இங்க நான் தான் கிங்கு முதல் எலக்சன்: இந்த வார ரிலீஸ் படங்களில் வெற்றி பெற்றவர் யார் தெரியுமா?

எலக்சன் - (சேத்து மான்) புகழ் இயக்குனர் தமிழ் இயக்கத்தில் விஜய் குமார் நாயகனாக நடித்திருக்கும் அரசியல் திரைப்படம். இப்படத்தில் ப்ரீத்தி அஞ்சு அஸ்ராணி, ரிச்சா ஜோஷி, ஜார்ஜ் மரியன், பாவெல் நவகீதன் என பல நட்சத்திரங்கள் நடித்துள்ளனர். இப்படத்தினை ரியல் குட் பிலிம்ஸ் நிறுவனம் சார்பில் தயாரிப்பாளர் ஆதித்யா தயாரிக்க, இசையமைப்பாளர் கோவிந்த வசந்த இசையமைத்துள்ளார்.

அரசியல் கதைக்களம் உடைய அதிரடி படமாக உருவாகியுள்ள இப்படத்திற்கு ஒளிப்பதிவாளர் மஹேந்திரன் ஜெயராஜு ஒளிப்பதிவு செய்ய, படத்தொகுப்பாளர் பிரேம் குமார் எடிட்டிங் செய்துள்ளார். ரியல் குட் பிலிம்ஸ் தயாரிப்பு நிறுவனம் தயாரிப்பில் உருவாகியுள்ள இப்படத்தினை சக்தி பிலிம் பேக்டரி நிறுவனம் விநியோகம் செய்துள்ளது.

இங்க நான் தான் கிங்கு - இயக்குனர் ஆனந்த் நாராயண் இயக்கத்தில் சந்தானம், ப்ரியலயா, தம்பி ராமையா என பல தமிழ் சினிமா முன்னணி பிரபலங்கள் நடித்திருக்கும் நகைச்சுவை - குடும்ப திரைப்படம். இப்படத்தினை தயாரிப்பாளர் சுஸ்மிதா அன்புசெழியன் மற்றும் அன்புச்செழியன் தனது 'கோபுரம் பிலிம்ஸ்' தயாரிப்பு நிறுவனம் மூலம் தயாரிக்க, இசையமைப்பாளர் டி இமான் இசையமைத்துள்ளார்.

நகைச்சுவை மற்றும் குடும்ப படமாக உருவாகியுள்ள 'இங்க நான் தான் கிங்கு' திரைப்படத்திற்கு ஒளிப்பதிவாளர் ஓம் நாராயண் ஒளிப்பதிவு செய்ய, படத்தொகுப்பாளர் எம் தியாகராஜன் எடிட்டிங் செய்துள்ளார். இத்திரைப்படத்தின் 'கோபுரம் பிலிம்ஸ்' நிறுவனம் சார்பில் தயாரித்து, உலகமெங்கும் 'கோபுரம் சினிமாஸ்' நிறுவனம் மூலம் விநியோகம் செய்துள்ளனர்.

படிக்காத பக்கங்கள் - இயக்குனர் செல்வம் மதப்பன் இயக்கத்தில் யாஷிகா ஆனந்த், ப்ரஜின், ஜார்ஜ் மரியன் என தமிழ் சினிமா பிரபலங்கள் பலர் நடித்திருக்கும் திரைப்படம். இப்படத்தினை தயாரிப்பாளராக இப்பட இயக்குனர் செல்வம் மதப்பன் மற்றும் முத்து குமார் இணைந்து எஸ் மூவி பார்க் மற்றும் பௌர்ணமி பிக்சர்ஸ் நிறுவனம் மூலம் தயாரிக்க, இசையமைப்பாளர் ஜெஸ்ஸி கிப்ட் இசையமைத்துள்ளார்.

திரில்லர் கதைக்களத்தில் உருவாகியுள்ள இப்படத்திற்கு ஒளிப்பதிவாளர் டாலி ஒளிப்பதிவு செய்ய, படத்தொகுப்பாளர் மூர்த்தி மற்றும் சரண் ஷண்முகம் எடிட்டிங் செய்துள்ளார்.

கன்னி - இயக்குனர் மாயோன் சிவா தொரப்பாடி இயக்கத்தில் அஸ்வினி சந்திரசேகர், மணிமாறன், தார்ரா க்ரிஷ், ராம் பரதன் என பலர் நடித்திருக்கும் திரைப்படம். இப்படத்தினை தயாரிப்பாளர் எம் செல்வராஜ் தயாரிக்க, இசையமைப்பாளர் செபாஸ்டியன் சதீஸ் இசையமைத்துள்ளார்.

இப்படத்திற்கு ஒளிப்பதிவாளர் ராஜ்குமார் ஒளிப்பதிவு செய்ய, படத்தொகுப்பாளர் சாம் ஆர் டி எகேஸ் எடிட்டிங் செய்துள்ளார்.

