சிலம்பரசனின் பத்து தல முதல் விஜய்யின் லியோ: 2023ல் தமிழ் சினிமாவின் ரீமேக் திரைப்படங்கள்

இந்த ஆண்டு 2023ல் சிலம்பரசன் மற்றும் கவுதம் கார்த்தி நடிப்பில் தமிழ் சினிமாவில் வெளியான திரைப்படம், பத்து தல. இப்படம் தமிழ் சினிமாவில் வெற்றி படமாக அமைந்துள்ளது. இப்படம் கன்னட சினிமாவில் வெளியான முஃப்டி திரைப்படத்தின் தமிழ் ரீமேக் படமாகும். முஃப்டி படத்தில் சிவ ராஜ்குமார் மற்றும் ஸ்ரீ முரளி முன்னணி கதாபாத்திரத்தில் நடித்துள்ளனர். மேலும் இப்படத்தில் கன்னட படத்தின் கதைச்சாரத்தை மட்டும் எடுத்துக்கொண்டு தமிழ் ரசிகர்களின் ரசனைக்கேற்ப சில மாற்றங்கள் செய்து வெளியிட்டுள்ளனர், பத்து தல படக்குழுவினர்.

இயக்குனர் ஆர் பி பாலா இயக்கத்தில் பரத் மற்றும் வாணி போஜன் முன்னணி கதாபாத்திரத்தில் நடித்திருக்கும் திரைப்படம், லவ். இப்படம் மலையாள சினிமாவில் வெளியான லவ் திரைப்படத்தின் அதிகாரப்பூர்வ தமிழ் ரீமேக் படமாகும். மலையாள சினிமாவில் வெளியான லவ் படத்தின் அதே கதைக்களம் மற்றும் சுவாரஸ்யம் என இப்படத்தினை தயாரித்துள்ளனர், படக்குழுவினர். இப்படம் நடிகர் பரத் திரைவாழ்வில் இவர் நடிக்கும் 50-வது படமாகும்.

தி கிரேட் இந்தியன் கிட்சன் - மலையாள சினிமாவில் வெளியாகி விமர்சன ரீதியாக கொண்டாடப்பட்ட திரைப்படம், இப்படத்தினை தமிழ் சினிமாவில் நடிகை ஐஸ்வர்யா ராஜேஷ் நடிக்க இயக்குனர் ஆர் கண்ணன் ரீமேக் செய்து இயக்கியுள்ளார். தமிழ் & மலையாளம் என இரு மொழியிலும் இப்படம் ஒரே டைட்டிலில் வெளியானது. தமிழ் சினிமாவில் இப்படம் மிக பெரிய தோல்வி படமாக அமைந்துள்ளது.

கொன்றால் பாவம் - இயக்குனர் தயாள் பத்மாநாபன் இயக்கத்தில் வரலக்ஷ்மி சரத்குமார் மற்றும் சந்தோஷ் பிரதாப் இணைந்து இயக்கியிருக்கும் திரைப்படம். இப்படம் கன்னட சினிமாவில் வெளியாகி ஹிட் அடித்த ஆ கரால ராத்ரி என்ற படத்தின் ரீமேக் திரைப்படமாகும்.

ரெய்டு - 2023 தீபாவளி பண்டிகை முன்னிட்டு தமிழ் சினிமாவில் வெளியான அதிரடி திரைப்படம். இப்படத்தில் நடிகர் விக்ரம் பிரபு நாயகனாக நடிக்க பலர் முக்கிய கதாபாத்திரத்தில் நடித்துள்ளனர். இப்படம் கன்னட சினிமாவில் வெளியான தகரு என்ற படத்தின் ரீமேக் திரைப்படமாகும். கன்னட சினிமாவில் மிகப்பெரிய வெற்றியை கண்ட இப்படம், தமிழ் சினிமாவில் தோல்வி படமாக அமைந்துள்ளது.

தக்ஸ் - 2023ல் தமிழ் சினிமாவில் வெளியான இப்படம், 2018ல் மலையாள சினிமாவில் ஸ்வதன்த்ர்யம் ஆர்தரத்ரியல் என்ற தலைப்பில் வெளியாகியுள்ளது. மலையாள படத்தின் ரீமேக் உரிமையை கைப்பற்றி இப்படத்தினை இயக்கியுள்ளனர், படக்குழுவினர்.

2023ல் நடிகர் சந்தானம் நடிப்பில் தமிழ் சினிமாவில் வெளியான கிக் திரைப்படம், கன்னட சினிமாவில் 2016ல் வெளியாகி வெற்றி பெற்ற ஜூம் திரைப்படத்தின் ரீமேக் படைப்பாகும். இப்படம் தமிழ் சினிமாவில் பெரிய அளவில் கொண்டாடப்படவில்லை. பல நகைச்சுவை நடிகர்கள் மற்றும் பல முன்னணி நடிகர்கள் நடித்திருக்கும் இப்படம் பெரிய அளவில் எதிர்பார்க்கப்பட்டது, இருப்பினும் இப்படம் தமிழ் சினிமாவில் தோல்வியை சந்தித்துள்ளது.

யானை முகத்தான் - யோகிபாபு, ரமேஷ் திலக் என பலர் நடித்திருக்கும் திரைப்படம். இப்படம் 2021ல் மலையாள சினிமாவில் வெளியான இன்னு முதல் என்ற படத்தின் ரீமேக் தமிழ் திரைப்படமாகும்.

லியோ - இயக்குனர் லோகேஷ் கனகராஜ் இயக்கத்தில் தளபதி விஜய் நடிப்பில் இந்த ஆண்டு முக்கிய படங்களில் இடம்பெற்ற திரைப்படம். இப்படம் பெரிய அளவில் பல பிளாக்பஸ்டர் சாதனைகளை புரிந்து உலகளவில் புகழ் பெற்றுள்ளது. லியோ திரைப்படம் ஹாலிவுட் சினிமாவில் வெளியான 'ஹிஸ்டரி ஆஃப் வைலென்ஸ்' என்ற ஆங்கில திரைப்படத்தின் ரீமேக் படமாகும். ஆங்கில படத்தின் ரீமேக் உரிமையை கைப்பற்றிய லோகேஷ், இப்படத்தின் கதை சாரத்தை மற்றும் எடுத்துக்கொண்டு தமிழ் ரசிகர்களுக்கு ஏற்றவாறு இப்படத்தினை மாற்றி அமைத்துள்ளார்.