Star Movie OTT: தியேட்டரை தொடர்ந்து ஓடிடியில் ஜொலிக்க களமிறங்கிய 'ஸ்டார்' படம், காண ரெடியா!

ஸ்டார் - இயக்குனர் இளன் இயக்கத்தில் கவின், அதிதி போஹங்கர், லால், கீதா கைலாசம், ப்ரீத்தி முகுந்தன் என தமிழ் சினிமா நட்சத்திரங்கள் பலர் நடித்திருக்கும் திரைப்படம். இப்படத்தினை தயாரிப்பாளர் பி.வி.எஸ்.என் பிரசாத் மற்றும் ஸ்ரீநிதி சாகர் இணைந்து ரைஸ் ஈஸ்ட் என்டர்டைன்மெண்ட் மற்றும் ஸ்ரீ வெங்கடேஸ்வரா சினி சித்ரா தயாரிப்பு நிறுவனங்கள் மூலம் தயாரிக்க, இசையமைப்பாளர் யுவன் ஷங்கர் ராஜா இசையமைத்துள்ளார்.

எமோஷனல் மற்றும் குடும்பங்கள் கொண்டாடும் படமாக உருவாகியுள்ள ஸ்டார் திரைப்படத்திற்கு ஒளிப்பதிவாளர் எழில் அரசு கே ஒளிப்பதிவு செய்ய, படத்தொகுப்பாளர் பிரதீப் ஈ ராகவ் எடிட்டிங் செய்துள்ளார். 

ஸ்டார் திரைப்படம் 2024 மே 10ல் உலகமெங்கும் வெளியாகி உள்ள நிலையில், இப்படத்திற்கு தமிழக திரைப்பட தணிக்கை குழு 'யு' சான்றிதழ் அளித்துள்ளது.

கவின் (கலை) சிறுவயதில் இருந்தே நடிப்பின் மீது அதிக ஆர்வம் கொண்டவராக வளர்கிறார். இவருக்கு பக்கபலமாக இவரது தந்தை ஆதரிக்கிறார். கவின் பெரியவனாகி சினிமாவில் நடிக்கும் வேண்டும் என்பதை லட்சியமாக கொண்டு அதற்காக உழைத்து வருகிறார். தான் சந்திக்கும் தடைகளை உடைத்து அவர் சினிமாவில் நடிகராக ஜொலித்தார் இல்லையா என்பதே இப்படத்தின் கதை.

ஸ்டார் படத்தின் டிரைலர் வெளியாகி தமிழ் சினிமா ரசிகர்கள் மத்தியில் கொண்டாடப்பட்டது. இப்படத்தின் டிரைலர் ஸ்டார் படத்தின் எதிர்பார்ப்பை ரசிகர்கள் மத்தியில் எகிற வைத்துள்ளது.

ஸ்டார் திரைப்படம் திரையரங்கில் வெளியானதும், முதல் நாளில் பெரிய கொண்டாட்டமாக இப்படம் அமைந்தது. பின்னர் அடுத்தடுத்த காட்சிகளில் ஸ்டார் திரைப்படம் குறித்த கலவையான விமர்சனங்கள் வெளியாகி இப்படம் வசூல் சரிவை கண்டு பாக்ஸ் ஆபிஸில் இடம் பெற தவறியுள்ளது.

ஸ்டார் படத்திற்கு ரசிகர்கள் மத்தியில் (3/5) ரேட்டிங் அளிக்கப்பட்டுள்ளது. இப்படம் வெளியாவதற்கு முன்பு கிடைத்த எதிர்பார்ப்புகள் தான் இப்படத்திற்கு இருக்கும் மிகப்பெரிய பலம் ஆகும், ஆனால் அந்த எதிர்பார்ப்பு அளவிற்கு இப்படம் இல்லாத காரணத்தால் இப்படம் பெரிய சரிவை கண்டுள்ளது.

ஸ்டார் படத்தினை உரிமையை கைப்பற்றிய 'அமேசான் பிரைம் வீடியோ' எந்த ஒரு அறிவிப்பும் இல்லாமல் இப்படத்தினை 2024 ஜூன் 7ல் ஸ்ட்ரீமிங் செய்துள்ளது. பில்டப் உடன் வெளியாகி திரையரங்கில் இப்படத்திற்கு கிடைத்த விமர்சனத்தால் தான் இப்படம் எந்த அறிவிப்பும் இல்லாமல் அமேசான் ஓடிடியில் வெளியாகி உள்ளது, பலர் தங்களின் கருத்துகளை பகிர்ந்து வருகின்றனர்.