லைலா முதல் சினேகா வரை... 'தி கோட்' பட நடிகைகள் லிஸ்ட்

தி கிரேட்ஸ்ட் ஆஃப் ஆல் டைம் (கோட்) - இயக்குனர் வெங்கட் பிரபு இயக்கத்தில் விஜய் நாயகனாக நடித்துள்ள அதிரடி திரில்லர் திரைப்படம். இப்படத்தில் பிரேம்ஜி அமரன், ஜெயராம், பிரபு தேவா, பிரஷாந்த், அஜ்மல் அமீர், யோகி பாபு என பல தமிழ் சினிமா முக்கிய பிரபலங்கள் நடித்துள்ளனர். அதிரடி படமாக உருவாகியுள்ள இப்பம் 2024 செப் 5ல் உலகமெங்கும் வெளியாகிறது. இப்படத்தினை கல்பாத்தி எஸ் அகோரம் தயாரிப்பு நிறுவனம் தயாரிக்க, இசையமைப்பாளர் யுவன் ஷங்கர் ராஜா இசையமைத்துள்ளார்.

தி கிரேட்ஸ்ட் ஆஃப் ஆல் டைம் (கோட்) திரைப்படத்தில் தமிழ் சினிமா நட்சத்திர பட்டாளமே நடித்துள்ளனர். இப்படத்தில் 'டாப் ஸ்டார்' பிரஷாந்த் தியாகராஜன், பிரபு தேவா, அஜ்மல் அமீர், சினேகா, மீனாட்சி சௌத்ரி, பிரேம்ஜி அமரன், மைக் மோகன், வைபவ், யுகேந்திரன், விடிவி கணேஷ், அரவிந்த் ஆகாஷ் என பல நட்சத்திரங்கள் நடித்துள்ளனர். இப்படத்தில் நடிகர் விஜய் 3 கதாபாத்திரத்தில் நடித்துள்ளார், மேலும் இப்படத்தில் நடிகர் விஜயகாந்த்-யை AI தொழில்நுட்ப உதவியோடு நடிக்க வைத்துள்ளனர்.

சினேகா பிரசன்னா - தமிழ் சினிமாவில் புன்னகை அரசி என்று கொண்டாடப்படும் நடிகை ஆவார். இவர் வசீகர போன்ற பல படங்களில் நடிகர் விஜய்க்கு ஜோடியாக நடித்து கலக்கியுள்ளார். பல ஆண்டுகளுக்கு பின் மீண்டும் நடிகர் விஜய்க்கு ஜோடியாக நடித்து பலரின் கவனத்தை கவர்ந்துள்ளார், சினேகா.

மீனாட்சி சௌத்ரி - தமிழ் சினிமாவில் நடிகர் ஆர் ஜே பாலாஜி நடித்த 'சிங்கப்பூர் சலூன்' திரைப்படத்தில் நாயகியாக நடித்து பிரபலமானவர். இப்படத்தினை தொடர்ந்து விஜய் படத்தில் முன்னணி நடிகை கதாபாத்திரத்தில் நடித்துள்ளார். இவர் தெலுங்கு சினிமாவில் பெரிய அளவில் புகழ் பெற்றுள்ள நடிகை ஆவார். தெலுங்கு சினிமா முன்னணி நடிகர்களின் படங்களில் கதாநாயகியாக நடித்து பெரிய அளவில் பிரபலமாகியுள்ளார், மீனாட்சி சௌத்ரி. தி கோட் திரைப்படத்தில் நடிகர் மீனாட்சி சௌத்ரி இளம் வயது விஜய்கு ஜோடியாக நடித்துள்ளார்.

பார்வதி நாயர் - நடிகர் அஜித் குமார் நடித்த 'என்னை அறிந்தால்' திரைப்படத்தில் நடிகர் அருண் விஜய்க்கு ஜோடியாக நடித்தவர். பின்னர் நிமிர், ஆலம்பன என பல தமிழ் திரைப்படங்களில் நாயகியாக நடித்து கலக்கியுள்ளார். சமீப காலமாக இவரது புகைப்படங்கள் சமூக வலைத்தளத்தில் பெரிய அளவில் ரசிகர்கள் மத்தியில் ட்ரெண்டிங் ஆகி வருகிறது.

கோமல் ஷர்மா - இந்திய திரைப்பட நடிகை மற்றும் பிரபல மாடலிங் வடிவழகி ஆவார். இவர் இணையதள செயலியில் பதிவேற்றும் புகைப்படங்கள் ரசிகர்களின் மனதை வென்று பலமுறை ட்ரெண்டிங் ஆகியுள்ளது. இவர் பெரும்பாலும் ஹிந்தி திரைப்படங்களில் நடித்து வருகிறார்.

அஞ்சன கீர்த்தி - தமிழ் சினிமாவில் மாநாடு, ஆர் கே நகர், அழகிய பாண்டிபுரம், ஜம்புலிங்கம், சென்னை 600028 பார்ட் 2 என பல திரைப்படங்களில் முக்கிய கதாபாத்திரத்தில் நடித்து பிரபலமானவர். இவர் இயக்குனர் வெங்கட் பிரபு பட்டறை நட்சத்திரங்களில் ஒருவர் ஆவார். அஞ்சன கீர்த்தி தற்போது தி கோட் திரைப்படத்தில் நடித்துள்ளார்.

மாளவிகா ஷர்மா - பிரபல ஹிந்தி சினிமா நடிகை மற்றும் பிரபல மாடலிங் வடிவழகி ஆவார். இவர் தமிழ் சினிமாவில் இயக்குனர் சுந்தர் சி இயக்கிய 'காபி வித் காதல்' திரைப்படத்தில் நாயகியாக நடித்து தமிழில் அறிமுகமாகியுள்ளார். தற்போது விஜய் நடித்துள்ள 'தி கோட்' திரைப்படத்தில் முக்கிய கதாபாத்திரத்தில் நடித்துள்ளார். இவரது கதாபாத்திரம் தொடர்பாக எந்த தகவலும் இன்னும் அதிகாரபூர்வமாக வெளியாகவில்லை.

லைலா - தமிழ் சினிமாவில் 90 காலகட்டங்களில் பெரிய அளவில் கொண்டாடப்பட்ட நடிகை, இவர் தில், தீனா என பல வெற்றி படங்களில் நடித்து பல ரசிகர்கள் மத்தியில் பிரபலமானவர். நீண்ட இடைவேளைக்கு பின் தற்போது இவர் சர்தார் படத்தின் மூலம் மீண்டும் தமிழ் சினிமாவில் ரீ-என்ட்ரி கொடுத்துள்ளார். லைலா தற்போது விஜய் நடித்துள்ள 'தி கோட்' திரைப்படத்தில் மருத்துவர் கதாபாத்திரத்தில் நடித்துள்ளார்.