ருக்மிணி, திஷா பதானி என 2024ல் அறிமுகமாகும் பிரபல பிறமொழி நடிகைகள்

மமிதா பைஜூ - பிரபல மலையாள சினிமா நடிகை. இவர் மலையாள சினிமாவை ஒரு சில திரைப்படங்களில் நடித்து ரசிகர்கள் மத்தியில் பெரிய அளவில் வரவேற்பினை பெற்றவர். சமீபத்தில் உருவான வணங்கான் படத்தில் இவர் ஒரு முக்கிய கதாபாத்திரத்தில் நடித்துள்ளார், ஆனால் அந்த படத்தில் இருந்து சில காரணங்களால் இவர் வெளியேற, தற்போது ஜி வி பிரகாஷ் குமார் நடிக்கும் ரிபெல் திரைப்படத்தில் நாயகியாக இவர் நடித்து வருகிறார்.

ருக்மிணி வசந்த் - 2023ல் கன்னட சினிமாவில் வெளியாகி ரசிகர்கள் மத்தியில் மாபெரும் வரவேற்பினை பெற்ற ஏழு கடல் தாண்டி என்ற திரைப்படத்தில் இவர் நடித்திருந்தார். இவரின் நடிப்பு மற்றும் திரைப்படம் பெரிய அளவில் புகழ் பெற்று இவருக்கு பல ரசிகர்களை உருவாக்கி தந்துள்ளது. தற்போது இவர் தமிழ் சினிமாவில் நடிகர் சிவகார்த்திகேயன்- ஏ ஆர் முருகதாஸ் கூட்டணியில் உருவாகும் திரைப்படத்தில் நாயகியாக நடித்து வருகிறார். பின்னர் விஜய் சேதுபதியின் 51வது படத்தில் இவர் ஒரு முக்கிய கதாபாத்திரத்தில் நடித்துள்ளார்.

ஃபரியா அப்துல்லா - தெலுங்கு சினிமா நடிகை, இவர் தெலுங்கு சினிமாவில் உருவான பல வெற்றி படங்களில் நாயகியாக நடித்து பலரின் கவனத்தை கவர்ந்துள்ளார். தமிழ் சினிமாவில் நடிகர் விஜய் ஆன்டனி நடிக்கும் புதிய படமான 'வள்ளி மயில்' திரைப்படத்தில் இவர் நாயகியாக நடித்து தமிழ் திரையுலகில் தனது பயணத்தை தொடங்கவுள்ளார்.

அன்னா பென் - மலையாள சினிமா நடிகை. இவர் மலையாள சினிமா திரைப்படங்களில் பல வெற்றி படங்களில் நடித்து பிரபலமானவர். இவர் கதாபாத்திரத்திரம் பெரிய அளவில் பேசப்பட்டுள்ளது. இவர் தமிழ் சினிமாவில் 2024 ஆம் ஆண்டு சூரி நாயகனாக நடிக்கும் 'கொட்டுக்காலி' திரைப்படத்தில் நாயகியாக நடித்துள்ளார். இப்படத்தினை தொடர்ந்து பல படங்களில் நடிக்க ஒப்பந்தமாகியுள்ளார், அன்னா பென்.

ஆர்ஷா சாந்தினி பைஜூ  பிரபல மலையாள சினிமா நடிகை, இவர் முகுந்தன் உன்னி போன்ற பல மலையாள வெற்றி திரைப்படங்களில் நடித்து பிரபலமானவர். இவர் தமிழ் சினிமாவில் இந்த ஆண்டு 2024ல் முகை என்ற திரைப்படத்தில் நாயகியாக நடித்து அறிமுகமாகவுள்ளார். இந்த முகை படத்தில் சமுத்திரக்கனி, ராதா ரவி என பல முன்னணி நட்சத்திரங்கள் நடித்துள்ளனர்.

பிரியா பிரகாஷ் வாரியர் - ஒரு அடார் லவ் என்ற மலையாள சினிமா திரைப்படத்தின்  மூலம் பெரிய அளவில் பிரபலமானவர். இவர் அடுத்தடுத்து பல படங்களில் நடித்து தெலுங்கு, மலையாளம் என திரையுலகில் ரசிகர்கள் மத்தியில் கொண்டாடப்படுகிறார். தமிழ் சினிமாவில் இவர் 'நிலவுக்கு என்மேல் என்னடி கோபம்' என்ற திரைப்படத்தில் நடித்து தமிழ் சினிமாவில் நேரடியாக அறிமுகமாகவுள்ளார்.

வைஷாலி ராஜ் - தெலுங்கு சினிமாவில் ஒரு சில வெற்றி படங்களில் நடித்து ரசிகர்கள் மத்தியில் பிரபலமானவர், வைஷாலி ராஜ். இவர் பல ரசிகர்களை கவர்ந்து முக்கிய நட்சத்திரமாக ஜொலித்து வரும் நிலையில், தற்போது தமிழ் சினிமாவில் இவர் புல்லட் திரைப்படம் மூலம் அறிமுகமாகவுள்ளார்.

திஷா பதானி - பிரபல ஹிந்தி சினிமா நடிகை. இவர் எம் எஸ் தோனி திரைப்படத்தில் நடித்து பெரிய அளவில் ரசிகர்களை கவர்ந்து பிரபலமானவர். திஷா பதானி தமிழ் சினிமாவில் நடிகர் சூர்யா - சிறுத்தை சிவா கூட்டணியில் உருவாகும் கங்குவா திரைப்படத்தில் நாயகியாக நடித்து வருகிறார். பல டப்பிங் திரைப்படங்கள் மூலம் தமிழ் சினிமாவில் பிரபலமான திஷா பதானி தற்போது கங்குவா படத்தின் மூலம் தமிழ் சினிமாவில் நேரடியாக அறிமுகமாகியுள்ளார்.

ஜான்வி கபூர் - ஹிந்தி சினிமா நடிகை மற்றும் மறைந்த நடிகை ஸ்ரீதேவி-யின் மகள் ஆவார். இவர் ஹிந்தி சினிமாவில் பல வெற்றி படங்கள் மற்றும் மாடலிங் அழகியாக ரசிகர்கள் மத்தியில் கொண்டாடப்படுகிறார். தற்போது தேவரா என்ற படத்தில் நடித்து தென்னிந்திய நடிகையாக அறிமுகமாகும் இவர், தமிழ் சினிமாவில் விரைவில் நாயகியாக நடிக்க உள்ளார். சூர்யா நடிக்கும் புதிய திரைப்படமான 'கர்ணன்' என்ற படத்தில் இவர் நாயகியாக ஒப்பந்தம் ஆகியுள்ளார் என பல தகவல்கள் வெளியாகியுள்ளது.

தர்ஷனா ராஜேந்திரன் - மலையாள சினிமாவில் ஹிரிதயம் போன்ற பல வெற்றி படங்களில் நடித்து பிரபலமானவர். தமிழ் சினிமாவிலும் இவருக்கென ரசிகர்கள் உள்ளனர். மலையாள படத்தின் மூலம் பெரிய அளவில் கொண்டாடப்பட்ட இவர் தற்போது தமிழ் படத்தில் நடிக்க ஒப்பந்தமாகியுள்ளார். மாரிசெல்வராஜ் இயக்கத்தில் துருவ் விக்ரம் நடிக்கும் புதிய படத்தில் இவர் நாயகியாக  தகவல்கள் வெளியாகியுள்ளது.