மார்க்கெட்டை இழந்த சூர்யா!, நஷ்டத்தை சரி செய்ய உருவாகிறது கங்குவா படம்...

சூர்யா சிவகுமார் - தமிழ் சினிமாவில் நடித்து வரும் முன்னணி நடிகர்களில் ஒருவர் ஆவார். பல வெற்றி படங்கள் மூலம் பல ரசிகர்களை தன்வசப்படுத்தி ஒரு பிரபலமாக அறியப்படும் இவர், பல நெருக்கடி மற்றும் விமர்சனங்களை கடந்து தற்போது நடிகனாக தமிழ் சினிமாவில் ஜொலித்து வருகிறார்.

நடிகனாக மட்டுமில்லாமல் தமிழ் சினிமாவில் இவர் ஒரு தயாரிப்பாளராகவும் பணியாற்றி வருகிறார். இவரின் திரைப்படங்கள் பெரிய அளவில் ரசிகர்கள் மத்தியில் வரவேற்பு பெற்று பாக்ஸ் ஆபிஸ் பட்டியலில் இடம் பெற்று வருகிறது.

கங்குவா - இயக்குனர் 'சிறுத்தை' சிவா இயக்கத்தில் கே இ ஞானவேல் ராஜா தயாரிப்பில் நடிகர் சூர்யா நாயகனாக நடித்திருக்கும் திரைப்படம். இப்படம் நடிகர் சூர்யாவின் தமிழ் திரைவாழ்வில் இவர் நடிக்கும் 42வது படமாகும். இப்படத்தில் திஷா பதானி, பாபி தியோல், போஸ் வெங்கட் என பலர் முக்கிய கதாபாத்திரத்தில் நடித்துள்ளனர். இப்படம் வரலாற்று திரைக்கதையில் உருவாகி உள்ளது. இப்படம் இந்த ஆண்டு 2024 இரண்டாம் பாதியில் வெளியாகும் என எதிர்பார்க்கப்படுகிறது.

சூர்யா 44 - இயக்குனர் கார்த்திக் சுப்பராஜ் இயக்கத்தில் சூர்யா நாயகனாக நடிக்கும் அதிரடி - திரில்லர் திரைப்படம். இப்படத்தின் நாயகன் சூர்யாவின் '2D என்டர்டைன்மெண்ட்' நிறுவனம் & இப்படத்தின் இயக்குனர் கார்த்திக் சுப்பராஜ்-ன் 'ஸ்டோன் பெஞ்ச்' தயாரிப்பு நிறுவனங்கள் இணைந்து சூர்யா 44 படத்தினை தயாரிக்கிறது. இப்படத்தின் அறிவிப்பை 2024 மார்ச் 28ல் படக்குழு சார்பில் அதிகாரப்பூர்வமாக வெளியிடப்பட்டது.

2016 ஆம் ஆண்டு நடிகர் சூர்யா - சமந்தா - நித்யா மேனன் என பலர் நடித்துள்ள அதிரடி - திரில்லர் திரைப்படம், இப்படத்தினை இயக்குனர் விக்ரம் குமார் இயக்க, ஏ ஆர் ரஹ்மான் இசையமைத்துள்ளார். இப்படத்தின் தயாரிப்பாளர் கே ஈ ஞானவேல் ராஜா தயாரித்து, விநியோகம் செய்துள்ளார். 24 திரைப்படம் நடிகர் சூர்யா திரைப்பயணத்தில் பெரிய அளவில் விளம்பரம் செய்யப்பட்டு வெளியாகி பலர் கவனத்தை கவர தவறியது.

24 படம் விமர்சனம் ரீதியாக கலவையான விமர்சனங்கள் பெற்றாலும், வசூல் ரீதியாக தோல்வி அடைந்துள்ளது. 24 பட தோல்வியின் காரணமாக சூர்யா மீண்டும் தயாரிப்பாளர் கே ஈ ஞானவேல் ராஜா தயாரிப்பில் ஒரு படம் நடிக்க ஒப்பந்தமானார்.

