கடந்த 5 ஆண்டுகளில் தமிழ் சினிமாவின் பொங்கல் வின்னர்ஸ் படங்கள்

Author Sakthi Harinath | Updated: Monday, February 13, 2023, 03:01 PM [IST]

தமிழ் திரையுலக முன்னணி நடிகர்களின் படங்கள் தமிழ் சினிமாவில் ஒவ்வொரு பண்டிகைகளுக்கும் வெளியாகி ரசிகர்கள் மத்தியில் கொண்டாடப்பட்டு வருகிறது. தமிழகத்தில் பண்டிகை நாட்களில் சினிமாவும் ஒரு அங்கமாக தற்போது மாறியுள்ளது. இந்த பட்டியலில் கடந்த 5 ஆண்டுகளில் 2019 முதல் 2023 ஆம் ஆண்டு வரை பொங்கல் பண்டிகைக்கு வெளியாகி ரசிகர்களால் கொண்டாடப்பட்டு வெற்றி பெற்றுள்ள படங்களான "பொங்கல் வின்னர்ஸ்" படங்களின் லிஸ்ட் இங்கு உள்ளது. முழு விவரங்கள் இதோ.

உள்ளடக்கப்பட்டியல்

2019ஆம் ஆண்டு பொங்கல் பண்டிகை முன்னிட்டு தமிழ் சினிமாவில் 'சூப்பர் ஸ்டார்' ரஜினியின் பேட்ட திரைப்படமும், அஜித்குமாரின் 'விஸ்வாசம்' திரைப்படமும் ஒன்றாக வெளியானது. இந்த இரண்டு படங்களும் பெரிய அளவில் மக்களின் ஆதரவை பெற்று புகழ் பெற்ற படங்களாகும். இரு திரைப்படங்களும் பாக்ஸ் ஆபிஸ் படங்களாக வெற்றி பெற்றுள்ளது. பேட்ட & விஸ்வாசம் இரு படங்களை ஒப்பிட்டு பார்த்தால் விஸ்வாசம் திரைப்படம் விமர்சன ரீதியாக பலரின் கவனத்தை கவர்ந்து வெற்றி பெற்றுள்ளது.

மேலும் படிக்க

2020ஆம் ஆண்டு ரஜினியின் 'தர்பார்' திரைப்படமும், தனுஷ் நடித்த 'பட்டாஸ்' படமும் வெளியாகியுள்ளது. இந்த ரிலீஸில் இந்த இரு படங்களுக்கு இடையே நடந்த போட்டியில் ரஜினியின் நடித்த தர்பார் படம் வெற்றி பெற்றுள்ளது. தர்பார் படத்தினை இயக்குனர் ஏ ஆர் முருகதாஸ் இயக்கியுள்ளார்.

மேலும் படிக்க

2021 ஆண்டு பொங்கல் பண்டிகை முன்னிட்டு நடிகர் விஜய்யின் மாஸ்டர் திரைப்படமும் சிலம்பரசனின் ஈஸ்வரன் திரைப்படமும் வெளியானது. பின் ஜெயம் ரவியின் பூமி மற்றும் விக்ரம் பிரபுவின் புலிக்குத்தி பாண்டி படங்கள் ஓடிடியில் வெளியாகின. இதில் நடிகர் விஜய்யின் மாஸ்டர் திரைப்படம் பெரிய அளவில் ரசிகர்களால் கொண்டாடப்பட்டு ப்ளாக்பஸ்டர் படமாக வெற்றி பெற்றுள்ளது. விமர்சம் & வசூல் ரீதியாக மாஸ்டர் வெற்றி பெற்ற நிலையில், மாஸ்டர் உடன் போட்டியிட்ட ஈஸ்வரன், புலிக்குத்தி பாண்டி & பூமி படம் மோசமான விமர்சனத்தில் தோல்வியடைந்துள்ளது.

மேலும் படிக்க

2022ஆம் ஆண்டு தமிழ் சினிமாவில் முன்னணி நடிகர்களின் படங்கள் வெளியாகததால் சிறு பட்ஜெட் படங்கள் தலை தூக்கியது. கொம்பு வச்ச சிங்கம்டா, என்ன சொல்ல போகிறாய், தேள், கார்பன், நாய் சேகர் என 5 திரைப்படங்கள் தமிழில் வெளியாகின. இந்த 5 படங்களில் எந்த படமும் பெரிய அளவில் ரசிகர்களின் கவனத்தை கவரவில்லை. விமர்சனம் & வசூல் என இரு தரப்பிலும் இந்த 5 படங்கள் தோல்வியை சந்தித்துள்ளது.

மேலும் படிக்க

2023ஆம் ஆண்டு தமிழ் சினிமா முன்னணி முக்கிய நடிகர்களான அஜித்குமாரின் துணிவு மற்றும் விஜய்யின் வாரிசு திரைப்படம் வெளியானது. இந்த பொங்கல் பண்டிகை தமிழ் திரை ரசிகர்களுக்கு பெரிய அளவில் எதிர்பார்ப்பை அளித்து திருப்தி படுத்தியுள்ளது. இந்த இரண்டு படங்களும் இந்திய சினிமா பாக்ஸ் ஆபிஸில் பெரிய அளவில் வெற்றி கண்டுள்ள படங்கள் ஆகும். விமர்சனம் ரீதியாக வாரிசு படத்தினை விட துணிவு திரைப்படம் மக்கள் மத்தியில் பிரபலமாக பேசப்பட்டது.

மேலும் படிக்க