குறி வச்சு இரையை வீழ்த்திய ரஜினிகாந்த்: கூகுள் நிறுவனத்தை வியப்பூட்டிய ஜெயிலர் சாதனை

ஜெயிலர் - இயக்குனர் நெல்சன் திலீப்குமார் இயக்கத்தில் ரஜினிகாந்த் முன்னணி கதாபாத்திரத்தில் நடித்திருக்கும் அதிரடி - திரில்லர் திரைப்படம். இப்படத்தினை சன் பிக்சர்ஸ் நிறுவனம் தயாரித்து, உலகமெங்கும் விநியோகம் செய்துள்ளது. இப்படத்திற்கு இசையமைப்பாளர் அனிருத் ரவிச்சந்தர் இசையமைத்துள்ளார். இப்படம் 2023 ஆகஸ்ட் மாதம் வெளியாகி பல தரப்புகளில் சாதனை படைத்துள்ளது. இப்படம் படைத்த உலக சாதனையை இங்கு விரிவாக காணலாம், இதோ.

ஜெயிலர் திரைப்படத்தின் கதைக்கரு கமல் நடிப்பில் லோகேஷ் இயக்கத்தில் வெளியான விக்ரம் பட கதை சாயலில் இருக்கிறது என இப்படம் வெளியான தருணத்தில் பல விமர்சனங்கள் எழுந்தன. ஆனால் இப்படத்தின் திரைக்கதை முற்றிலும் மாறுபட்ட கதையம்சத்தில் அமைந்து ரசிகர்கள் மத்தியில் கொண்டாடப்பட்டது.

விமர்சனம் ரீதியாக இப்படம் ரசிகர்களால் சாதனை படைத்துள்ளது. இப்படத்தின் இசை, திரைக்கதை காட்சிகள் என ரஜினியின் ரசிகர்களுக்காக உருவாக்கப்பட்ட படம் போல இப்படம் அமைந்து பலரை திருப்திபடுத்தியுள்ளது. இப்படம் இந்த ஆண்டு 2023ல் சிறந்த பட பட்டியலில் இடம்பிடித்து புகழ் பெற்றுள்ளது.

ஜெயிலர் படத்தின் வசூல் தமிழ் சினிமா வரலாற்றில் சாதனை படைத்திருக்கிறது. இப்படம் மொத்தம் 605 முதல் 650 கோடிகள் வரை சராசரியாக வசூல் செய்துள்ளதாக தகவல்கள் வெளியாகியுள்ளது. இதனை பற்றிய அறிவிப்புகள் கூகுள் நிறுவனத்தின் விக்கிபீடியா பக்கத்தில் உள்ளன. இந்த ஆண்டு தமிழ் சினிமாவில் அதிக வசூல் செய்துள்ள பட பட்டியலில் இப்படம் முதல் இடத்தை பிடித்து சாதனை படைத்திருக்கிறது. 

தமிழக பாக்ஸ் ஆபிஸ் நிலவரத்தில் ஜெயிலர் திரைப்படம், மாபெரும் சாதனை படைத்திருக்கிறது. இப்படம் உலகளவில் 600 கோடிகளுக்கு மேல் வசூல் செய்துள்ளது. தமிழக பாக்ஸ் ஆபிஸ் நிலவரத்தில் ரஜினியின் படங்களான ஷங்கர் இயக்கிய 2.0 படம் 800 கோடிகள் வசூல் செய்ததை தொடர்ந்து, பா ரஞ்சித் இயக்கிய கபாலி, ஷங்கர் இயக்கிய எந்திரன் என பல படங்கள் முன்னணி இடத்தை பிடித்துள்ளது. தற்போது அந்த வரிசையில் ரஜினியின் லேட்டஸ்ட் ரிலீஸ் படமான ஜெயிலர் படமும் இடம் பிடித்துள்ளது. இப்படத்தின் தயாரிப்பாளர் கலாநிதி மாறன் கூறியபடி ரஜினிகாந்த் ரெகார்ட் பிரேக்கர் இல்ல, ரெகார்ட் மேக்கர் என நிரூபித்துள்ளது, ஜெயிலர் திரைப்படம்.

தற்போது 2023ம் ஆண்டு முடிவில் கூகுள் நிறுவனம் இந்தியாவில் அதிகம் தேடப்பட்ட திரைப்படங்களின் பட்டியலை வெளியிட்டுள்ளது. இதில் சூப்பர் ஸ்டார் ரஜினிகாந்த் நடித்த ஜெயிலர் திரைப்படம், 7வது இடத்தை பிடித்து சாதனை படைத்திருக்கிறது. தமிழ் சினிமாவில் இருந்து ஜெயிலர் படம் தான் 7 வது இடத்தை பிடித்து முதல் இடத்தில் உள்ளது, ஜெயிலர் படத்தினை தொடர்ந்து விஜய் நடித்த வாரிசு, லியோ ஆகிய தமிழ் படங்கள் இடம் பிடித்துள்ளன.