Leo OTT: தளபதி விஜய்-ன் 'லியோ' ஓடிடி ரிலீஸிற்கு ரசிகர்கள் அமோக வரவேற்பு

லியோ - இயக்குனர் லோகேஷ் கனகராஜ் இயக்கத்தில் விஜய், திரிஷா கிருஷ்ணன், மன்சூர் அலிகான், அர்ஜுன் என தமிழ் திரைப்பட முன்னணி முக்கிய நட்சத்திரங்கள் பலர் இணைந்து நடித்திருக்கும் அதிரடி - திரில்லர் திரைப்படம். இப்படத்தினை தமிழ் சினிமா முன்னணி தயாரிப்பாளரான லலித் குமார் தனது '7 ஸ்க்ரீன் ஸ்டூடியோ' தயாரிப்பு நிறுவனத்தின் மூலம் தயாரிக்க, இசையமைப்பாளர் அனிருத் ரவிச்சந்தர் இசையமைத்துள்ளார்.

லியோ திரைப்படம் 2023 அக்டோபர் 19ல் பூஜை பண்டிகை ஸ்பெஷல் ரிலீஸ் படமாக வெளியாகிறது, இப்படத்திற்கு தமிழக திரைப்பட தணிக்கை குழு 'யு/ஏ' சான்றிதழ் அளித்துள்ளது. இப்படத்தினை தயாரித்த 7 ஸ்க்ரீன் ஸ்டூடியோ நிறுவனத்தின் தயாரிப்பாளர் லலித் குமார், லியோ படத்தினை தமிழகம் முழுவதும் தானே விநியோகம் செய்துள்ளார்.

இயக்குனர் லோகேஷ் கனகராஜ் இயக்கியுள்ள லியோ திரைப்படம் 2005 ஆம் ஆண்டு வெளியான ஹிஸ்டரி ஆஃப் வைலென்ஸ் என்ற ஆக்ஷன் திரில்லர் ஹாலிவுட் திரைப்படத்தின் சாயல் ஆகும். இந்த ஹாலிவுட் படத்தின் கதை உரிமையை பெற்று விஜய் ரசிகர்களுக்கு ஏற்றவாறு கதையில் சில மாற்றங்கள் செய்து இப்படத்தினை உருவாக்கியுள்ளனர், படக்குழுவினர்.

லியோ திரைப்படம், நடிகர் விஜய் திரைவாழ்வில் இதுவரை எந்த படமும் எட்டாத உயரத்தை வசூல் ரீதியாக சாதனை படைத்திருக்கிறது. முதல் நாள் வசூலாக 148 கோடிகளுடன் தொடங்கிய லியோ, அடுத்தடுத்த பெரிய அளவில் வசூல் சாதனை படைத்திருக்கிறது. இதுவரை தயாரிப்பு நிறுவனம் சார்பில் 560 கோடிகள் வரை லியோ படம் வசூல் செய்துள்ளதாக அதிகாரப்பூர்வ அறிவிப்புகள் வெளியாகியுள்ளன. வசூல் ரீதியாக உலகளவில் இப்படம் இமாலய சாதனை படைத்திருக்கிறது.

வசூலில் பலரின் கவனத்தை கவர்ந்து கொண்டாடப்பட்ட லியோ படம், விமர்சன ரீதியாக சரிவை கண்டுள்ளது. லியோ படம் விமர்சன ரீதியில் தோல்வி படமாக பலரால் கருதப்படுகிறது. இப்படத்தின் திரைக்கதையில் நடந்துள்ள குழப்பங்கள் தான் இதற்கு முக்கிய காரணமாகும்.

லியோ திரைப்படத்தின் டிஜிட்டல் உரிமையை பெரிய தொகைக்கு விநியோகம் செய்துள்ளார், இப்படத்தின் தயாரிப்பாளர் லலித் குமார். லியோ படத்தின் தொலைக்காட்சி உரிமையை சன் டிவி நிறுவனம் கைப்பற்றியுள்ளது. நடிகர் விஜய் சமீப காலமாக நடித்த வாரிசு, பீஸ்ட், மாஸ்டர், பிகில் படங்களை தொடர்ந்து லியோ திரைப்படத்தையும் சன் டிவி நிறுவனம் பெரிய தொகைக்கு கைப்பற்றியுள்ளது.

லியோ திரைப்படத்தின் ஆன்லைன் டிஜிட்டல் ஓடிடி ஸ்ட்ரீமிங் உரிமையை நெட்ப்ளிக்ஸ் நிறுவனம் கைப்பற்றியுள்ளது. 

நெட்ப்ளிக்ஸ் ஓடிடி தளத்தில் நடிகர் விஜய் நடித்துள்ள லியோ படம், நவம்பர் 24, 2023ல் ஸ்ட்ரீமிங் செய்யப்பட்டுள்ளது. லியோ ஓடிடி ரிலீஸ் பற்றிய அதிகாரப்பூர்வ அறிவிப்பு நவம்பர் 20, 2023ல் இப்படத்தின் புதிய டிரைலர் உடன் வெளியாகி ரசிகர்களை மகிழ்வித்தது படக்குழு. லியோ படத்தின் ஓடிடி ரிலீஸிற்கு உலகளவில் பெரும் வரவேற்ப்பு கிடைத்துள்ளது. நெட்ப்ளிக்ஸ் தளத்தில் தற்போது பல கோடி ரசிகர்களால் பார்க்கப்படும் லியோ, நம்பர் 01 இடத்தில் இடம்பெற்று புகழ் பெற்றுள்ளது.