Romeo OTT Release - ஒரே நேரத்தில் இரு ஓடிடியில் களமிறங்கிய ரோமியோ... என்ன ஆச்சு தெரியுமா?

ரோமியோ - இயக்குனர் விநாயக் வைத்தியநாதன் இயக்கத்தில் விஜய் ஆன்டனி, மிர்னாலினி ரவி முன்னணி கதாபாத்திரத்தில் நடித்திருக்கும் காதல் - நகைச்சுவை திரைப்படம். இப்படத்தின் நாயகன் விஜய் ஆன்டனி ரோமியோ படத்தில் தயாரிப்பாளராக 'விஜய் ஆன்டனி பிலிம் கார்பரேஷன்' தயாரிப்பு நிறுவனத்தின் மூலம் தயாரிக்க, இசையமைப்பாளர் பரத் தனசேகர் இசையமைத்துள்ளார்.

காதல் - நகைச்சுவை மற்றும் குடும்ப படமாக அமைந்துள்ள ரோமியோ படத்திற்கு ஒளிப்பதிவாளர் பாரூக் ஜே பாஷா ஒளிப்பதிவு செய்ய, படத்தொகுப்பாளராக இப்படத்தின் நாயகன் விஜய் ஆன்டனி எடிட்டிங் செய்துள்ளார்.

ரோமியோ திரைப்படத்தில் விஜய் ஆன்டனி நாயகனாக மட்டுமில்லாமல் தயாரிப்பாளர் மற்றும் படத்தொகுப்பாளர் என பல்வேறு துறைகளில் பணியாற்றியுள்ளார். இப்படத்தில் விடிவி கணேஷ், தலைவாசல் விஜய், இளவரசு, யோகி பாபு என பல தமிழ் சினிமா நட்சத்திரங்கள் முக்கிய கதாபாத்திரத்தில் நடித்துள்ளனர்.

மலேசியாவில் வேலை பார்த்து விட்டு சொந்த ஊர் திரும்பும் 35 வயது நபரான விஜய் ஆண்டனிக்கு நடிகையாக ஆசைப்படும் மிருணாளினி ரவியை திருமணம் செய்து வைக்கின்றனர். விருப்பமில்லாமல் திருமணம் செய்துக் கொள்ளும் மிருணாளினி ரவி விவாகரத்து செய்ய முடிவு செய்கிறார். மனைவியை ஒரு தலையாக காதலிக்கத் தொடங்கும் விஜய் ஆண்டனி மனைவிக்கு பிடித்தவராக மாற முயற்சி செய்வதும் இறுதியில் என்ன ஆனது என்பதும் தான் இந்த படத்தின் கதை.

விஜய் ஆன்டனி நடித்துள்ள ரோமியோ படம் வெளியாகி நல்ல விமர்சனங்கள் பெற்றிருந்தாலும், இப்படத்தின் வெளியீட்டு தேதியால் இப்படம் பல பிரச்சனையை சந்தித்துள்ளது. இந்தியாவில் நடந்து வரும் பாராளமன்ற தேர்தலில் தமிழகத்தின் தேர்தல் தேதியை நெருங்கி பல காட்சிகள் தீவிரமாக பிரச்சாரம் செய்து வந்த நிலையில், இப்படம் தமிழக திரையரங்கில் வெளியாகியது.

தமிழக மக்களின் கவனம் தேர்தல் களத்தில் இருந்ததால், இப்படத்தின் மீது மக்கள் பெரும்பாலும் கவனம் அளிக்கவில்லை. சிறந்த கதை மற்றும் சுவாரஸ்ய திரைக்கதையில் இப்படம் வெளியாகி, விமர்சனம் ரீதியாக கொண்டாடப்பட்டாலும் மக்கள் மத்தியில் பெரிய அளவில் இப்படம் பேசப்படவில்லை.

நல்ல படமாக இப்படம் உருவாகி சரியான ரிலீஸ் தேதி இல்லாத காரணத்தால் இப்படம் பாக்ஸ் ஆபிஸ் பட்டியலில் இடம் பெற தவறியுள்ளது.

விஜய் ஆன்டனி, மிருணாளினி ரவி முன்னணி நடிப்பில் உருவாகியுள்ள ரோமியோ திரைப்படம் தற்போது ஓடிடி ரிலீஸ் தேதி பற்றிய அறிவிப்பு வெளியிட்டு மக்கள் மத்தியில் பேசப்படுகிறது. இப்படம் 2024 மே 10ல் ஆஹா தமிழ் ஓடிடி செயலியில் ஸ்ட்ரீமிங் செய்ய தயாராக உள்ளது. பின்னனர் இப்படம் அமேசான் பிரைம் ஓடிடி தலத்தில் அதே தேதியில் ஸ்ட்ரீமிங் செய்ய முடிவெடுத்துள்ளனர், படக்குழுவினர்.

இப்படத்தின் ஓடிடி ரிலீஸ் பற்றிய அதிகாரபூர்வ அறிவிப்பை படக்குழு சமீபத்தில் வெளியிட்டு, ரோமியோ போன்ற நல்ல படங்களை திரையரங்கில் கொண்டாட தவறிய ரசிகர்கள் நிச்சியம் ஓடிடி தளத்தில் இப்படத்தினை கொண்டாடுவார்கள் என ரோமியோ படக்குழு நம்பிக்கையுடன் இருக்கின்றனர்.

ரோமியோ திரைப்படம் 2024 மே 10ல் அமேசான் பிரைம் ஓடிடி மற்றும் ஆஹா தமிழ் ஓடிடி செயலியில் ஸ்ட்ரீமிங் ஆகியுள்ளது. ஒரே நேரத்தில் இரு ஓடிடியில் களமிறங்கிய ரோமியோ மக்களின் கவனத்தை கவர்ந்துள்ளார். ஒரே நாளில் பல ரசிகர்களின் கவனத்தை கவர்ந்த ரோமியோ பலர் மத்தியில் பேசப்படுகிறது.