தமிழ் சினிமாவின் ஆஸ்கர் பயணம்; ஆஸ்காருக்கு தேர்வான சிறந்த தமிழ் படங்கள்

1987 இல் வெளிவந்த நாயகன் படம், ஒரு தமிழ் கிரைம் நாடக திரைப்படம்இது தமிழ் சினிமாவில் வெளிவந்த இன்றளவும் யாராலையும் மறக்க முடியாத ஒரு கிளாசிக் திரைப்படம். மணிரத்தினம் இயக்கிய இந்த படத்தில் கமலஹாசன் சரண்யா ஆகியோர் முன்னணி கதாபாத்திரத்தில் நடித்தனர். 1987 ஆம் ஆண்டு 60வது அகாடமி விருதுகளில் சிறந்த வெளிநாட்டு மொழித் திரைப்படத்திற்கான ஆஸ்கார் விருதுக்கு இந்தப் படம் பரிந்துரைக்கப்பட்டது; இருப்பினும், இந்த படம் வெற்றி பெறவில்லை.

1990-ல் வெளிவந்து 90'ஸ் கிட்ஸ் எல்லாருக்கும் ஃபேவரைட் படமாக இருந்தது அஞ்சலி திரைப்படம். இந்தப் படத்தினை மணிரத்தினம் இயக்க இதில் ரகுவரன், ரேவதி, தருண், ஸ்ருதி மற்றும் ஷாமிலி ஆகியோர் முக்கிய வேடங்களில் நடித்துள்ளனர். இந்த படத்திற்கு இளையராஜா இஇசையமைத்துள்ளார். 1991 ஆம் ஆண்டு ஆஸ்கார் விருதுக்கான இந்தியாவின்  சிறந்த வெளிநாட்டு மொழித் திரைப்படத்திற்கான அஞ்சலி தேர்வானது, ஆனால் பரிந்துரைக்கப்படவில்லை. 

1992 ஆம் ஆண்டு வெளிவந்த தேவர் மகன் திரைப்படத்தில் கமலஹாசன் சிவாஜி கணேசன் ரேவதி, கௌதமி, நாசர் ஆகியோர் முக்கிய கதாபாத்திரத்தில் நடித்துள்ளனர். இந்தப் படத்தினை இயக்குனர் பரதன் இயக்கி உள்ளார். இந்த படத்திற்கு இசைஞானி இளையராஜா இசை அமைத்துள்ளார்  இது 65வது ஆஸ்கார் விருதுகளுக்கான சிறந்த வெளிநாட்டு மொழித் திரைப்படத்திற்கான ஆஸ்கார் விருதுக்கு இந்தப் படம் பரிந்துரைக்கப்பட்டது; இருப்பினும், சில காரணத்தினால் இந்த படம் வெற்றி பெறவில்லை.

1995 இல் வெளிவந்த குருதிப்புனல் பிரபல சினிமோட்டோகிராஃபர் பி.சி. ஸ்ரீராம் ஒளிப்பதிவு செய்து, இயக்கிய திரைப்படம் ஆகும். இதில் கமலஹாசன்அர்ஜுன், கௌதமி மற்றும் நாசர் முன்னணி கதாபாத்திரத்தில் நடித்துள்ளனர். இது ஒரு திரில்லர் ஆக்சன் திரைப்படமாக உருவானது. இந்தப் படத்தின் கதையாசிரியர் கமலஹாசன் ஆவார். இது 68வது ஆஸ்கார் விருதுகளுக்கான சிறந்த வெளிநாட்டு மொழித் திரைப்படத்திற்கான ஆஸ்கார் விருதுக்கு இந்தப் படம் பரிந்துரைக்கப்பட்டது; இருப்பினும், சில காரணத்தினால் இந்த படம் வெற்றி பெறவில்லை.

