தளபதி விஜய் முதல் லாரென்ஸ்: இந்த ஆண்டு 2023ல் அதிக படங்களில் நடித்த முன்னணி தமிழ் நடிகர்கள்

Author Sakthi Harinath | Published: Wednesday, November 29, 2023, 06:09 PM [IST]

தளபதி விஜய் முதல் லாரென்ஸ்: இந்த ஆண்டு 2023ல் அதிக படங்களில் நடித்த முன்னணி தமிழ் நடிகர்கள் பற்றிய விவரங்கள் இந்த பட்டியலில் உள்ளன. தமிழ் சினிமாவில் இந்த ஆண்டு 2023ல் மட்டும் அதிக திரைப்படங்கள் நடித்து வெளியிட்ட முன்னணி நடிகர்களின் படங்கள் மட்டும் இந்த பட்டியலில் உள்ளன. விஜய்யின் லியோ, வாரிசு, ராகவா லாரென்ஸ்-ன் ஜிகர்தண்டா 2, ருத்ரன், சந்திரமுகி 2, உதயநிதி ஸ்டாலினின் மாமன்னன், கண்ணை நம்பாதே என பல நடிகர்களின் திரைப்படங்கள் இங்கு உள்ளன. முழு விவரங்கள் இதோ.

உள்ளடக்கப்பட்டியல்

விஜய் - தமிழ் சினிமாவில் ரசிகர்கள் மத்தியில் 'தளபதி' விஜய் என அழைக்கப்படுபவர். இவர் தமிழ் திரைத்துறையில் முன்னணி முக்கிய நடிகர்களில் தலை சிறந்தவர். இவர் நடிக்கும் திரைப்படங்கள் விமர்சன ரீதியாக சரிவை கண்டாலும், வசூல் ரீதியாக இமாலய சாதனைகளை படைத்து வருகிறது.

இந்த ஆண்டு 2023ல் பொங்கல் பண்டிகை முன்னிட்டு வாரிசு திரைப்படமும், அக்டோபர் 19ல் லியோ படமும் வெளியானது. இந்த படங்கள் தமிழ் சினிமாவில் பல்வேறு விமர்சனத்தில் சிக்கி பிரபலமாகியுள்ளது.

இசையமைப்பாளர், தயாரிப்பாளர், பாடகர் மற்றும் நடிகர் என தமிழ் சினிமாவில் பல கோடி ரசிகர்கள் மத்தியில் கொண்டாடப்படும் பிரபலம், விஜய் ஆன்டனி. இவரது திரைப்படங்கள் ஜனரஞ்சகமாக குடும்ப படைப்பாக வெளியாகி பல ரசிகர்கள் மற்றும் இல்லத்தரசிகள் மத்தியில் கொண்டாடப்படுகிறது. இந்த ஆண்டு விஜய் ஆன்டனி நடிப்பில் கொலை, ரத்தம், பிச்சைக்காரன் 2, தமிழரசன் என நான்கு படங்கள் வெளியாகியுள்ளன.

திரில்லர் கதைக்களத்தில் வெளியான கொலை மற்றும் ரத்தம் திரைப்படங்கள் தமிழ் சினிமாவில் பல இடங்களில் நன்றாக திரையரங்கில் ஓடியுள்ளது. இவர் தானே இயக்கி, தயாரித்து, இசையமைத்து நடித்துள்ள பிச்சைக்காரன் 2 திரைப்படம் தமிழ் சினிமா பாக்ஸ் ஆபிஸ்ல் இடம் பெற்று பெரிய அளவில் சாதனை படைத்துள்ளது. இந்த ஆண்டின் சிறந்த திரைப்பட தரவரிசையில் பிச்சைக்காரன் 2 திரைப்படம் முக்கிய இடத்தை பிடித்துள்ளது.

தமிழ் வெள்ளித்திரையில் நகைச்சுவை நடிகராக தனது திரைப்பயணத்தை தொடங்கி தற்போது நாயகனாக நடித்து வரும் சந்தானம் நடிப்பில் இந்த ஆண்டு மட்டும் 80ஸ் பில்டப், டிடி ரிட்டர்ன்ஸ், கிக் என மூன்று திரைப்படங்கள் வெளியாகி உள்ளன.

கிக் திரைப்படம் தமிழ் சினிமா ரசிகர்கள் மத்தியில் பிரபலமாக தவறியது. 80ஸ் பில்டப் & டிடி ரிட்டர்ன்ஸ் திரைப்படம் இந்த ஆண்டு தமிழக பாக்ஸ் ஆபிஸ்-ல் வெற்றி படமாக இடம் பெற்றுள்ளது. நகைச்சுவை கதைக்களத்தில் வெளியான இந்த இரண்டு படங்களும் பெரிய அளவில் ரசிகர்கள் மத்தியில் கொண்டாடப்பட்டுள்ளது.

தமிழ் சினிமாவில் நடிகர், தயாரிப்பாளர் என பணியாற்றி வரும் திரு. உதயநிதி ஸ்டாலின் நடிப்பில் இந்த ஆண்டு கண்ணை நம்பாதே & மாமன்னன் திரைப்படம் வெளியாகியுள்ளன. கண்ணை நம்பாதே திரைப்படம் திரில்லர் கதையில் உருவாகியுள்ளது. இப்படம் பெரிய அளவில் தமிழ் சினிமாவில் பேசப்படவில்லை. மாமன்னன் திரைப்படம் வெளியாகி தமிழ் சினிமாவில் பலரால் கொண்டாடப்பட்டு பெரிய வெற்றி கண்டுள்ளது. மாமன்னன் படத்தில் நடித்த 'ரத்னவேல்' என்ற வில்லன் கதாபாத்திரம் தமிழ் சினிமாவில் பெரிய அளவில் கொண்டாடப்பட்டுள்ளது.