ரேட்டிங் (2.5/5)

வேலூர் மாவட்ட ஊராட்சி கிராமத்தில் விஜய் குமார் தந்தையான ஜார்ஜ் மரியன் ஒரு அரசியல் கட்சியில் தொண்டராக தனது காலத்தை கழித்து வருகிறார். அந்த கட்சியில் தலைவராக இருக்கும் நபரின் மகன் அடுத்த தலைவராக பொறுப்பேற்கும் நிலையில், அதற்கு எதிராக பல குரல்கள் ஒலிக்கிறது. கட்சியின் மூத்த தொண்டனாக இருக்கும் ஜார்ஜ் மரியன் இந்த முறை தனக்கு சீட்டு ஒதுக்கும் படி தலைவரிடம் கேட்கிறார். அதற்கு பணம் இல்லை போன்ற காரணங்கள் சொல்லி சீட்டு கொடுக்க மறுக்கின்றனர்.

கட்சியில் தொண்டனாக இருக்கும் சில சமூகத்தினரை மதிக்காமல் இருக்கும் காரணத்தால் அந்த கட்சி இரு துருவங்களாக பிரிகிறது. இன்னும் எத்தனை காலம் தான் குடும்ப அரசியல் செய்து வருகின்றனர் என்று தேர்தலில் போட்டியிட முடிவு எடுக்கின்றனர். தலைவர் மகன் மற்றும் ஜார்ஜ் மரியன் மகனான விஜய் குமார் இருவரும் தேர்தல் களத்தில் மோதுகின்றனர். பின் என்ன நடக்கிறது என்பதே எலக்சன் திரைப்படத்தின் கதை.

ரேட்டிங் (3/5)

பெண் கிடைக்காமல் திருமணம் தள்ளி செல்கிறது என வருந்தும் வெற்றி (சந்தானம்), ஒரு மேட்ரிமோனியில் (திருமணத் தகவல் மையம்) வேலை செய்து வருகிறார். சொந்தமாக வீடு இருந்தால் திருமணம் நடைபெறும் என நினைக்கும் அவர், 25 லட்சம் கடன் வாங்கி ஒரு அபார்ட்மெண்ட் வீடு வாங்குகிறார். கடன் வாங்கி தவிக்கும் சந்தானம் திருமணம் மூலம் 25 லட்சம் வரதட்சிணை வாங்கி அந்த கடனை அடைக்கலாம் என பிளான் போடுகிறார்.

எதிர்பாராமல் ஒரு ஜாமீன் குடும்பத்திற்கு மாப்பிள்ளையாக செல்லும் யோகம் பெருகிறார், ஜமீனாக இருக்கும் தம்பி ராமையா மற்றும் அவரது மகன் பாலா சரவணன் இருவரும் கடன்கார ஜமீன்கள் என்ற உண்மை திருமணத்திற்கு பின்பு தான் சந்தானத்திற்கு தெரிய வருகிறது. 

சந்தானம் மனைவியுடன் சென்னையில் குடிபெயரும் நிலையில் இவர்களுடன் தம்பி ராமையா மற்றும் பாலா சரவணன் இருவரும் வீட்டோடு மாமனார், மச்சானாக குடியேறுகிறார்கள். கிராமத்தில் இருந்து நகரத்திற்கு வரும் ஜமீன் குடும்பம் செய்யும் செயலால் சந்தானம் எதிர்பாராமல் பல பிரச்சனைகளில் சிக்குகிறார்.

இந்த குடும்பத்தால் கொலை பழி ஏற்று, தீவிரவாதியாக சித்தரிக்கப்படும் சந்தானம், பல பிரச்சனையில் மாட்டி அதிலிருந்து எப்படி தப்பி வருகிறார் என்பதே இப்படத்தின் நகைச்சுவை கதைக்களம்.

இந்த வாரம் தமிழ் சினிமாவில் எலக்சன், இங்க நான் தான் கிங்கு, படிக்காத பக்கங்கள், கன்னி என 4 படங்கள் திரையரங்கில் வெளியாகியுள்ளது. இதில் படிக்காத பக்கங்கள் மற்றும் கன்னி திரைப்படம் பெரிய அளவில் வரவேற்பு பெற தவறியுள்ளது. சந்தானம் நடித்துள்ள இங்க நான் தான் கிங்கு மற்றும் உறியடி புகழ் விஜய் குமார் நடித்துள்ள 'எலக்சன்' ஆகிய படங்கள் மக்களின் வரவேற்பினை பெற்றுள்ளது.

இந்த வாரம் மக்களின் வரவேற்பை பெற்றுள்ள எலக்சன் & இங்க நான் தான் கிங்கு ஆகிய படங்களில் சந்தானம் நடித்துள்ள 'இங்க நான் தான் கிங்கு' சிறந்த படமாக தேர்வாகி உள்ளது. நகைச்சுவை கலாட்டாவில் குடும்பங்கள் ரசிக்கும் வகையில் உருவாக்கப்பட்டு இப்படம் மக்களின் ஆதரவை பெற்றுள்ளது.

எலக்சன் திரைப்படத்தின் கதை சுவாரசியம் எதுவும் இல்லாமல், கதையை தெளிவாக காட்ட தவறியுள்ளது. இதனால் கதைக்கரு, ரேட்டிங், வரவேற்பு என பல வழிகளில் சந்தானம் நடித்துள்ள 'இங்க நான் தான் கிங்கு' திரைப்படம் இந்த வார ரிலீஸ் படங்களில் பெஸ்ட் மூவி ஆகும்.