தீபாவளிக்கு அஜித், விஜய் போன்ற முன்னணி நடிகர் படங்களோடு மோதிய கார்த்தி-யின் படங்கள்...

2013 ஆம் ஆண்டு நடிகர் கார்த்தி - காஜல் அகர்வால் - சந்தானம் நடிப்பில் வெளியான நகைச்சுவை திரைப்படம். இப்படத்தினை இயக்குனர் எம் ராஜேஷ் இயக்கியுள்ளார். 2013 ஆம் ஆண்டு தீபாவளி பண்டிகை முன்னிட்டு இப்படம் வெளியானது. 

தமிழ் சினிமா முன்னணி முக்கிய நடிகரான அஜித் குமார் நடிப்பில் வெளியான ஆரம்பம் படத்தோடு ஆல் இன் ஆல் அழகு ராஜா திரைப்படம் வெளியானது. 2013 ஆம் ஆண்டில் அஜித் குமாரின் ஆரம்பம் - விஷாலின் பாண்டிய நாடு மற்றும் கார்த்தியின் ஆல் இன் ஆல் அழகு ராஜா திரைப்படம் கிளாஷ்  படங்களாக தமிழ் சினிமாவில் வெளியானது.

இந்த போட்டியில் அஜித் குமாரின் ஆரம்பம் திரைப்படம் வெற்றிபெற்றது. விஷால் நடித்த பாண்டிய நாடு படம் மக்கள் மத்தியில் நல்ல வரவேற்பு பெற்ற நிலையில், கார்த்தியின் ஆல் இன் ஆல் அழகு ராஜா திரைப்படம் 2013 ஆம் ஆண்டு தீபாவளி கிளாஷ்-ல் தோல்வி அடைந்துள்ளது.

2016 ஆம் ஆண்டு தீபாவளி பண்டிகைக்கு நடிகர் கார்த்தி நடித்த காஷ்மோரா திரைப்படமும், தனுஷின் கொடி படமும் ஒன்றாக வெளியானது. 2016ல் தீபாவளி கிளாஷ் படங்களாக வெளியான இந்த இரண்டு படங்களில் கோடி படம் வெற்றி பெற்றுள்ளது.

கார்த்தி நடித்த காஷ்மோரா படத்தினை இயக்குனர் கோகுல் இயக்க நயன்தாரா, ஸ்ரீ திவ்யா, விவேக் என பல நட்சத்திரங்கள் நடித்திருக்கும் நகைச்சுவை - திகில் படமாக தமிழ் சினிமாவில் வெளியானது, காஷ்மோரா. சரியான திரைக்கதை வடிவமைப்பு இல்லை என பல விமர்சனங்கள் இப்படத்திற்கு எழுந்த நிலையில் விமர்சனம் & வசூல் என இப்படம் ரசிகர்களின் கவனத்தை கவர தவறியுள்ளது.

கைதி - இயக்குனர் லோகேஷ் கனகராஜ் இயக்கத்தில் கார்த்தி, நரேன், ரமணா, அர்ஜுன் தாஸ் என நடிகர் பட்டாளமே நடித்திருக்கும் திரில்லர் திரைப்படம். இப்படத்தினை ட்ரீம் வாரியார் பிக்சர்ஸ் நிறுவனத்தின் அதிபர் திரு. எஸ் ஆர் பிரபு இப்படத்தினை தயாரித்துள்ளார். 

2019 ஆம் ஆண்டு தீபாவளி ரிலீஸ் படங்களாக கார்த்தியின் கைதி மற்றும் தளபதி விஜய் - அட்லீ கூட்டணியில் பிகில் படம் வெளியானது. இந்த இரண்டு படங்களும் பெரிய அளவில் ரசிகர்களால் கொண்டாடப்பட்டு வெற்றி படங்களாக அவதரித்துள்ளது.

விமர்சனம் & வசூல் என கைதி & பிகில் திரைப்படம், தமிழ் சினிமா பாக்ஸ் ஆபிஸில் வெற்றி படங்களாக பிரபலமான நிலையில், கைதி படம் குறைந்த செலவில் உருவாகி பெரிய அளவில் லாபத்தை பெற்று தந்த படமாக அமைந்துள்ளது. கைதி படத்தின் வெற்றியை தொடர்ந்து இப்படத்தின் இரண்டாம் பாகம் தற்போது உருவாக உள்ளது.

2022 ஆம் தீபாவளி பண்டிகைக்கு கார்த்தி நடித்த சர்தார் படமும் - சிவகார்த்திகேயன் நடித்த ப்ரின்ஸ் படமும் தீபாவளி கிளாஷ் படங்களாக வெளியானது. இந்த மோதலில் கார்த்தியின் சர்தார் படம் வெற்றி பெற்றுள்ளது.

சர்தார் - இயக்குனர் பி எஸ் மித்ரன் இயக்கத்தில் கார்த்தி, ராஷி கண்ணா, லைலா என பல பிரபலங்கள் நடித்துள்ள ஸ்பை - திரில்லர் திரைப்படம். சமூகத்தில் நடக்கும் பிரச்சனை பற்றிய பிரதிபலிப்பாக இப்படத்தின் திரைக்கதை வடிவமைக்கப்பட்டு பெரிய அளவில் மக்களின் கவனத்தை கவர்ந்துள்ளது.

தொடர்ந்து இரண்டாவது முறையாக ஹீரோ - தம்பி, சர்தார் - பிரின்ஸ் என சிவகார்த்திகேயன் படத்தோடு மோதி வெற்றி பெற்றுள்ளார், நடிகர் கார்த்தி.

ஜப்பான் - இயக்குனர் ராஜு முருகன் இயக்கத்தில் கார்த்தி, அனு எமனுவேல் என பலர் நடித்திருக்கும் கிரைம் திரில்லர் திரைப்படம். இப்படம் 2023 தீபாவளி பண்டிகை முன்னிட்டு திரைக்கு வெளியாகிறது. இப்படத்தோடு இயக்குனர் கார்த்திக் சுப்பாராஜ் இயக்கத்தில் ராகவா லாரென்ஸ் மற்றும் எஸ் ஜே சூர்யா நடித்துள்ள ஜிகர்தண்டா 2 திரைப்படமும், விக்ரம் பிரபு நடித்துள்ள ரெய்டு படமும் வெளியாகிறது.