தளபதி 67 படத்தின் மூலம் 14 ஆண்டுகள் கழித்து 5வது முறையாக இணைந்துள்ள விஜய் - திரிஷா ஜோடி

Author Sakthi Harinath | Updated: Monday, February 13, 2023, 03:01 PM [IST]

தமிழ் சினிமாவில் நடிகராக மக்களால் கொண்டாடப்பட்டு பிரபலமானவர், தளபதி விஜய். இவரின் திரைப்படங்கள் தமிழ் மற்றும் இந்திய சினிமாவில் பலரால் கொண்டாடப்படுகிறது. இவர் 'தளபதி 67' திரைப்படத்தில் புதிதாக நடித்து வருகிறார். இப்படத்திற்கு இன்னும் அதிகாரப்பூர்வமாக தலைப்பு வெளியாகவில்லை. இப்படத்தில் விஜய் - திரிஷா ஜோடி 14 ஆண்டுகளுக்கு பிறகு இணைந்து உள்ளது, முழு விவரங்கள் இதோ.

உள்ளடக்கப்பட்டியல்

இயக்குனர் லோகேஷ் கனகராஜ் இயக்கத்தில் விஜய் நடிப்பில் உருவான மாஸ்டர் படத்தின் பிரமாண்ட வெற்றியை தொடர்ந்து, விஜய் - லோகேஷ் கூட்டணியில் உருவாகும் இரண்டாவது திரைப்படம், 'தளபதி 67'. இப்படத்தின் பற்றிய அதிகாரப்பூர்வமான அறிவிப்பு இணையத்தில் 2023 ஜனவரி 30ல் வெளியாகி ரசிகர்களால் கொண்டாடப்பட்டு வருகிறது. இப்படத்திற்கு இசையமைப்பாளர் அனிருத் ரவிச்சந்தர் இசையமைக்க, தயாரிப்பாளர் லலித் குமார் தயாரிக்கிறார்.

மேலும் படிக்க

லோகேஷ் இயக்கத்தில் உருவான கைதி, விக்ரம் படங்கள் ஒன்றுடன் ஒன்று இணைந்து திரைக்கதையில் சுவாரசியம் ஏற்படுத்தியுள்ளது. அதே போல தற்போது லோகேஷ் - விஜய் கூட்டணியில் உருவாகும் 'தளபதி 67' படமும் LCU உருவாகிறது என்றுள்ளார், லோகேஷ்.

'தளபதி 67' படத்தில் இரு நடிகர் பட்டாளமே நடிக்கிறது. அர்ஜுன், மன்சூர் அலிகான், ப்ரியா ஆனந்த் என பலர் நடிக்கும் நிலையில் இப்படத்தில் விஜய்யுடன் இணைந்து திரிஷா நடிக்கிறார். விஜய் - த்ரிஷா கூட்டணியில் கில்லி, திருப்பாச்சி, ஆதி, குருவி படங்கள் உருவாகியுள்ளது. விஜய் - த்ரிஷா கூட்டணியில் உருவாகும் 5வது திரைப்படமாகும், தளபதி 67. 14 ஆண்டுகளுக்கு பிறகு விஜய் - த்ரிஷா கூட்டணி தற்போது அமைந்துள்ளது.

2004ஆம் ஆண்டு தமிழ் சினிமாவில் வெளியாகி மக்கள் மத்தியில் பெரிய அளவில் கொண்டாடப்பட்டு ஹிட் அடித்துள்ள படம், கில்லி. இப்படத்தில் தான் நடிகர் விஜய் - த்ரிஷா ஜோடி முதல் முதலில் தமிழ் சினிமாவில் அரங்கேறியது. பிறகு 2005ஆம் ஆண்டு திருப்பாச்சி படத்தில் இருவரும் இணைந்து நடித்துள்ளனர். கில்லி, திருப்பாச்சி என இரு படங்களும் தமிழ் சினிமாவில் வசூல் & விமர்சனம் என இரு தரப்பிலும் மக்களால் கொண்டாடப்பட்ட படங்கள் ஆகும்.

கோலிவுட் சூப்பர் ஜோடியான விஜய் - த்ரிஷா கில்லி, திருப்பாச்சி படங்களின் வெற்றியை தொடர்ந்து பெரிய அளவில் புகழ் பெற்றனர். ஆனால் அடுத்ததாக இவர்கள் நடித்த குருவி, ஆதி படங்கள் விமர்சனம் & வசூல் என ஒரு தரப்பிலும் தோல்வியை சந்தித்துள்ளது. இந்த இரு படங்கள் தோல்வியை சந்தித்தாலும் தமிழ் திரை ரசிகர்களால் விஜய் - த்ரிஷா ஜோடி இன்றும் கொண்டாடப்படுகிறது. 14 வருடங்கள் கழித்தும் திரை ரசிகர்கள் எதிர்பார்ப்பில் ட்ரெண்டிங் ஆகி வருகிறது, இந்த ஜோடியின் மேஜிக்.