2023ல் மாவீரன், அயலான் என சிவகார்த்திகேயன் நடிக்கும் புதிய படங்களின் முழு லிஸ்ட்

மாவீரன் - நடிகர் சிவகார்திகேயன், அதிதி ஷங்கர், மிஸ்க்கின், சுனில் என பல பிரபலங்கள் நடித்திருக்கும் அதிரடி திரில்லர் திரைப்படம். இப்படத்தினை மண்டேலா படத்தினை இயக்கி புகழ் பெற்ற இயக்குனர் மடோன் அஷ்வின் இயக்குகிறார். அதிரடி - திரில்லர் திரைக்கதையில் உருவாகியுள்ள இப்படம், 2023 ஆகஸ்ட் 11ல் திரையரங்கில் வெளியாகிறது. இப்படத்தின் அறிவிப்புகள் இணையதளங்களில் வெளியாகி செம வைரல் ஆகி வருகிறது. விருமன் திரைப்படத்தினை தொடர்ந்து நடிகை அதிதி ஷங்கர் இப்படத்தில் நாயகியாக நடித்து வருகிறார்.

அயலான் - 'நேற்று இன்று நாளை' படத்தினை இயக்கி தமிழ் சினிமாவில் ஒரு முக்கிய இயக்குனராக பிரபலமானவர், இயக்குனர் ரவிக்குமார். சிவகார்த்திகேயன், ரகுல் ப்ரீத் சிங், கருணாகரன் என பலர் நடிப்பில் அறிவியல் புனைவு திரைக்கதையில் உருவாகும் திரைப்படம், அயலான், இப்படத்தினை இயக்குனர் ரவிக்குமார் இயக்குகிறார். இப்படம் 2023 தீபாவளி பண்டிகைக்கு திரைக்கு வெளியாகிறது.

எஸ் கே 21 - இயக்குனர் ராஜ்குமார் பெரியசாமி இயக்கத்தில் சிவகார்த்திகேயன் நாயகனாக நடிக்கும் திரைப்படம். இப்படத்தின் இயக்குனர் ராஜ்குமார் பெரியசாமி 'ரங்கூன்' திரைப்படத்தினை இயக்கி தமிழ் சினிமாவில் அறிமுகமானவர். இத்திரைப்படத்தினை 'உலகநாயகன்' கமல்ஹாசன் தனது 'ராஜ்கமல் பிலிம்ஸ்' தயாரிப்பு நிறுவனத்தின் மூலம் தயாரிக்கிறார்.

எஸ் கே 22 - மங்காத்தா, பிரியாணி, சென்னை 600028 போன்ற பல வெற்றி திரைப்படங்களை இயக்கிய இயக்குனர் வெங்கட் பிரபு இயக்கத்தில் சிவகார்த்திகேயன் நாயகனாக நடிக்கிறார். இப்படத்தின் படப்பிடிப்பு இந்த வருடம் இறுதியில் தொடங்கப்பட்டு இப்படம், 2024ல் வெளியாக உள்ளது.

எஸ் கே 23 - இயக்குனர் ஏ ஆர் முருகதாஸ் இயக்கத்தில் சிவகார்த்திகேயன் நாயகனாக நடிக்கும் திரைப்படம். இப்படம் பற்றிய அறிவிப்புகள் இணையத்தில் வெளியாகி ரசிகர்கள் மத்தியில் ட்ரெண்டிங் ஆகி உள்ளது. படக்குழு சார்பில் இப்படத்தின் அறிவிப்புகள் விரைவில் வெளியாகும் என எதிர்பார்க்கப்படுகிறது. இத்திரைப்படம் 2024 இறுதியில் வெளியிட திட்டமீட்டுள்ளனர், படக்குழுவினர்.