தமிழ் சினிமாவில் நடிகர், இயக்குனர், நடன கலைஞர் என பல துறைகளில் பணியாற்றி வரும் ராகவா லாரென்ஸ் இந்த ஆண்டு ஜிகர்தண்டா 2, ருத்ரன், சந்திரமுகி 2 என மூன்று படங்களில் நடித்துள்ளார். இவர் நடித்த ருத்ரன் மற்றும் சந்திரமுகி 2 திரைப்படம் தமிழ் சினிமாவில் மிகப்பெரிய தோல்வி படமாக அமைந்துள்ளது. தீபாவளி பண்டிகை முன்னிட்டு வெளியான ஜிகர்தண்டா 2 திரைப்படம் மிக பெரிய வெற்றி படமாக அமைந்துள்ளது. வசூல் - விமர்சனம் என ஜிகர்தண்டா 2 திரைப்படம் தமிழ் ரசிகர்கள் மத்தியில் பெரிய அளவில் கொண்டாடப்பட்டுள்ளது.

தமிழ் சினிமாவில் நகைச்சுவை கதாபாத்திரம் மற்றும் நாயகன் கதாபாத்திரம் என இரு தரப்பில் கலக்கும் நடிகர், யோகி பாபு. இவர் நகைச்சுவை நடிகராக இந்த ஆண்டு வாரிசு, பிச்சைக்காரன் 2, பாட்னர் என பல திரைப்படங்களில் நடித்துள்ளார். இவரது கதாபாத்திரம் இல்லாமல் தற்போது தமிழ் திரைப்படங்கள் உருவாக தயங்குகிறது.

இந்த ஆண்டு இவரது முன்னனி நடிப்பில் யானை முகத்தான், பொம்மை நாயகி, லக்கி மேன், குய்கோ என பல திரைப்படங்கள் வெளியாகியுள்ளன. இந்த திரைப்படங்கள் வசூல் ரீதியாக பெரிய அளவில் பேசப்படவில்லை, எனினும் விமர்சனம் ரீதியாக மிக பெரிய வெற்றியை பெற்றுள்ளது. இந்த ஆண்டின் சிறந்த திரைப்படங்களுக்கான பட்டியலில் யோகி பாபு நாயகனாக நடித்துள்ள பல திரைப்படங்கள் இடம்பெறுவதற்கு அதிக வாய்ப்பு உள்ளன.

ஜெயம் ரவி - தமிழ் சினிமாவில் முக்கிய முன்னணி நடிகர்களில் ஒருவராக பிரபலமானவர், ஜெயம் ரவி. இவர் இந்த ஆண்டு அதிக படங்கள் நடித்துள்ள நடிகராக காணப்படுகிறார். இவரது நடிப்பில் இறைவா, பொன்னியின் செல்வன் 2, அகிலன் என பல திரைப்படங்கள் வெளியாகின. இவரது நடிப்பில் இந்த ஆண்டு வெளியான எந்த திரைப்படமும் தமிழ் பாக்ஸ் ஆபிஸ்ல் இடம் பெற தவறியுள்ளது. ஜெயம் ரவியின் திரைப்பயணத்தில் இந்த ஆண்டு மிகப்பெரிய சரிவு அடைந்துள்ளார்.

தமிழ் சினிமாவில் வளர்ந்து வரும் நடிகராக பலரால் அறியப்படுபவர், விக்ரம் பிரபு. இவர் நடிகர் சிவாஜி கணேசனின் பேரன் ஆவார். இவரது நடிப்பில் இந்த ஆண்டு மட்டும் பொன்னியின் செல்வன் 2, ரெய்டு, இறுகப்பற்று, பாயும் ஒளி நீ எனக்கு என 4 திரைப்படங்கள் வெளியாகியுள்ளன. இவரது நடிப்பில் இந்த ஆண்டு வெளியான படங்களில் இறுகப்பற்று திரைப்படம் மிகப்பெரிய வெற்றி பெற்றுள்ளது.

இறுகப்பற்று திரைப்படம் தவிர்த்து விக்ரம் பிரபு நடிப்பில் வெளியான மற்ற 3 திரைப்படங்களும் விமர்சனம் ரீதியாக சரிவை சந்தித்து தோல்வி அடைந்துள்ளது.

நடிகர் விமல் இந்த ஆண்டு தெய்வமச்சான், குலசாமி & துடிக்கும் கரங்கள் என மூன்று திரைப்படங்கள் வெளியாகியுள்ளன. நகைச்சுவை கதைக்களத்தில் தெய்வமச்சான் திரைப்படம் வெளியாகி பலர் மத்தியில் பிரபலமானது. குலசாமி & துடிக்கும் கரங்கள் திரைப்படம் பெரிய அளவில் ரசிகர்கள் மத்தியில் பிரபலமாகவில்லை.

சித்தார்த் தமிழ் சினிமாவில் பணியாற்றி வரும் நடிகர் ஆவார். இவரது நடிப்பில் இந்த ஆண்டு 2023ல் சித்தா & டக்கர் திரைப்படங்கள் வெளியாகியுள்ளன. இந்த இரண்டு படங்களும் பெரிய அளவில் வசூல் சாதனை படைக்க தவறியது. சித்தா திரைப்படத்தினை நடிகர் சித்தார்த் தானே தயாரித்தும் உள்ளார். விமர்சனம் ரீதியாக சித்தா திரைப்படம் பேசப்பட்டாலும் தமிழக பாக்ஸ் ஆபிஸ் நிலவரத்தில் சித்தா & டக்கர் படம் இடம் பெறவில்லை.