72 வயதிலும் வரிசை கட்டி நிற்கும் சாதனைகள்.. ஜெயிலர் பட ரிலீஸ்க்கு முன்பே அலப்பறையை கிளப்பிய ரஜினிகாந்த்

ஜெயிலர் - இயக்குனர் நெல்சன் திலீப்குமார் இயக்கத்தில் சூப்பர்ஸ்டார் ரஜினிகாந்த் முன்னணி கதாபாத்திரத்தில் நடித்திருக்கும் அதிரடி & திரில்லர் திரைப்படம். இப்படத்தினை தமிழ் திரையுலக பிரபல முன்னணி தயாரிப்பு நிறுவனமான 'சன் பிக்சர்ஸ்' தயாரிப்பு நிறுவன சார்பில் தயாரிப்பாளர் கலாநிதி மாறன் தயாரிக்க, இசையமைப்பாளர் அனிருத் ரவிச்சந்தர் ஜெயிலர் படத்திற்கு இசையமைத்துள்ளார்.

அதிரடி ஆக்ஷன் மற்றும் திரில்லர் திரைக்கதையில் உருவாகியுள்ள ஜெயிலர் திரைப்படத்தில் ஒளிப்பதிவாளர் விஜய் கார்த்திக் கண்ணன் ஒளிப்பதிவு செய்ய, படத்தொகுப்பாளர் நிர்மல் ஆர் எடிட்டிங் செய்துள்ளார். இத்திரைப்படத்தில் ரம்யா கிருஷ்ணன், ஷிவ ராஜ்குமார், மோகன்லால், யோகி பாபு, மிர்னா என பல முக்கிய பிரபலங்கள் முன்னணி கதாபாத்திரத்தில் நடித்து கலக்கியுள்ளனர்

ஜெயிலர் திரைப்படம், 2023 ஆகஸ்ட் 10ல் உலகம் முழுவதும் வெளியாகவுள்ள நிலையில், இப்படத்தின் புக்கிங் மற்றும் ஸ்பெஷல் ஷோ என பல இடங்களில் தொடங்கியுள்ளது, படக்குழு. இதில் இதுவரை எந்த திரைப்படங்களும் படைக்காத சாதனைகளை ஜெயிலர் திரைப்படம் படைத்துள்ளது. ரிலீஸிற்கு முன் உலகளவில் ரஜினியின் ரசிகர்கள் இப்படத்தினை பெரிய அளவில் கொண்டாட தொடங்கியுள்ளனர். தற்போது ஜெயிலர் திரைப்படம் படைத்துள்ள சாதனைகளை பற்றி விரிவாக இந்த பட்டியலும் காணலாம், இதோ.

இதுவரை புக் மை ஷோ செயலியில் 700,000 டிக்கெட்களை கைப்பற்றியுள்ளது, ஜெயிலர் திரைப்படம். ஜெயிலர் திரைப்படத்திற்கான டிக்கெட்களை அதிக அளவில் புக்கிங் செய்து வருகின்றனர், ரசிகர்கள். இந்த ஓப்பனிங் தருணத்தை கண்ட ரசிகர்கள் பெரிய அளவில் இந்த படத்தினை கொண்டாடி வருகின்றனர்.

கர்நாடகாவில் எந்த தமிழ் படமும் படைக்காத சாதனையை ஜெயிலர் திரைப்படம் படைத்துள்ளது. சுமார் 1097 காட்சிகள் முதல் நாளில் திரையிடப்படவுள்ளது என ஜெயிலர் படத்தினை கர்நாடகாவில் விநியோகம் செய்யும் ஜெய்யன்னா அறிவித்துள்ளார். சூப்பர் ஹிட் கன்னட திரைப்படமான கே ஜி எஃப் 2 திரைப்படத்தின் சாதனையை ஜெயிலர் திரைப்படம் இதன் மூலம் முறியடித்துள்ளது. இதுவரை ரிலீஸ் முதல் நாளில் அதிக காட்சிகளில் திரையிடப்படும் முதல் திரைப்படமாக ஜெயிலர் திரைப்படம் சாதனை படைத்துள்ளது.

முதல் முதலாக தமிழகத்தில் எந்த திரைப்படமும் படைக்காத சாதனையை ஜெயிலர் திரைப்படம் படைத்துள்ளது. 1000 திரையரங்கிற்கு மேல் ஜெயிலர் திரைப்படம் ரிலீஸ் செய்ய ஒப்பந்தம் செய்யப்பட்டுள்ளது. இதன் மூலம் தமிழகத்தில் இதுவரை இல்லாத அளவில் பெரிய அளவில் இப்படம் தமிழக தியேட்டர்களில் வெளியாகியுள்ளது.

ஜெயிலர் திரைப்படம், ரிலீஸ் ஆகும் முதல் நாள் காட்சிகள் அணைத்தும் இணையதள செயலி மூலம் 100 சதவீத புக் ஆகிவிட்டது என படக்குழு மகிழ்ச்சி. பல வழிகளில் ஜெயிலர் திரைப்படம் பெரிய அளவில் கொண்டாடுகின்றனர், ரசிகர்கள். இப்படத்திற்கு ரசிகர்கள் மத்தியில் எழுந்துள்ள வரவேற்பு இந்திய அளவில் வைரல் ஆகியுள்ளது.

வங்கதேசம் (பங்களாதேஸ்) நாட்டில் வெளியாகும் முதல் தமிழ் திரைப்படம் என்னும் பெருமையை ஜெயிலர் திரைப்படம் பெற்றுள்ளது. பெரும்பாலும் இந்திய படங்களில் ஹிந்தி திரைப்படம் தான், வங்கதேசம் மற்றும் பாகிஸ்தான் நாடுகளில் வெளியாகும். இந்த படங்களுக்கு மத்தியில் முதல் தமிழ் திரைப்படமாக ஜெயிலர் திரைப்படம் வங்கதேசம் நாட்டில் வெளியாவது, தமிழ் திரையுலகிற்கு கிடைத்த பெரும் சாதனை ஆகும்.

ஜெயிலர் திரைப்படம், ரிலீஸிற்கு முன்பே விநியோகம், இசை வெளியீட்டு விழா, ப்ரோமோஷன், ஆன்லைன் புக்கிங் என பல வழிகளில் பட்டைய கிளம்பியுள்ள நிலையில், தற்போதே இப்படத்தினை தயாரித்த சன் பிக்சர்ஸ் நிறுவனத்தின் உரிமையாளர் கலாநிதி மாறனுக்கு பெரிய அளவில் லாபத்தை பெற்று தந்துள்ளது. இப்படத்தின் ஸ்பெஷல் ஷோ கண்ட பல பிரபலங்கள் நிச்சியம் இப்படம் வெற்றி வாகை சூடும் என புகழாரம் சூட்டியுள்ள நிலையில் இப்படம் பெரிய ப்ளாக்பஸ்டர் படமாக பாக்ஸ் ஆபிசில் இடம் பிடிக்கும் என தெரிகிறது.