சார்லி சாப்ளின் 2 (2019)(U)

Release date 25 Jan 2019

genre

Comedy

சார்லி சாப்ளின் 2 கதை

சார்லி சாப்ளின் 2 இயக்குனர் சக்தி சிதம்பரம் இயக்கத்தில் பிரபுதேவா, நீக்கி கல்ராணி, பிரபு மற்றும் பலர் நடித்துள்ள நகைச்சுவை திரைப்படம். இப்படத்தினை தயாரிப்பாளர் டி சிவா தயாரிக்க இசையமைப்பாளர் அம்ரேஷ் கணேஷ் இசையமைத்துள்ளார்.

கதை :

திரு (பிரபு தேவா) ஒரு திருமண உறவை உருவாக்கும் மேட்ரிமோனி நிறுவனத்தை நடத்துகிறார். அதன் மூலம் 99 ஜோடிகளுக்கு தன் நண்பர்களான அரவிந்த் ஆகாஷ் மற்றும் சந்தனா ராஜுடன் இணைந்து திருமணம் செய்வித்துள்ளார். பிறகு, பிரபு தேவாவின் பெற்றோர் அவருக்கு திருமணம் செய்துவைக்க முயற்சிக்கின்றனர். அதே சமயத்தில் ராமகிருஷ்ணனின் (பிரபு) மகளான சாரா (நிக்கி கல்ராணி)-யை கண்டவுடன் காதலில் விழ, இது சாராவுக்கும் தெரிய வர அவரும் ஒப்புக்கொள்கிறார். இவர்களின் திருமணத்திற்கு ஏற்பாடும் நடக்கிறது.

மறுபுறம் திருவின் நண்பரான ராஜா (விவேக்), சாராவின் நடத்தை பற்றி ஆதாரத்துடன் திருவிடம் நிரூபிக்க, ஏமாற்றத்துடன் இருந்த திரு, சாராவிடம் திருமணத்தை நிறுத்துமாறு கேட்டுக்கொள்கிறார். இதே வேளையில் மற்றொரு பெண் சாரா (அடா சர்மா) திருவின் வாழ்க்கையில் நுழைகிறார். இவரை திரு திருமணம் செய்துகொள்வாரா? இல்லை நிக்கிகல்ராணியை திருமணம் செய்துகொள்வாரா? இறுதியில் திருவின் திருமணம் நடந்ததா ? இல்லையா ? என்பதே நகைச்சுவை மற்றும் விறுவிறுப்பான மீதிக்கதை.

**Note:Hey! Would you like to share the story of the movie சார்லி சாப்ளின் 2 with us? Please send it to us ([email protected]).