில்லர் திரைப்படம். இப்படத்தினை தயாரிப்பாளர் கார்த்திகேயன் சந்தானம் மற்றும் அலங்கர் பாண்டியன் மற்றும் தமிழ் சினிமா இயக்குனர் கார்த்திக் சுப்பாராஜ் இணைந்து ஜீ ஸ்டுடியோஸ் மற்றும் ஸ்டோன் பெஞ்ச் பிலிம்ஸ் நிறுவனத்தின் மூலம் தயாரிக்க, இசையமைப்பாளர் தேவி ஸ்ரீ பிரசாத் இசையமைத்துள்ளார்.

அதிரடி - திரில்லர் மற்றும் குடும்ப படமாக உருவாகியுள்ள ரத்னம் திரைப்படத்திற்கு ஒளிப்பதிவாளர் எம் சுகுமார் ஒளிப்பதிவு செய்ய, படத்தொகுப்பாளர் டி எஸ் ஜே எடிட்டிங் செய்துள்ளார். இப்படத்தில் விஷால் நாயகனாக நடிக்க இவருடன் இணைந்து யோகி பாபு, பிரியா பவானி ஷங்கர், சமுத்திரக்கனி, கவுதம் மேனன் என தமிழ் சினிமா முன்னணி பிரபலங்கள் பலர் நடித்துள்ளனர்.

எம்.எல்.ஏவாக நடித்துள்ள சமுத்திரகனியின் அடியாளாக இருக்கிறார் ரத்னம். ஊரில் யாராவது ஏதாவது தப்பு செய்தால் தூக்கிப் போட்டு மிதிப்பதில் இருந்து ஆளையே காலி பண்ணும் அளவுக்கு எதற்கும் துணிந்தவனாக விஷாலை அறிமுகப்படுத்துகிறார் ஹரி. நீட் தேர்வுக்கு படித்துக் கொண்டிருக்கும் மாணவி பிரியா பவானி சங்கரை சிலர் கொல்வதற்காக துரத்த ஹீரோயினை காப்பாற்றும் பொறுப்பை கையில் எடுக்கும் விஷால் எதற்காக அவரை காப்பாற்ற போராடுகிறார். அவருக்கும் விஷாலுக்கும் உள்ள தொடர்பு என்ன? மெயின் வில்லன் யாரு? என்பதே ரத்னம் திரைப்படத்தின் கதை

ரத்னம் திரைப்படத்தின் தொலைக்காட்சி ஒளிபரப்பு உரிமையை 'ஜீ தமிழ்' நிறுவனம் கைப்பற்றியுள்ள நிலையில், இப்படத்தின் ஆன்லைன் ஸ்ட்ரீமிங் உரிமையை 'அமேசான் பிரைம் வீடியோ' நிறுவனம் பெற்றுள்ளது.

இப்படம் 2024 மே 23ல் அமேசான் ஓடிடி தளத்தில் ஸ்ட்ரீமிங் ஆகியுள்ளது. இப்படம் ஓடிடி வெளியீட்டு குறித்து எந்த ஒரு விளம்பரம் மற்றும் ப்ரோமோஷன் பணிகளில் ஆர்வம் காட்டாத படக்குழு, முன் அறிவிப்புகள் இல்லாமல் இப்படத்தினை ஓடிடி தளத்தில் ஸ்ட்ரீமிங் செய்துள்ளனர்.

ரத்னம் திரைப்படத்திற்கு ரசிகர்கள் மத்தியில் பெரும் அதிர்த்தி ஏற்பட்டுள்ளது. இப்படம் திரையரங்கில் வெளியான தருணத்தில் ரத்னம் படத்திற்கு ரசிகர்கள் மத்தியில் கலவையான விமர்சனத்தில் இருந்துள்ள நிலையில், தற்போது இப்படம் ஓடிடியில் வெளியாகி இணையதள நெட்டிசன்கள் மத்தியில் ஒரு ட்ரோல் படமாக அமைந்து வருகிறது.

இப்படத்தின் காட்சிகளை கட் செய்து ரசிகர்கள் சமூக வலைத்தளத்தில் பதிவேற்றி கிண்டல் செய்து வருகின்றனர். 90'ஸ் மற்றும் 2000 ஆண்டுகளில் இருக்கும் கதைக்களத்தை இந்த காலத்திற்கு ஏற்ப சில மாற்றங்கள் செய்து வடிவமைத்துள்ளனர்,  படக்குழுவினர். இப்படம் 10 வருடங்களுக்கு முன் வெளியாகிருந்தால் நிச்சியம் ஒரு சூப்பர் ஹிட் படமாக அமைந்திருக்கும்.

இப்படத்திற்கு (2.5/5) ரேட்டிங் அளிக்கப்பட்டுள்ளது.

தமிழ் சினிமாவில் பணியாற்றி வரும் முக்கிய இயக்குநர்களில் ஒருவர் தான் ஹரி. சிங்கம், ஆறு, சேவல், யானை என பல படங்களின் மூலம் ரசிகர்கள் மத்தியில் கொண்டாடப்படும் இவரது படங்கள் இன்றும் பேசப்படுகிறது. விஷால் - ஹரி கூட்டணியில் இதுவரை தாமிரபரணி, பூஜை ஆகிய படங்கள் உருவாகி வெளியாகின. மூன்றாவது படமாக உருவாகியுள்ள 'ரத்னம்' படம் தமிழ் பட ரசிகர்கள் மத்தியில் பெரிய அளவில் எதிர்பார்ப்பை கிளப்பி வெளியானது. ரத்னம் படம் பாக்ஸ் ஆபிஸ் வசூலில் பெரிய அளவில் பேசப்படவில்லை.