ரஜினி, சமந்தா முதல் சிலம்பரசன்: ஆன்மீக ஈடுபாடு கொண்ட டாப் தமிழ் பிரபலங்கள்

ரஜினிகாந்த் - தமிழ் சினிமாவில் 'சூப்பர் ஸ்டார்' பட்டம் வென்ற முன்னணி நடிகர், இவர் தற்போது கூலி என்ற திரைப்படத்தில் நடித்து வருகிறார். ரஜினிகாந்த் திரைப்பயணத்தில் பெரும்பாலான திரைப்படங்கள் வசூல் சாதனை படைத்து வருகிறது. இவர் ஆன்மீகத்தில் அதிக ஈடுபாடு கொண்டவர், மாமிசம் உண்ணுவதை தவிர்த்து வாழ்ந்து வருகிறார். அவ்வப்போது இமாலய மலைக்கு ஆன்மீக பயணம் மேற்கொள்வார், ரஜினிகாந்த்.

சிலம்பரசன் (எஸ் டி ஆர்) - தமிழ் சினிமாவில் இளம் வயதில் இருந்து நடித்து வரும் பிரபலம், லிட்டில் சூப்பர் ஸ்டார் என்ற பட்டத்தை தன்வசம் வைத்துக்கொண்டு பல வெற்றி படங்களில் நடித்து புகழ் பெற்றவர். சமீபத்தில் இவர் நடித்த மாநாடு, பத்து தல ஆகிய படங்கள் தமிழ் சினிமாவில் ஹிட் படமாக கொண்டாடப்பட்டுள்ளது. இவர் காதல் தோல்வி காரணமாக ஆன்மீக வாழ்க்கை தொடங்கி பின்னர் ஆன்மீக பயணம் மேற்கொண்டவர். தற்போது சிவ பக்தனாக பல நல்ல விஷயங்களை பேசி ரசிகர்களுடன் பகிர்ந்து வருகிறார்.

சந்தானம் - தமிழ் சினிமாவில் நகைச்சுவை நடிகராக அவதரித்து தற்போது நாயகன் கதாபாத்திரத்தில் நடித்து வருகிறார். இவர் தில்லுக்கு துட்டு, வடக்குப்பட்டி ராமசாமி என பல வெற்றி படங்களில் நாயகனாக நடித்துள்ளார். இவர் ஆன்மீகத்தில் அதிக ஆர்வம் உள்ளவராக வாழ்ந்து வருகிறார். சமீபத்தில் வெள்ளியங்கிரி போன்ற பல கோவில் தலங்களுக்கு சென்று வருகிறார்.

தமிழ், தெலுங்கு, ஹிந்தி என இந்திய சினிமாவில் பணியாற்றி வரும் முன்னணி நடிகை, சமந்தா. இவர் தனது கணவர் நாக சைதன்யா உடன் விவாகரத்து பெற்று தனிமையில் வாழ்ந்து வருகிறார். உடல் நலம் பாதிக்கப்பட்டு இருந்த சமந்தா, பல சிகிச்சை, மனதளவில் பூர்த்தியாக ஆன்மிக வாழ்க்கையை மேற்கொண்டு பயணித்துள்ளார். தற்போது இவர் ஆன்மீக தொடர்புடைய பல நல்ல விஷயங்களை ரசிகர்களுடன் பகிர்ந்து வருகிறார்.

தனுஷ் - தமிழ் சினிமாவில் பணியாற்றி வரும் முன்னணி நடிகர் ஆவார். திருச்சிற்றம்பலம் போன்ற பல வெற்றி படங்களில் நடித்து வரும் இவர் சைவ சமயம் வழிபாடுகளில் அதிக ஆர்வம் கொண்டவர். தனுஷ் எப்போதும் ருத்ராச்சம் அணிந்து வருபவர். இவர் பெரிய அளவில் கொண்டாடப்படும் நடிகர்களில் ஒருவர் ஆவார்.

சதுரங்க வேட்டை, வலிமை, தீரன், துணிவு போன்ற வெற்றி படங்களை இயக்கி தமிழ் சினிமாவில் ஒரு முக்கிய இயக்குனராக பிரபலமானவர், ஹச் வினோத். இவரது படங்கள் பெரும்பாலும் சமூக கருத்துகள் உடைய படமாக அமைந்து வருகிறது. இவர் கடவுள் பக்தி உடையவர், இதனை பற்றி பல நேர்காணல் வீடியோக்களில் தனது கருத்துகளை பேசியுள்ளார்.

பிதாமகன், அவன் இவன், நந்தா போன்ற வெற்றி படங்களின் மூலம் தன்னை பல ரசிகர்களுக்கு இயக்குனராக அறிமுகப்படுத்தியவர், இயக்குனர் பாலா. இவர் இயக்கம் படங்கள் பெரிய அளவில் தமிழ் சினிமாவில் பேசப்படுகிறது. பல கருத்துகளை தெளிவாக பேசும் இயக்குனர் பாலா, ஆன்மீக ஆர்வம் கொண்டவர். இவர் காசி அகோரிகள் மற்றும் சித்தர்கள் உடன் பழகி பல விஷயங்களை கற்று அறிந்தவர்.

யோகி பாபு - தமிழ் சினிமாவில் நகைச்சுவை நடிகராக அறிமுகமாகி தற்போது நாயகன், நகைச்சுவையாளர், குணச்சித்திர நடிகர் என பல கதாபாத்திரத்தில் நடித்து வருகிறார், யோகி பாபு. இவர் தமிழ் கடவுள் முருகனின் தீவிர பக்தர் ஆவார். பழனி, திருத்தணி, திருச்செந்தூர் என முருகன் வழிபாடு தலத்திற்கு சென்று வழிபாடுகள் நடத்தி வருகிறார், யோகி பாபு. இவரின் சமூக வலைதள பக்கத்தில் ஆன்மீக சார்ந்த பல போஸ்ட்களை பகிர்ந்துள்ளார்.