வாடிவாசல் படத்திற்கு ஏன் இவ்வளவு தாமதம்? லேட்டஸ்ட் அப்டேட்!

இயக்குனர் வெற்றிமாறன் இயக்கத்தில் நடிகர் சூர்யா முன்னணி கதாபாத்திரத்தில் நடிக்கும் திரில்லர் & அதிரடி திரைப்படம். இப்படத்தினை கலைப்புலி எஸ் தாணு தயாரிக்க, இசையமைப்பாளர் ஜி வி பிரகாஷ் குமார் இசையமைக்கிறார். இப்படத்தில் நடிகர் சூர்யா ஒரு மாடுபிடி வீரர் கதாபாத்திரத்தில் நடிக்கிறார். இப்படத்திற்கு ஒளிப்பதிவாளர் வேல்ராஜ் ஒளிப்பதிவு செய்கிறார். இப்படம் எழுத்தாளர் சி சு செல்லப்பா எழுதிய வாடிவாசல் நாவலைத் தழுவி எடுக்கப்படும் படமாகும்.

நடிப்பு நாயகன் சூர்யா திரைவாழ்வில் வாடிவாசல் திரைப்படம் ஒரு முக்கிய படமாக இருக்கும் என இப்படத்தின் தயாரிப்பாளர் கலைப்புலி எஸ் தாணு சமீபத்தில் கூறியுள்ளார். இப்படத்தில் தமிழ் மற்றும் தென்னிந்திய சினிமா நடிகை ஆண்ட்ரியா முக்கிய கதாபாத்திரத்தில் நடிக்க, நகைச்சுவை நடிகர் சூரி, இயக்குனர் அமீர் போன்ற திரை ஜாம்பவான்கள் இப்படத்தில் குணச்சித்திர கதாபாத்திரங்களில் நடிக்கின்றனர்.

2022ஆம் ஆண்டு சூர்யா நடித்து வந்த புதிய படமான 'வணங்கான்' படத்திலிருந்து நடிகர் சூர்யா வெளியேறினார். இப்படத்தினை நடிகர் சூர்யா தனது தயாரிப்பு நிறுவனத்தின் மூலம் தயாரிக்க, இயக்குனர் பாலா இயக்கி வந்துள்ளார். சில காரணங்களால் இப்படத்தின் படப்பிடிப்பை நிறுத்திவைக்கப்பட்ட படக்குழுவினர் பின்னர் இப்படம் கைவிடப்பட்டது என அதிகாரப்பூர்வமான அறிவிப்பை வெளியிட்டனர்.

வணங்கான் படப்பிடிப்பு நிறுத்தப்பட்டு இப்படம் கைவிடப்பட்டதும், சூர்யாவின் ரசிகர்கள் அடுத்ததாக வெற்றிமாறன் - சூர்யா இணையும் வாடிவாசல் பற்றிய தகவலுக்காக காத்திருந்தனர். ஆனால் சூர்யா இயக்குனர் சிறுத்தை சிவா உடன் இணைந்து 'சூர்யா 42' என்னும் படத்தினை தொடங்கினார். இப்படம் ஒரு சங்ககாலத்து படமாக உருவாகும் என வெளியான தகவலை தொடர்ந்து ரசிகர்கள் மத்தியில் பெரிய அளவில் எதிர்பார்ப்புகள் கிளம்பியது. இப்படத்தில் நாயகியாக திஷா பதானி நடிக்கிறார், இவர் ஏற்கனவே எம் எஸ் தோனி படத்தில் நாயகியாக நடித்து தமிழ் சினிமாவில் பிரபலமானவர்.

இயக்குனர் வெற்றிமாறன் இயக்கிவரும் விடுதலை படப்பிடிப்பு பெரிய அளவில் சுவாரஸ்யமாக நடந்து வருகிறது. இப்படத்தினை தயாரிப்பாளர் கலைப்புலி எஸ் தாணு தயாரிக்க இரண்டு பாகமாக உருவாகி வெளியாகிறது. நீண்ட நாட்களாக நடந்து வரும் இப்படத்தின் படப்பிடிப்பு தற்போது தான் நிறைவு பெற்று ரிலீசுக்கு தயாராகிறது. சமீபத்தில் இப்படத்தின் முதல் சிங்கிள் பாடல் வெளியாகி ரசிகர்கள் மத்தியில் பெரும் வரவேற்பு பெற்றது. இப்பாடலை இசைஞானி இளையராஜா இசையில் தனுஷ் பாடியுள்ளார். இப்படத்தினை தொடர்ந்து வெற்றிமாறன் - சூர்யா இணையும் வாடிவாசல் படப்பிடிப்பு தொடங்கும் என எதிர்பார்த்த ரசிகர்களுக்கு பெரும் அதிர்ச்சி.

தற்போது வெற்றிமாறனின் விடுதலை படப்பிடிப்பு முடிவடைந்துள்ள நிலையில், வெற்றிமாறன் அடுத்தாக கமல்ஹாசன் உடன் பணியாற்ற உள்ளார் என தகவல்கள் வெளியாகி உள்ளது. கமலின் 'ராஜ் கமல் பிலிம்ஸ்' தயாரிப்பில் இப்படம் உருவாகும் என தகவல்கள் வெளியாகின. இப்படத்திற்கு பின் வெற்றிமாறன் ஒரு தெலுங்கு படத்தினை இயக்கலாம் என திரைவட்டாரங்களில் பேச்சுக்கள் வருகிறது. இப்படத்தின் அடுத்தடுத்து வெவ்வேறு படங்களில் வெற்றிமாறன் பிசியாக இருக்க, வாடிவாசல் படம் எப்போது என்கின்றனர், சூர்யா ரசிகர்கள்.

தமிழ் சினிமா ரசிகர்கள் மத்தியில் பெரிய அளவில் எதிர்பார்க்கப்படும் வாடிவாசல், விரைவில் தொடங்கப்படும் என படத்தின் தயாரிப்பாளர் கலைப்புலி எஸ் தாணு அதிகாரப்பூர்வமான அறிவிப்பை வெளியிட்டுள்ளார். வாடிவாசல் படம் கைவிடப்பட்டது என சமூக வலைத்தளங்களில் பல தகவல்கள் வெளியாகி ட்ரெண்டிங் ஆன நிலையில், இந்த தகவல்கள் ஆதாரமற்றது. இதனை யாரும் நம்ப வேண்டாம். வாடிவாசல் நிச்சியம் வெளியாகும் என்றுள்ளார் படத்தின் தயாரிப்பாளர்.

சமீபத்தில் வாடிவாசல் படத்தின் டெஸ்ட் ஷூட் நடந்துள்ளது. இதனை இப்படத்தின் முன்னோட்ட வீடியோவாக வெளியிட்டுள்ளனர், வாடிவாசல் படக்குழுவினர். இப்படத்தில் நடைபெறும் சில ஏறுதழுவல் நிகழ்வை தத்ரூபமாக காட்சிப்படுத்த நிஜ ஜல்லிக்கட்டு போட்டிகளை படப்பிடித்துள்ளனர், படக்குழுவினர்.