காதல் ஜோடியாக தமிழ் பிக்பாஸ் வீட்டில் பிரபலமான போட்டியாளர்கள்

தமிழ் பிக்பாஸ் சீசன் 01 நிகழ்ச்சியில் இருந்து இதுவரை ரசிகர்களால் கொண்டாடப்படுபவர், ஓவியா. தமிழ் பிக்பாஸ் என்றாலே பலருக்கு ஓவியா-தான் கண்முன் தோன்றும் அளவுக்கு பிரபலமானவர், இவர். தமிழ் பிக்பாஸ் சீசன் 01 நிகழ்ச்சியில் ஓவியா - ஆரவ் காதல் கதை ரசிகர்கள் மத்தியில் பெரும் வரவேற்பு பெற்றது. இவர்களின் காதல் கதையில் மருத்துவ முத்தம்  போன்ற பல விஷயங்கள் பிரபலமானது. தமிழ் பிக்பாஸ் நிகழ்ச்சியில் அடுத்தடுத்து பல சீசன் உருவாகினாலும், இன்றும் ரசிகர்கள் கொண்டாடும் முதல் காதல் ஜோடி ஆரவ் - ஓவியா தான். 

கணவன் மனைவியாக வாழ்ந்து, கருத்து வேறுபாடு காரணமாக பிரிந்து வாழ்ந்து வந்துள்ள பாலாஜி - நித்யா தம்பதிகள் தமிழ் பிக்பாஸ் சீசன் 02 நிகழ்ச்சியில் போட்டியாளராக பங்கேற்று பலரை ஆச்சரியப்படுத்தினர். பிரிந்த இவர்களின் காதல் பிக்பாஸ் இல்லத்தில் மீண்டும் ஒன்று சேர்ந்தது. தன் மகளுக்காக இருவரும் சேர்ந்ததாக இந்த தம்பதிகள் கூறினர். இந்த காதல் தம்பதிகளுக்கு பல பிரபலங்கள் & ரசிகர்கள் தங்களின் வாழ்த்துக்களை தெரிவித்து கொண்டாடினார்கள்.

கவின் - லாஸ்லியா தமிழ் பிக்பாஸ் சீசன் 03 நிகழ்ச்சியில் பல ரசிகர்கள் கொண்டாடிய காதல் ஜோடி. கவின் ஒரு நடிகராக தமிழில் பிரபலமானவர். இவருக்கு தொடக்கத்தில் இருந்தே பல ரசிகர்கள் இருந்துள்ளனர். பிக்பாஸ் இல்லத்திற்குள் உருவான கவின் - லாஸ்லியா காதலிற்கு பல மீம்ஸ், ட்ரோல் என சமூக வலைதள பக்கங்களில் பல முறை ரசிகர்கள் ட்ரெண்ட் செய்து இவர்களை பிரபலமாக்கியுள்ளனர்.

கவின் - தமிழ் பிக்பாஸ் சீசன் 03 நிகழ்ச்சியில் போட்டியாளராக பங்கேற்று பல ரசிகர்களை கவர்ந்து பிரபலமானவர். சின்னத்திரையில் நடித்து வந்துள்ள இவர், வெள்ளித்திரையில் அறிமுகமாக இந்த பிக்பாஸ் நிகழ்ச்சி தான் கரணம். கவினுடன் சாக்ஷி அகர்வால் காதலில் விழுந்தார். கவின் - சாக்ஷி காதல் பிக்பாஸ் இல்லத்தில் பிரபலமானது. ஆனால் இந்த காதல் குறைந்த நாளிலே பிரேக்-அப் ஆனது.