2024 சம்மர் ரிலீஸ் தமிழ் பட வெளியீட்டில் ஏற்பட்ட மாற்றங்கள்... சர்ச்சையில் சிக்கிய ரெட் ஜெயன்ட்

ரத்னம் - இயக்குனர் ஹரி இயக்கத்தில் விஷால் முன்னணி கதாபாத்திரத்தில் நடிக்கும் அதிரடி - திரில்லர் திரைப்படம். இப்படத்தினை தமிழ் திரைப்பட இயக்குனர் மற்றும் தயாரிப்பாளர் கார்த்திக் சுப்பாராஜின் 'ஸ்டோன் பெஞ்ச்' தயாரிப்பு நிறுவனத்தோடு  ஜீ ஸ்டுடியோஸ் நிறுவனம் இணைந்து தயாரிக்கின்றனர்.

அரண்மனை 4 - இயக்குனர் சுந்தர் சி இயக்கத்தில் சுந்தர் சி, தமன்னா, ராஷி கண்ணா என பல பிரபலங்கள் நடித்திருக்கும் திகில் - திரில்லர் திரைப்படம். இத்திரைப்படத்தின் நடிகர் சுந்தர் சி அவரின் மனைவி குஷ்பூ-வுடன் இணைந்து 'அவ்னி சினிமேக்ஸ் தயாரிப்பு நிறுவனத்தின் மூலம் தயாரிக்க, இசையமைப்பாளர் ஹிப்ஹாப் தமிழா குழு இப்படத்திற்கு இசையமைக்கிறது.

ஸ்டார் இயக்குனர் இளன் இயக்கத்தில் நடிகர் கவின் முன்னணி கதாபாத்திரத்தில் நடிக்கும் திரைப்படம். இப்படத்தினை தமிழ் திரைப்பட பிரபல தயாரிப்பு நிறுவனமான ஸ்கீரின் சீன் மீடியா என்டேர்டைன்மெண்ட்" நிறுவனம் தயாரிக்க, இசையமைப்பாளர் யுவன் ஷங்கர் ராஜா இசையமைத்துள்ளார்.

ரத்னம் பட வெளியீட்டை தொடர்ந்து பல சமூக வலைத்தள யூ டியூப் சேனலுக்கு நடிகர் விஷால் பிரத்யேகமாக பேட்டிகள் அளித்து வருகிறார். விஷால் கலந்துரையாடலில் பல திடுக்கிடும் தகவல்கள் வெளியாகி பல பிரபலங்கள் மத்தியில் சர்ச்சை ஆகி வருகிறது. இதனால் பெரிய அளவில் தமிழ் சினிமா நிலவரம் பேசும் பொருளாக மாறி உள்ளது. ரத்னம் படம் திட்டமிட்ட படி 2024 ஏப்ரல் 26ல் திரையரங்கில் வெளியிடப்படும் என உறுதியாக உள்ளார், விஷால்.

அரண்மனை 4 மற்றும் ரத்னம் திரைப்படம் இரண்டும் 2024 ஏப்ரல் 26ல் வெளியிட திட்டமிட்டு வெளியீட்டு பணிகளை தொடங்கி ப்ரோமோஷன் செய்து வந்தது. அதே சமயம் ரத்னம் திரைப்படத்திற்காக விஷால் அளித்துள்ள பிரத்யேக பேட்டியில் தனக்கு போட்டியாக, பல திரையரங்கை கைப்பற்றும் நோக்கத்தில் அரண்மனை 4 படத்தினை தமிழகத்தில் விநியோகம் செய்கின்றனர் என பரபரப்பான பேட்டி மூலம் பலரின் முகக்கவசத்தை கிழித்துள்ளார். வெளிப்படையாக விஷால் பேசி பல சர்ச்சைகள் ஏற்பட்டு அரண்மனை 4 படத்தின் விநியோக உரிமையை கைப்பற்றிய நிறுவனம் அந்த படத்தின் வெளியீட்டு தேதியை மாற்றியுள்ளது.

2024 மே மாத முதல் வாரத்தில் வெளியாக இருந்த கவின் நடித்துள்ள 'ஸ்டார்' திரைப்படம், அரண்மனை 4 திரைப்படம் மே 3ஆம் தேதிக்கு மாற்றியதால் ஸ்டார் படத்தினை மே 10 ஆம் தேதி ரிலீஸ் செய்ய முடிவெடுத்துள்ளனர். பெரிய படங்களின் ஆதிக்கம் காரணமாக சின்ன படங்கள் போதிய திரையரங்கு கிடைக்காமல் வேறு தேதிகளுக்கு மாற்றி வெளியிட முடிவு செய்துள்ளனர்.

விஷால் நடிப்பில் 2023ஆம் ஆண்டு வெளியாகி மாபெரும் வெற்றி பெற்ற 'மார்க் ஆன்டனி' திரைப்படத்தின் வெளியீட்டின் போது, தமிழக அரசியல்வாதி உதயநிதி ஸ்டாலின்-ற்கு சொந்தமான 'ரெட் ஜெயண்ட் மூவிஸ்' நிறுவனத்தின் அதிகாரிகள் இடமிருந்து தன்னை மார்க் ஆன்டனி பட ரிலீஸ் தேதியை மாற்றும் படி பல மிரட்டல்கள் வந்தது. ரெட் ஜெயண்ட் மூவிஸ் தமிழ் சினிமாவில் ஆதிக்கம் செலுத்தி பல படங்களை முடக்குகின்றனர். என வெளிப்படையாக விஷால் பேட்டி அளித்து சர்ச்சை ஏற்படுத்தினார்.

எலெக்ஷன் காரணமாக இது போன்ற செய்திகள் தங்களுக்கு தடையாக மாற வாய்ப்புள்ளது என அறிந்த 'ரெட் ஜெயண்ட் மூவிஸ்' உரிமையாளர்கள் தான் வெளியிட இருக்கும் அரண்மனை 4 படத்தின் ரிலீஸ் தேதியை மாற்றியுள்ளனர். இதனை தொடர்ந்து பல தமிழ் சினிமா விமர்சகர்கள் இந்த கருத்தினை எடுத்து பேசும் பொருளாக மாற்றி சர்ச்சை ஏற்படுத்தினார், இறுதியில் 'ரெட் ஜெயண்ட் மூவிஸ்' பின்வாங்கியதை கண்ட பலர் பாராட்டுகின்றனர்.