நடிகர் சூர்யாவின் திரைப்பயணத்தில் இவர் நடித்த சூரரைப்போற்று மற்றும் ஜெய் பீம் ஆகிய படங்கள் ரசிகர்கள் மத்தியில் பெரிய அளவில் வரவேற்பினை பெற்று வெற்றி படமாக அமைந்துள்ளது. ஆனால் இந்த இரண்டு படங்கள் நேரடி ஓடிடி படங்களாக அமைந்து வெற்றி பெற்றுள்ளன.

சூர்யாவின் தியேட்டர் ரிலீஸ் படங்களான எதற்கும் துணிந்தவன், காப்பான், N G K, தான சேர்ந்த கூட்டம், 24, பசங்க 2, மாசு என்கிற மாசிலாமணி, அஞ்சான் என பல திரைப்படங்கள் திரையரங்கில் வெளியாகி தோல்வி படமாக அமைந்துள்ளது. இவரின் இந்த தொடர் தோல்வி படங்களால் சூர்யாவின் தியேட்டர் மார்க்கெட் பெரிய அளவில் சரிவை சந்தித்து ஒரு தோல்வி பட நாயகன் என ரசிகர்களால் விமர்சிக்கப்பட்டு வருகிறது.

இவர் கௌரவ வேடத்தில் நடித்த சில படங்களின் கதாபாத்திரங்கள் ரசிகர்கள் மத்தியில் பேசப்படுகின்றன, ஆனால் சூர்யா நாயகனாக நடித்து வரும் பல படங்கள் தோல்வியை சந்திக்கிறது.

தயாரிப்பாளர்  கே ஈ ஞானவேல் ராஜாவின் 'ஸ்டூடியோ கிரீன்' தயாரிப்பு நிறுவனம் மூலம் நடிகர் சூர்யா பல படங்களில் நடித்துள்ளார், அதில் பெரும்பாலான படங்கள் தோல்வியை சந்தித்துள்ளது. இதனால் சூர்யாவின் மார்க்கெட் டவுன் என பல விமர்சனங்கள் எழுந்த நிலையில், சூரரைப்போற்று, ஜெய் பீம் படங்கள் ஓடிடி தளத்தில் வெளியாகி இவரை பல ரசிகர்கள் மத்தியில் மீண்டும் பேசவைத்துள்ளது.

24 படம் போல பல படங்கள் சூர்யா -  கே ஈ ஞானவேல் ராஜா கூட்டணியில் உருவாகியுள்ள நிலையில், ஒரு சில படங்கள் பெரும் நஷ்டத்தை அடைந்துள்ளது. இதனால் சூர்யா நஷ்டத்தை சரி செய்ய  கே ஈ ஞானவேல் ராஜா தயாரிப்பு நிறுவனத்திற்கு ஒரு படம் நடிக்க ஒப்பந்தமானார். கங்குவா படம் கே ஈ ஞானவேல் ராஜா நஷ்டத்தை சரி செய்ய உருவாகிறது என பலர் ஆன்லைன் சினிமா விமர்சகர் வலைப்பேச்சு நிபுணர்கள் கூறியுள்ளனர்.

தற்போது கங்குவா படத்திற்கு சூர்யாவின் சம்பளம் 27 கோடிகளாக உள்ள நிலையில், அடுத்து இவர் நடிக்கும் 'சூர்யா 44' கார்த்திக் சுப்பாராஜ் - சூர்யா கூட்டணியில் உருவாகும் படத்திற்கு நடிகர் சூர்யா சம்பளமாக எதுவும் வாங்கவில்லை, அதற்கு பதிலாக அந்த படத்தில் வரும் லாபத்தில் ஒரு பங்கை சூர்யா பெறுகிறார்.