பாக்கியலட்சுமி சீரியலில் இருந்து கோபி விலகல், காரணம் என்ன?

ஸ்டார் விஜய் தொலைக்காட்சியில் ஒளிபரப்பாகி வரும் சூப்பர் ஹிட் தமிழ் சீரியல் தொடர். இந்த தொடரில் கே எஸ் சுசித்ரா ஷெட்டி, சதீஸ் குமார், ரேஷ்மா மற்றும் ரஞ்சித் என பலர் முக்கிய கதாபாத்திரங்களில் நடித்து வருகின்றனர். விறுவிறுப்பான கதைக்களத்தில் உருவாகி வரும் இந்த சீரியல் தற்போது பரபரப்பான தருணத்தை அடைந்துள்ளது. சமீப காலமாக டி ஆர் பி ரேட்டிங் போன்ற விஷயங்களில் அசத்தி வரும் இந்த தொடரில் தற்போது சில மாற்றங்கள் நடைபெற உள்ளது.

பாக்கியலட்சுமி சீரியல் தொடரில் நடிகர் சதிஷ் குமார் 'கோபி' என்ற கதாபாத்திரத்தில் நடித்து வருகிறார். இவருக்கு பல ஆதரவு மற்றும் எதிர்ப்புகள் கிளம்பி வருகிறது. இந்த தொடரில் வில்லன் சாயலில் நடிக்கும் இவருக்கு, இவரின் சொந்த வாழ்க்கையிலும் பல பிரச்சனைகள் இந்த கதாபாத்திரத்தால் வருகிறது. இந்த பிரச்சனைகளை பற்றி பலமுறை இணையதள இன்ஸ்டா பக்கத்தில் இவர் பேசியுள்ளார். தற்போது இந்த பிரச்சனைகளுக்கு முற்றுப்புள்ளி வைக்கும் விதமாக ஒரு முடிவு எடுத்துள்ளார், சின்னத்திரை நடிகர் சதிஷ் குமார்.

தான் பாக்கியலட்சுமி சீரியலில் இருந்து விலகுவதாக நடிகர் சதீஸ் குமார் வீடியோ வெளியிட்டு ரசிகர்கள் மத்தியில் பரபரப்பை ஏற்படுத்தியுள்ளார். தனது இன்ஸ்டா செயலியில் ரசிகர்களுக்காக பிரத்யேகமாக வீடியோ ஒன்றை பதிவேற்றி தான் இந்த சீரியலில் இருந்து விலகுகிறேன் என கூறியுள்ளார்.

நடிகர் சதிஷ் குமார், அவர் பதிவேற்றிய வீடியோவில் "இன்னும் கொஞ்ச நாட்களில் 10 - 15 எபிசோடுகளுக்கு பிறகு தான் பாக்கியலட்சுமி சீரியலில் இருந்து விலகுகிறேன். கோபி கதாபாத்திரம் எனக்கு ரொம்ப முக்கியமானது. இந்த கதாபாத்திரத்தில் இருந்து நான் விலகுகிறேன், இந்த முடிவில் என மாற்றுக்கருத்தும் இல்லை" என்று கூறியுள்ளார். இதற்கான காரணம் எனது தனிப்பட்ட வாழ்க்கையில் உள்ள சில பிரச்சனைகள் தான் என்று கூறியுள்ளார்.

கோபி, தான் பாக்கியலட்சுமி சீரியலில் இருந்து விலகுகிறேன் என்று வெளியிட்ட விடியோவை தொடர்ந்து, அடுத்து கோபி கதாபாத்திரத்தில் யார் என்ற கேள்வி எழுந்துள்ளது. கோபி கதாபாத்திரம் அப்பாவித்தனமும், வில்லத்தனமும் கலந்த ஒரு வித்தியாசமான கதாபாத்திரமாக வடிவமைக்கப்பட்டுள்ளது. இந்த கதாபாத்திரத்தில் இதுவரை நடிகர் சதீஸ் குமார் தனது அற்புதமான நடிப்பினை வெளிப்படுத்தி அசத்தியுள்ளார், ஆனால் இனி இந்த கதாபாத்திரத்தில் யார் நடிப்பார்? அவருக்கு இந்த கதாபாத்திரம் பொருத்தமானதாக இருக்குமா? என்ற கேள்வி பாக்கியலட்சுமி சீரியல் ரசிகர்கள் மத்தியில் எழுந்துள்ளது.