வசூலில் சந்திரயான் 3 பட்ஜெட்-யை நெருங்கும் சூப்பர்ஸ்டார் ரஜினியின் ஜெயிலர்

ஜெயிலர் - இயக்குனர் நெல்சன் திலீப்குமார் இயக்கத்தில் சூப்பர்ஸ்டார் ரஜினிகாந்த் முன்னணி கதாபாத்திரத்தில் நடித்திருக்கும் அதிரடி & திரில்லர் திரைப்படம். இப்படத்தினை தமிழ் திரையுலக பிரபல முன்னணி தயாரிப்பு நிறுவனமான 'சன் பிக்சர்ஸ்' தயாரிப்பு நிறுவன சார்பில் தயாரிப்பாளர் கலாநிதி மாறன் தயாரிக்க, இசையமைப்பாளர் அனிருத் ரவிச்சந்தர் ஜெயிலர் படத்திற்கு இசையமைத்துள்ளார்.

அதிரடி ஆக்ஷன் மற்றும் திரில்லர் திரைக்கதையில் உருவாகியுள்ள ஜெயிலர் திரைப்படத்தில் ஒளிப்பதிவாளர் விஜய் கார்த்திக் கண்ணன் ஒளிப்பதிவு செய்ய, படத்தொகுப்பாளர் நிர்மல் ஆர் எடிட்டிங் செய்துள்ளார். இத்திரைப்படத்தில் ரம்யா கிருஷ்ணன், ஷிவ ராஜ்குமார், மோகன்லால், யோகி பாபு, மிர்னா என பல முக்கிய பிரபலங்கள் முன்னணி கதாபாத்திரத்தில் நடித்து கலக்கியுள்ளனர்.

சந்திரயான் 3 செயற்கைக்கோள் வெற்றிகரமாக விண்வெளியில் செலுத்திய இந்தியா, 23 ஆகஸ்ட் 2023ல் நிலவில் தென்துருவதில் வெற்றிகரமாக தரை இறக்கியது. இதனை தொடர்ந்து இந்தியாவின் இந்த சாதனையை பல நாடுகள் மற்றும் பல விஞ்ஞானிகள் ஆச்சரியத்தோடு பார்க்கின்றனர். இதற்கிடையில் சந்திரயான் 3 செயற்கைகோள் உருவாக மொத்த பட்ஜெட் மற்றும் செலவை நேற்றுலிருந்து வைரலாகியுள்ளது. சந்திரயான் 3 செயற்கைக்கோள் 615 கோடி செலவில் உருவாகியுள்ளது என தகவல்கள் பரவி வருகிறது.

சந்திரயான் 3 செயற்கைக்கோள் உருவாக 615 கோடி செலவாகியுள்ளதை அறிந்த சில விமர்சகர்கள், பிரபாஸ் நடிப்பில் சமீபத்தில் வெளியான அதிபுருஷ் திரைப்படம் 700 கோடி பொருட்செலவில் உருவாகியுள்ளது என ஒப்பிட்டு விமர்சனம் செய்துள்ளார், இதனை தொடர்ந்து அறிவியல் துறைக்கு ஈடாக சினிமா போன்ற பொழுதுபோக்கிற்கு பிரமாண்டம் என செலவு செய்கிறது என பல சர்ச்சைகள் எழுந்துள்ளது.

இணையதளத்தில் பல நிறுவனங்கள் மற்றும் விமர்சகர்கள் சந்திரயான் 3 செயற்கைக்கோள் பட்ஜெட்-ற்கு இணையாக மற்றும் அதனை தாண்டி உருவான திரைப்படங்களை பட்டியலிட்டு வந்துள்ள நிலையில், சமீபத்தில் வெளியான சூப்பர்ஸ்டார் ரஜினிகாந்த் நடித்துள்ள ஜெயிலர் திரைப்படம் வசூல் ரீதியாக சந்திரயான் 3 பட்ஜெட்-யை நெருங்கிவிட்டது என சிலர் பதிவேற்றி வைரல் செய்கின்றனர்.

ஜெயிலர் திரைப்படம் 10 ஆகஸ்ட் 2023ல் உலகம் முழுவதும் வெளியான நிலையில், தற்போது இரண்டு வார முடிவில் உலகளவில் வசூல் ரீதியாக 600 கோடி ரூபாயை நெருங்கியுள்ளது என பலர் கூறி வருகின்றனர். இதுவரை ஜெயிலர் திரைப்படம் 550 கோடிகள் கடந்துள்ள நிலையில் விரைவில் இப்படம் சந்திரயான் 3 மொத்த பொருட்செலவான 615 கோடியை வசூல் செய்யும் என பல திரைத்துறை சார்ந்த நெட்டிசன்கள் தகவல்களை பகிர்ந்துள்ளனர்.