லியோ படப்பிடிப்பில் இயக்குனரால் அப்செட்டான விஜய், என்ன செய்தார் லோகேஷ்?

2016 ஆம் ஆண்டு அவியல், 2017 ஆம் ஆண்டு மாநகரம் படத்தினை இயக்கி தமிழ் சினிமாவில் அறிமுகமாகி, தனக்கென ஒரு அடையாளத்தினை பெற்ற இயக்குனர் ஆவார், லோகேஷ் கனகராஜ். இக்கால இளைஞர்களின் ரசனைக்கேற்ப திரைக்கதையில் பல சுவாரஸ்யங்களை உள்ளடங்கிய கதையில் இயக்கி திரைத்துறையில் முன்னணி இயக்குனர்களில் ஒருவராக பணியாற்றுகிறார். இவர் தற்போது விஜய்யின் 'லியோ' படத்தினை இயக்கி வருகிறார்.

தமிழ் சினிமாவில் முன்னணி நடிகர், பாடகர் என திரைத்துறையில் பணியாற்றி வரும் பிரபலம் ஆவார், விஜய். இவருக்கு திரையுலகில் 'தளபதி' என்னும் புனைப்பெயரும் உண்டு. பல வெற்றி படங்களின் மூலம் பல கோடி ரசிகர்களால் கொண்டாடப்படும் விஜய் தற்போது 'லியோ' படத்தில் நடித்து வருகிறார். இப்படத்தின் படப்பிடிப்பு காஸ்மீரில் நடந்து வருகிறது.

இயக்குனர் லோகேஷ் கனகராஜ் கைதி, விக்ரம், மாஸ்டர் என சூப்பர் ஹிட் படங்கள் மூலம் தமிழ் சினிமாவில் புகழ் பெற்றுள்ளார். இவரின் படங்களுக்கு பெரிய அளவில் ரசிகர்கள் உள்ளனர். 2022ல் நடிகர் கமல் ஹாசன் நடித்த விக்ரம் படம் தமிழ் சினிமாவில் பெரிய அளவில் ஹிட் அடித்தது. இப்படத்தின் வெற்றிக்கு லோகேஷின் திரைக்கதை தான் காரணம் என கமல் பல இடங்களில் இயக்குனருக்கு புகழாரம் சூட்டியுள்ளார். இவரது இயக்கத்தில் உருவான கைதி, விக்ரம் படங்களின் வெற்றியை தொடர்ந்து அடுத்தடுத்த பாகங்கள் உருவாகவுள்ளது என அதிகாரப்பூர்வ அறிவிப்பு வெளியாகியுள்ளது.

விமர்சன ரீதியாக 'தளபதி' விஜய் நடித்துள்ள திரைப்படங்கள் சற்று பின்னடைவு அடைந்துள்ளது. நடிகர் விஜய் நடிப்பில் சமீபத்தில் வெளியான வாரிசு, பீஸ்ட் படங்கள் பெரிய அளவில் ரசிகர்களை கவரவில்லை. தமிழக திரைப்பட பாக்ஸ் ஆபிஸ் பட்டியலில் பின்தங்கி உள்ளது. இப்படங்கள் 100 கோடிகளுக்கு மேல் வசூல் அள்ளினாலும் விமர்சன ரீதியாக தோல்வி திரைப்படங்கள் தான். தொடர்ந்து இத்தகைய திரைப்படங்களில் நடித்து வரும் விஜய் ரசிகர்களின் எதிர்பார்ப்பை பூர்த்தி செய்ய தவறியுள்ளார். 

LCU என்னும் 'லோகேஷ் சினிமாட்டிக் யூனிவெர்ஸ்' என்ற தலைப்பின் கீழ் இயக்குனர் லோகேஷ் கனகராஜ் இயக்கும் ஒவ்வொரு திரைப்படங்களும் திரைக்கதை ரீதியாக பிணைப்புகள் கொண்டுள்ளது. ஒரு படத்திற்கும் மற்றொரு படத்திற்கு உள்ள கதாபாத்திரங்கள் மற்றும் திரைக்கதையில் தொடர்ச்சி சம்பவங்கள் என பல விஷயங்களை உள்ளடக்கி ஹாலிவுட் பட தரத்திற்கு தமிழ் சினிமாவை உயர்த்துகிறார், இயக்குனர் லோகேஷ் கனகராஜ்.

லியோ படத்தின் வியாபாரங்கள் பெரிய அளவில் விற்கப்பட்டு வருகிறது. விஜய்யின் முந்திய படங்கள் சரியாக ஓடவில்லை, இருப்பினும் லியோ படத்திற்கு வியாபாரம் சூடு பிடிக்கிறது. லியோ படத்தினை வாங்க விருப்பம் கொண்டுள்ள விநியோகஸ்தரர்கள் விஜய் படம் என்று பாராமல், லோகேஷ் படம் என ஆர்வம் காட்டுகின்றனர். LCU திரைப்படத்திற்கு ரசிகர்கள் பெரிய அளவில் எதிர்பார்க்கின்றனர் என தயாரிப்பாளர்கள் கூற இதனால் படப்பிடிப்பில் விஜய் அப்செட் ஆகியுள்ளாராம்.

நடிகர் விஜய் நாயகனாக நடிக்கும் திரைப்படங்களில் அவரே முக்கிய பிரபலமாக இருந்து வருகிறார். ஆனால் திரை ரசிகர்கள் உள்பட விஜய்யின் ரசிகர்களும் லியோ படத்தினை லோகேஷ் படமாக பார்த்து வருகின்றனர். இதனால் சற்று அப்செட் ஆகியுள்ளார் விஜய். குறைந்த காலத்தில் இப்படி ஒரு பிரமாண்ட வளர்ச்சி அடைந்து முக்கிய நட்சத்திரமாக உயர்ந்துள்ளார், லோகேஷ் கனகராஜ். இவரின் வளர்ச்சியை கண்ட பல பிரபலங்கள் மற்றும் ரசிகர்கள் இவரை வாழ்த்தி வருகின்றனர்.