1996-ஆம் ஆண்டு ஷங்கர் இயக்கத்தில் வெளிவந்தது இந்தியன் திரைப்படம். இந்த படம் இன்று அளவும் பலரால் பேசப்படும் திரைப்படமாக இருக்கின்றது. இப்படத்தில் கமல்ஹாசன் இரட்டை வேடங்களில் நடித்துள்ளார், இவர்களுடன் மனிஷா கொய்ராலா, ஊர்மிளா மடோன்கர், சுகன்யா, மனோரமா, கவுண்டமணி, செந்தில்,  நிழல்கள் ரவி மற்றும் அஜய் ரத்னம் என ஒரு நடிகர் கூட்டமே நடித்துள்ளனர். இது 69வது ஆஸ்கார் விருதுகளுக்கான சிறந்த வெளிநாட்டு மொழித் திரைப்படத்திற்கான ஆஸ்கார் விருதுக்கு இந்தப் படம் பரிந்துரைக்கப்பட்டது; இருப்பினும்,  இந்த படம் வெற்றி பெறவில்லை.

2000 ஆம் ஆண்டில் வெளிவந்த ஹே ராம் திரைப்படத்தினை கமலஹாசன் எழுதி இயக்கி மற்றும் ஒரு முன்னணி கதாபாத்திரத்தில் நடித்துள்ளார். கமலுடன், ஷாருக் கான், ராணி முகர்ஜி மற்றும் பலர் நடித்துள்ளனர்.
ஹே ராம் பல பொசிட்டிவ் விமர்சனங்களைப் பெற்றது, ஆனால் பாக்ஸ் ஆபிஸில் வசூல் ரீதியாக தோல்வியடைந்தது. இது இந்திய சர்வதேச திரைப்பட விழாவில் திரையிடப்பட்டது 2000 ஆம் ஆண்டில் ஆஸ்கார் விருதுக்கு தேர்வானது ஆனால் பரிந்துரைக்கப்படவில்லை. இந்த படம் மூன்று தேசிய திரைப்பட விருதுகளைப் பெற்றுள்ளது. 

2016 ஆம் வெளிவந்த படம் விசாரணை, இந்தப் படத்தை வெற்றிமாறன் இயக்கி உள்ளார், இந்தப் படம் எம். சந்திரகுமார் எழுதிய லாக்கப் என்ற நாவலை தழுவி எடுக்கப்பட்ட படம். இதில் அட்டகத்தி தினேஷ், சமுத்திரக்கனி ஆகியோர் முன்னணி கதாபாத்திரத்தில் நடித்தனர். இது 89வது ஆஸ்கார் விருதுகளுக்கான சிறந்த வெளிநாட்டு மொழித் திரைப்படத்திற்கான ஆஸ்கார் விருதுக்கு இந்தப் படம் பரிந்துரைக்கப்பட்டது; இருப்பினும், சில காரணத்தினால் இந்த படம் வெற்றி பெறவில்லை.

2021-ஆம் ஆண்டு தமிழில் வெளியான திரைப்படம் தான் கூழாங்கல். இந்தப் படத்தனை கொட்டுக்காளி திரைப்படத்தை இயக்கிய பி எஸ் வினோத் ராஜ் இயக்கியுள்ளார். கூழாங்கல்லே இவர் இயக்கிய முதல் படமாகும் இந்த படம் விமர்சன ரீதியாக நல்ல வரவேற்பை பெற்றது. படத்தினை விக்னேஷ் சிவன் மற்றும் நயன்தாரா தயாரித்தனர். யுவன் சங்கர் ராஜா இசையமைத்துள்ளார். இது 94வது அகாடமி விருதுகளில் சிறந்த சர்வதேச திரைப்படத்திற்கான இந்தியப் படமாகத் தேர்ந்தெடுக்கப்பட்டது, ஆனால் பரிந்துரைக்கப்படவில்லை. 

2021 ஆம் ஆண்டு வெளியான ஜெய் பீம், இயக்குனர் டி.ஜே நானவேல் இயக்கியுள்ளார். இதில் சூர்யா, லிஜோமோல்ஜோஸ், மணிகண்டன் , ரஜிஷா விஜயன், பிரகாஷ் ராஜ் மற்றும் குரு சோமசுந்தரம், ஆகியோர் முக்கிய கதாபாத்திரத்தில் நடித்துள்ளனர். உண்மை சம்பவத்தை மையமாகக் கொண்டு எடுத்த இந்த படம் விமர்சன ரீதியாக நல்ல வரவேற்பை பெற்றது. 2022 ஆஸ்கார் விருதுகளுக்கான இந்தியாவின் சிறந்த படமாக ஜெய் பீம் இருந்தது, ஆனால் அது பரிந்துரைக்கப்படவில்லை.