Weapon OTT: ஆஹா ஓடிடியில் வெளியானது 'வெப்பன்' சூப்பர் ஹீரோ தமிழ் திரைப்படம்

வெப்பன் இயக்குனர் குகன் சென்னியப்பன் இயக்கத்தில் சத்யராஜ் மற்றும் வசந்த் ரவி முன்னணி கதாபாத்திரத்தில் நடித்திருக்கும் அதிரடி - திரில்லர் திரைப்படம். இத்திரைப்படத்தினை தயாரிப்பாளர் எம் எஸ் மன்சூர் தனது 'மில்லியன் ஸ்டூடியோ' நிறுவனத்தின் மூலம் தயாரிக்க, இசையமைப்பாளர் ஜிப்ரான் இசையமைத்துள்ளார்.

அதிரடி - திரில்லர் திரைக்கதையில் ஒரு சுவாரஸ்யமான படமாக உருவாகியுள்ள 'வெப்பன்' திரைப்படத்திற்கு ஒளிப்பதிவாளர் பிரபு ராகவ் ஒளிப்பதிவு செய்ய, படத்தொகுப்பாளர் கோபி கிருஷ்ணன் எடிட்டிங் செய்துள்ளார்.

இப்படத்தில் முன்னணி கதாபாத்திரத்தில் சத்யராஜ் மற்றும் வசந்த் ரவி நடிக்க, இவர்களுடன் இணைந்து தன்யா  ஹோப், ராஜீவ் மேனன், ராஜீவ் பிள்ளை, மாயா கிருஷ்ணன், யாஷிகா ஆனந்த், மைம் கோபி என பலர் நடித்துள்ளனர். 2024 ஜூன் 7ல் உலகமெங்கும் திரையரங்கில் வெளியாகியுள்ள வெப்பன்  திரைப்படத்திற்கு தமிழக திரைப்பட தணிக்கை குழு 'யு/ஏ' சான்றிதழ் அளித்துள்ளது.

யூடியூபரும், இயற்கை ஆர்வலருமான வசந்த் ரவி, ஒரு அரிய நிகழ்வை சேகரிக்க தேனிக்கு செல்கிறார். பிளாக் சொசைட்டி இயக்கத்தை வழிநடத்தும் வில்லன் ராஜீவ் மேனனும் தேனிக்கு செல்கிறார். ராஜிவ் மேனன் தனது ஆட்கள் மூலம் தேனியில் ஒரு சூப்பர் ஹியூமன் (சூப்பர் பவர்) பலம் பொருந்திய ஒருவர் இருப்பதாக தகவல்கள் சேகரித்து செல்கிறார்.

சூப்பர் ஹியூமன் (சூப்பர் பவர்) பலம் உடைய சத்யராஜ், மனிதாபிமானமற்ற மனிதனாக வாழ்ந்து வருகிறார். சத்யராஜ் ஒரு அறிவியல் சோதனையில் சிக்கிய காரணத்தால் அவருக்கு இந்த சூப்பர் பவர் கிடைத்துள்ளது. அது என்ன?

வசந்த் ரவிக்கும் சத்யராஜுக்கும் உள்ள தொடர்பு என்ன? என்பதே இப்படத்தின் கதை. க்ளைமாக்ஸில் சத்யராஜின் தலைவிதியை தீர்மானிக்கும் குறிப்பிடத்தக்க நிகழ்வுகள் உள்ளன.

வெப்பன் திரைப்படம் வெளியாகி பெரிய அளவில் தமிழ் சினிமா விமர்சகர்கள் மத்தியில் பேசப்பட்டது. வசூல் ரீதியாக இப்படம் சரிவை கண்டுள்ள நிலையில் விமர்சன ரீதியில் வெற்றி கண்டுள்ளது, வெப்பன். சத்யராஜ், வசந்த் ரவி என பலர் நடித்துள்ள இப்படம் இந்த ஆண்டு ஆவெரேஜ் படமாக அமைந்துள்ளது. இப்படத்திற்கு 2.5/5 ரேட்டிங் அளிக்கப்பட்டுள்ளது.

ஹாலிவுட் சினிமாவில் பல சூப்பர் ஹீரோ படங்கள் வெளியாகி ரசிகர்கள் மத்தியில் பிரபலமான நிலையில்,  தமிழ் சினிமாவில் இருந்து வெப்பன் திரைப்படம் வெளியாகி புதிய அனுபவத்தை கொடுத்துள்ளது. ஒரு ஆராய்ச்சி முடிவில் சூப்பர் பவர் பெரும் சத்யராஜ் அங்கிருந்து தப்பித்து மறைவாக வாழ்ந்து வருகிறார். சூப்பர் ஹீரோவாக சத்யராஜ் இப்படத்தில் நடித்து கலக்கியுள்ளார். சூப்பர் ஹீரோ ரசிகர்கள் மத்தியில் இப்படம் பெரிய அளவில் ரசிக்கப்பட்டது.

2024 ஆம் ஆண்டு ஜூன் மாதம் வெளியான இப்படம் தற்போது 2024 ஜூலை 26ல் ஆஹா தமிழ் ஓடிடி தளத்தில் ஸ்ட்ரீமிங் ஆகியுள்ளது. திரையரங்கில் பெரிய அளவில் பிரபலமாகாத இப்படம், தற்போது ஓடிடி தளத்தில் வெளியாகி பலரின் கவனத்தை கவர்ந்துள்ளது.