பாண்டியன் ஸ்டோர்ஸ் குடும்பத்தை தொடர்ந்து பிரச்சனையில் சிக்க வைக்கும் கண்ணன் & ஐஸ்வர்யா

விஜய் தொலைக்காட்சியில் வாரந்தோறும் ஒளிபரப்பாகும் பிரபல தொலைக்காட்சி தொடர், பாண்டியன் ஸ்டோர்ஸ். ஒரு கூட்டு குடும்பத்தை மையமாக கொண்டு இந்த தொடரின் கதைக்களம் நகர்ந்து வருகிறது. நாளுக்கு நாள் பெரும் பரபரப்பை ஏற்படுத்தி ரசிகர்கள் மத்தியில் பிரபலமாகிறது, பாண்டியன் ஸ்டோர்ஸ் தொடர்.

தனது வரவுக்கு மீறி மனைவி ஐஸ்வர்யாவின் முட்டாள்தனமான பேச்சை கேட்டு பல செலவுகள் செய்து வந்துள்ள கண்ணன், கடன்கள் வாங்கி பல செலவுகள் செய்துள்ளார். கொடுத்த கடனை திருப்பி கேட்க வந்த வங்கி ஊழியர்களிடம் பிரச்சனை செய்து தர்ம அடி வாங்குகிறார்.

என்ன கண்ணா இதெல்லாம் உனக்கு தேவையா? என இணையதளங்களில் நெட்டிசன்கள் கண்ணனை கலாய்த்து வருகின்றனர்.

கண்ணனை அடித்த வாங்கி ஊழியர்களை தேடி சென்று கதிர் தாக்குகிறார். இதனால் வங்கி ஊழியர்கள் போலீஸில் புகார் அளிக்கின்றனர். போலீஸ் கதிரை கைதி செய்கின்றனர். கதிரின் மனைவி முல்லை, மற்றும் மூர்த்தியின் மனைவி தனம் இருவரும் கர்ப்பமாக இருக்க, இவர்களுக்கு முன்பு கதிர் கைது செய்யப்படுகிறார். இதனால் பெரும் அதிர்ச்சியில் உள்ளனர், பாண்டியன் ஸ்டோர்ஸ் குடும்பத்தினர்.

கண்ணன் மற்றும் ஐஸ்வர்யா இருவர் செய்யும் தவறுகளுக்கு பல முறை கதிர் உதவி செய்து சிக்கலில் மாட்டி வருகிறார். தற்போது இந்த சூழலில் கதிரின் இந்த நிலைக்கு கண்ணன் - ஐஸ்வர்யா தான் காரணம் என பலர் கோபத்தில் உள்ளனர், இதனால் என்ன நடக்கவிருக்கிறது என்று ரசிகர்கள் மத்தியில் பெரும் எதிர்பார்ப்பு உள்ளது.